老三油渣麵王

Open Now

Now Closed

今日土瓜灣一日遊～openrice見到呢間小店有豬油渣麵，reviews唔錯，未食過就去試吓！小店得幾張枱，坐低就叫咗碗招牌油渣麵 - 小辣($36) + 1個餸 - 魚皮餃 ($11)～唔好以為油渣麵一定好肥，其實唔係食到成口油嗰啲😆我諗應該同食碗車仔麵差唔多吧～真係唔似食緊豬油㗎😆佢有上海粗麵/上海幼麵/鮮米線揀，我就揀咗粗麵～碗麵有落蔥、蒜、菜圃粒，想走嘅話就要記得落單嗰時講喇。湯好香好夠熱，食到最後都係熱嘅☺️，辣度啱啱好、冬菇好香、白蘿蔔夠淋、豬皮浸咗落湯都好脆，唔油膩、魚皮餃都係正嘅，不過$11得2粒略嫌貴咗少少🤐 (如果揀餃子好似$9😛)

因為返工的原因，我又要開始喺譚公道一帶附近搵野食，見到油渣麵王，就想食，其實我都鍾意食豬油渣平日唔見人籠，但我今日去有兩家人排我前面，當然我一個人就搭枱直入，值得一讚係店員的態度，好有禮貌，由入去到出去一直都話唔好意思地方淺窄，吃唔單止食物，仲有小店人情味，唔似其他地方多人就好似唔休做咁，想趕你走咁樣。我淨係叫左碗油渣麵（上海粗麵丶中辣）我無諗過就叫中辣，但其實都幾辣，我下次會叫返小辣，我聽店員講仲有小小辣，所以想食辣又唔食得，就叫小小辣。重點當然是豬油渣，大大片，脆卜卜，好香正，又比得多，麵就正常。值得去試一試

某日同事買了油渣麵回公司做午餐，豈料一吃感覺驚為天人，於是我們便約定下次一起親自到店品嚐一番。 這間老三油渣麵在土瓜灣已經有一段長時間，同時亦累積了一定的人氣，午飯時間要排隊，而外賣亦無停過手！ 而這裡的油渣麵特別之處，是它的油渣都是用炸的！ ▼招牌油渣麵 ($34) 油渣麵有4個辣度選擇，可選粗麵、幼麵或者米線！是次選了粗麵，基本配料已有冬菇片和蘿蔔！冬菇片由蠔油炆煮，非常入味軟腍，好好食！蘿蔔同樣是鮮甜非常，無得頂！主角油渣可以選擇另上，咬下去口感像魚皮般乾脆，又滲出陣陣豬油香味，就算浸入湯內，吸湯後依然可以保持脆脆的口感，是雙重滋味！雖然每吃一舊就覺得自己膽固醇增加了一點，可是如此邪惡的滋味還真的是令人抵受不了呢！ ▼南乳炸雞翼 ($28/4隻) 南乳雖然不算太濃，但外皮炸得很香脆，肉質依然保持嫩滑有肉汁！如果與譚仔相比，我會覺得這個南乳雞翼比土匪雞翼更吸引！ ▼黃金韭菜角 ($29) 第一次吃正方型的韭菜角，外皮像炸香了的餃子皮，脆的像薄餅，餡料不算太多，雖然現在味道也不錯，但如果韭菜味可以更濃烈一點應該會更加分！ ▼秘製辣汁魷魚 ($21) 同事最愛的魷魚，他們覺得醬汁非常好

味道一流既油渣麵可㨂大、中、小辣！有冬菇、蘿白、好多炸過既油渣，所以好香！麵底唔會淋，彈牙👍🏼誠意即煮既油渣麵、夠熱！沙嗲魷魚夠辣夠香、魷魚又爽，好多時好早賣晒！可惜除咗餃子、豬紅豬腸韮菜、食物選擇不夠多

平日食油渣麵我一定會落大角咀既，不過今晚有事要去土瓜灣，就意外地比我搵到一間油渣麵店，仲要霸氣咁叫油渣麵王，我就梗係要食下佢啦，由於冇時間坐低慢慢嘆唯有外賣走。佢唔止係油渣麵架，仲可以加餸變做油渣車仔麵咁而且仲有d小食嗌架。不過我今晚就淨係買左個油渣麵。油渣麵其實係用炸香既半肥瘦腩肉做成既，再配上上海粗麵。而呢碗既油渣麵既豬油渣係好清楚睇到佢既黃金比例，而且湯底清，唔油膩，配上上海粗麵夠咬口，仲加左冬菇同埋冬菜去調味，正呀👍🏻👍🏻👍🏻👍🏻