愛家素食 (淘大商場) (Closed)

以素食為主題的快餐店，食物種類頗多，湯麵、扒飯、漢堡、炸物等，就跟一般快餐店的食物種類差不多。店內亦有一些有機素食的食材、零食等購買。叻沙百頁豆腐米粉 ($38)• 湯底叻沙香辣惹味，雖然比一般叻沙少了一份奶香或是海鮮鮮甜，卻別有一番味道。• 百頁豆腐外皮帶點韌性，而內裡則嫩滑，吸收湯汁令到豆腐變得更滋味。• 米粉同樣依附湯汁精華，有種愈食愈想食的感覺。招牌紅麴叉燒飯 ($55)• 極力推薦的一款主食✨不論是叉燒、炒菜、紅麴飯的份量非常充足。• 叉燒的口感和味道十分獨特，感覺用了很多配料或調味處理，配上薑蓉醬油會更加惹味。• 加$5便可得到一大碗合掌瓜湯，材料豐富、有種住家老火湯的味道。炸紫脆 ($13)• 同樣推薦的小食✨炸的程度剛好，不會感到很油膩，香脆度媲美小老闆那種紫菜。• 紫菜面灑上了一層薄薄的鹽巴，非常滋味。沙嗲串燒 ($24)• 串燒質感緊緻，同樣吃得出用了不同香料去醃製。• 沙嗲醬少了一份油香，比一般的感覺輕盈，但是一樣無損本來應有的惹味，配搭串燒簡直一流。

心血來潮想試下素食，但又怕好寡唔好食，經朋友介紹呢間素食快餐，食完至知道素食都可以好正架！🤤叉燒由麵筋整成，外層染左紅麴，外觀同真嘅叉燒相差無幾，口感亦非常相似。齋叉燒微甜，唔會好膩，配有大量炒菜同一大碗糙米飯，感覺健康👍🏻喇沙味道湯唔算好濃郁，但味道都唔錯，百葉豆腐爽口彈牙，同樣係有大量蔬菜🥬 最有驚喜嘅小食！紫葉經油炸過之後變得更加鬆脆，面頭淋左少少豉油，即刻變成一道食唔停口嘅小食 😋整體味道都唔錯，價錢亦算合理，份量滿足。其實間中食下素食都唔錯啊～