Lady M

Open Now

Now Closed

今晚食完飯就梗係要去下場，就係Lady M 啦😆😆😆，係尖沙咀最好嘅選擇😆😆，今晚8:00左右到Lady M, 一到就有位，咁真係好好彩，平時排隊都要等十幾廿人，今晚一入座即有位，爽到爆🤣🤣🤣🤣，跟著就叫呢度最好食嘅千層綠茶蛋糕，我次次都係食呢個，一層一層嘅千層蛋糕好有口感，加上環境又舒適，員工招呼都幾好，會自己主動幫你加水👍🏻👍🏻👍🏻，值得嘉許，我地都係邊食邊傾下計，座左一粒鐘到就離開👍🏻🥂

三點殺到黎 Lady M門口, 已經見到人山人海係度排緊隊啦, 但相比啱啱開既時候已經好好多, 不過為試下M小姐, 黎到當然照排啦!! 未食我見到d 蛋糕已經流晒水了, 可能我太為食了, HEHE~~排隊時可以先諗定食乜, 絕對有充份時間選擇, 哈哈~~ 但D野食絕對唔平呀!!等了45分鐘終於安排到坐位了!!但要自行先到收銀處點野食先...我地一行三人叫了以下蛋糕及野飲...原味千層蛋糕: 見人人都叫, 所以就試下啦, 但味道普通到唔普通, 只是好似食緊CREAM甘, 得奶油味, 但勝在夠滑!!抺茶千層蛋糕: 抹茶控還是對抺茶情有獨鐘, 好香抺茶味, 手工又絕不馬虎, 入口香濃幼滑, 推介!! 正!!粟子蛋糕: 比預期好味呀!! 唔似坊間D粟子蛋糕食到"張"住個口又漏, 呢件入口非常非常之滑, 首選呀!!Green Tea Latte: 其實我未飲過帶苦既Green Tea Latte, 我還是喜歡飲較甜一點, 我揀左甘耐還是選擇錯誤!!!香茅姜茶: 完全沒有姜味同茶味, 只是有色既水, 朋友說早知只係飲水算...比呢個價食以上既野其實不太值, 仲要等甘耐

五個女仔黎食，由15:45排到17:30🙈🙈 開頭排隊以為仲有好多款未sold out，打算每款試一件share食，點知到最後只係得返三款crepe cake 賣，於是每樣要左兩件。先講味道：首先係原味千層蛋糕 $68，上面搽左一浸caramel令蛋糕充滿了caramel 未，甜甜的很好味抺茶千層蛋糕$75，抺茶味足夠，抺茶迷會喜歡檸檬千層蛋糕$75，呢一件比較淡味，食到上面有檸檬皮嘅就比較好味，如果唔係對我黎講味太淡。五個人中只有一個人喜歡呢款三款千層蛋糕個皮都做得非常簿，20層咬嘅時候好有層次，不過個人唔係好喜歡cream好似比其他地方吃的千層蛋糕較易溶，好快就令到件蛋糕變唒型。雖然千層蛋糕唔錯，但以平均$70一件黎講，就好難說服自己一來再來。個人覺得之前在檳城吃的千層蛋糕價錢低一半且味道及質感比佢更勝一籌，只係個皮無咁簿。不過個皮係咪要咁簿先好食就見仁見智。