番茄18

Open Now

Now Closed

【蕃茄食物名不虛傳🥫】有時入到將軍澳都唔知食咩好，今次朋友就推介咗呢一間出名蕃茄嘅茶記😍假期晏晝一點幾嗰陣都幾多人㗎全間都幾滿🙈原來將軍澳近海旁唔係剩係得貴嘢食，呢啲茶記都係一個平價之選‼️2點仲有下午茶🈹鍾意蕃茄嘅人仔真係要去試吓啦🍅.瑞士雞翼麻辣蕃茄湯米線蕃茄湯底蕃茄味濃之餘仲有麻辣🍅譚仔食開麻辣10小嘅人仔都食到😍佢係易入口，食完之後果隻麻麻哋嘅辣🌶仲有炒蛋係面🍳佢唔係果種好奶好水嘅炒蛋，但都夠滑👍🏻瑞士雞翼超入味甜甜哋！仲要有2隻大大隻雞全翼🐓推介‼️.招牌胡椒豬肚雞湯米線佢林料超多！餸多過米線😂佢嘅餸包括有胡椒、豬肚、雞、酸菜、支足等😚湯底有啲胡椒味，但係又唔會好辣攻鼻，佢唔係嗰啲好濃味嘅湯底👍🏻豬肚食落有口感，唔會有怪味🥰雞都夠晒嫩滑🐔米線、支足都吸晒啲味😋推介‼️.蔥花炒蛋治下午茶餐包嘢飲，蛋治勁多餡😍食落又有蔥花味，但又炒得幾滑🍳.金牌咖喱牛腩飯 咖喱牛腩飯牛腩都幾淋🐄入面仲有薯仔🥔係港式嘅茶記咖喱飯😛-🔖佢仲有好多比較特色嘅飲品，例如有華田脆脆、菠蘿冰、綠椰冰、紅綠椰冰、紅豆奶茶🥤-💎推介指數: 💎💎💎💎（平靚正之選👍🏻)💡性價比:✨✨✨✨✨🍴ENCORE指數: ⭐️⭐️⭐️⭐️⭐️

將軍澳南開左好多餐廳，好多都好似幾正咁。呢日就黎試下呢間人氣小店。呢度d裝修係用懷舊將軍澳做主題，感覺幾長清，充滿打卡位。雖然係小店，但野食選擇都吾少。呢杯華田脆脆，睇樣就知好足料。紅綠椰冰既椰味十足，好香又有豆豆既口感，係一杯幾解暑既野飲。麻辣番茄米線叫左少辣。雖然真係少辣(吾食辣既我都可以吾洗飲水)，湯底既麻辣味都幾出，後勁既蕃茄味都夠突出，比一般米線店的蕃茄湯底更特別同惹味。招牌胡椒豬肚米線份量好大，夠兩個女人或1個大男人食。米麵爽口有米香，胡椒豬肚味道有家既感覺，飲哂成碗湯都吾會口渴。招牌瑞士雞髀好入味，但都保留到少少雞味同肉汁，值得一試。招牌木碎花生多士真係好特別。脆口既多士，配埋花生碎同煉奶。未食前以為花生碎會sip牙縫，食落發現花生碎真係磨得好細滑，真係好似木碎咁，幾過癮喎。

香港地雖然美食雲集，總有啲地區美食稀疏。除咗馬鞍山之外，要數美食沙漠地區，將軍澳非佢莫屬喇。搵嚟搵去都係得連鎖餐廳，不過大胃就搵到一間沙漠中嘅綠洲好多人踩完單車就喺門口等位，人龍現，大胃都唔執輸喇嗌番茄餐送咁大隻瑞士雞髀，抵玩喎好易切開，食落幾嫩口番茄湯底非常濃郁，炒蛋又夠滑叉燒竟然唔嚡口喎，驚喜奶茶有陣炭燒味，紅豆又夠腍呢個多士亦係驚喜之作，用威化餅碎做點綴，口感一流茶記米線好難好食，但佢碗米線唔糊，仲幾入味難怪咁多人去食啦，唔只係因為新開張，食物係關鍵