華香雞 (Closed)

上次同FD子夜晚食過華香雞覺得幾正，今日同屋企人行開觀塘就嚟返啅。都keep到水準，皮滑肉嫩雞味濃。有酒味但好淡，肉都幾滑嘅。唔麻唔辣嘅麻辣鱸魚，味道好淡，魚肉蒸得太耐好嚡。白鱔口感爽脆，但份量偏少。芥蘭食落咸咸地唔苦，枝竹吸咗豆豉鯪魚啲味好食過芥蘭，但整份量都係好少得幾條。味道幾香。食完呢餐不得不提嘅係個個員工都發緊夢咁…廚房係咁整錯，黃酒雞煲變咗紹興醉雞，嗌咗兩個飯嚟咗四個飯…樓面要人出聲追幾次都唔記得又落錯單…九肚魚無蝦又無，都唔知喺menu寫嚟做乜…呢間嘢真係唔會再嚟食

約咗朋友仔們去觀塘嘆咖啡，飲咖啡之前搵啲嘢食醫下肚仔先，朋友就搵到呢間以前好出名華香雞係觀塘開返舖頭，我自己就未試過，見朋友話出名既都有興趣去試試佢！餐廳係成業街一個上一層既舖位，舖頭好大，星期六無乜人返工關係，唔算好多人。朋友同我都好鐘意食中菜，樣樣都想叫啲嚟食咁滯。最出名既華香雞梗係要嗌啦，我哋叫咗個一人份既黃飯加華香雞（$45），雞味好鮮甜好滑，黃飯都好香。職員仲俾咗三隻醬我哋，有薑蓉又有辣醬。因為我同朋友都對紹興醉酒雞特別有興趣，所以都叫個例牌($90)，酒味好入味，雞肉又係好滑好好食！除咗雞，魚我地都好有興趣，魚有白鱔同鱸魚揀，我地揀咗薑蔥鱸魚加黃飯($58)嚟食，魚已經切好晒一份份，魚肉好肥美，好新鮮。食咗咁多肉，都要食返啲菜嚟平衡返，我哋叫咗個濃雞汁菜心(小煲$48)，啲菜好"林"好好食！朋友再叫咗個麻婆豆腐煲($78)，嚟到先知原來咁大份，我地發現呢度既豆腐俾出面既麻婆豆腐大粒好多，同埋食落口麻好多，亦都惹味好多，問返職員先知原來呢個係正宗既四川做法，唔似平時食開既麻婆豆腐咁，豆腐比較散同小辣味道，的確平時食麻婆豆腐又真係唔太覺得有麻辣既感覺，而呢個就真係有感受到，我地

朋友於觀塘返工，星期六返半日，於是便相約到觀塘工廈覓食!而這天朋友又想食下中菜同雞，於是就黎左呢間餐廳試下。只要上工廈的樓梯一層便到餐廳，十分方便!餐廳環境很大，可以容納到好多人，但可能因為係星期六，所以未算很多人食LUNCH!看過餐牌，點了兩款不同的雞試下。招牌華香雞配煎黃飯煲($45)，上菜的時候真係嚇左一跳，因為個飯仲大過碟雞!先講講個招牌華香雞，味道似豉油雞，雞肉嫩滑有雞味，蔥油都有很多蔥，味道唔會好咸!煎黃飯煲亦都係這間店很出店的，聽店員講飯煲是他們公司特製的，可以做出飯焦!這煲飯大概可以分到2-3碗滿滿的飯，黃薑飯已經有味，還有紅蘿蔔絲、雞蛋絲和菜絲一起，淨係食個飯都已經好好味!黃酒雞配黃薑飯($50)，黃酒雞就是用上這間店特製的煲盛著，黃酒雞用上紅棗、薑、金針、雲耳、芹菜一齊整，所以味道很濃。雞仍然很滑，而且吸收了雞的味道，特別惹味。而配菜金針、雲耳同芹菜亦吸收哂黃酒加上雞油的味道，所以用黎撈飯一流!而這碗黃薑飯就不像煎黃薑飯一樣有味，但是用上黃酒雞的汁撈埋一齊食的話，絕對可以食多兩三碗飯呀!以上兩款飯都是可以跟例湯/飲品，當天的例湯是老黃瓜雞腳湯，味道唔係好濃，淡淡地，