古月

Open Now

Now Closed

貴為北角黃店街既熱門食店之一，仲要係賣香港少有既肉骨茶🤩尼一年黎已經幫襯過好幾次😋質素都維持到！ 而且店內既裝修好童趣，餐紙設計好可愛新加坡招牌肉骨茶。 8/10食過幾次，每次都叫招牌，冇叫唐排。店員話招牌會肥肉多啲，但食落又唔覺肥膩，好有肉香😋配個無限任添既湯底+大大粒蒜就係高分之作李先生咖喱飯。 8/10今日第一次食古月既咖哩飯，好食😋椰香味重，但同時又食到辣味同咖哩香唯一要改善既係啲雞件唔夠入味。流心煎堆。 7.5/10見佢係限量供應就叫左黎試，感覺幾有趣。上菜時熱辣辣，一咬就流晒陷出嚟😌芝麻味好香。斑斕拉茶。 7/10淡淡的斑斕味，拉茶甜度適中，出色

其實平時行過都見好多人，今日落雨見人少少就入去試下，店員見我自己一個大肚婆，特登安排我坐埋一邊遠離通道，點餐後好快有野食叫招牌肉骨茶，肥瘦適中，肉排入味好好味😋湯底係星加坡胡椒口味，辣度適中，飲完出一身汗，正，好暖胃去濕，仲可以免費加湯！佢會跟一粒大蒜頭，食落係甜㗎，好特別，雖然食完會有好大口氣，但帶咗口罩應該唔會有人理下次一定會再試其他聽講雞飯都唔錯，我見都多人食同食咖哩麵，如果佢有多d小食就好了

呢間餐廳連續五年獲得米芝蓮推介，嘢食都ok，價錢唔算好貴。同朋友七點嚟到嘅餐廳，唔駛等位就入得啦。走嘅時候，出面已經開始排隊等位，所以早嚟會好啲。 🔸古滑雞飯個雞好滑，雞肉下面有鴨舌定軟骨係度，係有啲驚喜嘅。雞油飯好好味，但係個醬汁偏甜。 🔸古月招牌肉骨茶個肉骨茶同平時有啲唔同，佢係胡椒湯底，而唔係平時見到嗰啲深色嘅藥膳湯底。肉嘅份量唔多，個蒜頭佔咗好多空間，油炸鬼得兩件好少。味道有啲似胡椒豬肚湯，辣辣地。飲到最底胡椒味好重，飲完成個人好熱流晒汗。💦 🔸斑蘭千層糕個千層糕外面係啡色，以為係印尼蛋糕味道，食落入面原來係綠色，好重斑蘭味。蛋糕邊有少少脆邊，都幾得意嘅，但係未去到十分推介🙈 🔸三色奶茶望落去個樣都幾特別，可能佢加咗煉奶，飲落有啲偏甜 🔸斑蘭拉茶其實佢同普通奶茶冇乜分別，有少少斑蘭味，同埋個造型都幾靚.💰人均消費：~$100

與認識多年的好友聚舊，知她喜歡吃星馬食品，便相約在地鐵站附近的店子，其實地點頗隱蔽，在寂靜的小街裏，整條街都是吃的，但識途者眾，要等位呢！店子小小，但卻很有特色，牆上的繪畫獨特，也有明星的推介照片。看著餐牌，價目可接受，好友先點了她在星馬旅行時常喝的三色奶茶，我則點了冰糖羅漢果冬瓜龍眼水。三色奶茶底層是來自馬六甲的椰糖，還有煉奶，喝前要拌勻，別有風味；龍眼水相當甘甜，因下了羅漢果，冬瓜清潤，是滋潤的飲料。先來個小吃，蝦春卷，以蜂巢似的脆米紙捲著一隻蝦和蔬菜，賣相美觀，炸得香脆，味道不過不失。辣椒板麵，板麵上，堆滿各種材料，有溫泉蛋，豬油渣，蔥，蒜碎，肉碎，小魚乾，菜甫，還有秘製辣椒醬，將所有材料拌勻便可以吃，很惹味，板麵似烏冬，夾雜蛋汁和其他材料，鹹香辣有齊，要喝點龍眼水解辣。招牌肉骨茶，白胡椒味，是新加坡版本，骨上仍有肉可吮，湯水清澈，非常好味。小店有誠意，會再來。