Shelly Cake Express

Open Now

Now Closed

南丫島人氣熱門蛋糕店Shelly Cake Express 📍南丫島榕樹灣後街21號地下C舖➰嚟到南丫島一日遊，做資料搜集果陣見到依間Cafe嘅蛋糕好出名。✥招牌豆腐芝士蛋糕 💲65 ⭐️4.2/5⭐️芝士蛋糕擺盤賣相精緻，雪白豆腐蛋糕之上仲有食用玫瑰花，吸睛程度一流，入口味道豆腐味濃郁，唔會太甜，配埋脆皮餅底層次感豐富，整體上都好出色➿➿➿

而家呢個時勢，去下南丫島當去左個小旅行，去得旅行當然要揾間cafe 打下卡同chill下，係榕樹灣後街有間Shelly cake express，門口有賣自家製冰棒，星期日下午茶時段等左一陣就有枱，舖頭細細但有居家感同好有人情味！招牌豆腐芝士蛋糕（$65）雪白既蛋糕上面灑左好多玫瑰花瓣，一上枱就好香花味，入口口感比較軟身，豆腐同芝士既味好夾，餅底偏脆，食得出好香既牛油味。雖然有少少貴，但同人分享試下都尚可接受。凍美式咖啡（$36）未入舖頭已經聞到好香既咖啡味，一定要叫杯飲下，但飲落就比較淡。荔枝乳酪沙冰（$47）普通沙冰係$42，加$5可以加yogurt，香甜既荔枝味，酸度好夠好足料，行到熱辣辣最開心飲到甘冰涼既沙冰！

今日同女朋友入南丫島chill住過週末~行到有啲攰就去呢間cafe食個蛋糕飲杯咖啡入到去堂食有Minimum charge人頭$80蚊大概一人食個cake再加一杯咖啡都夠入到去店員好熱情好詳細咁介紹當日有邊款蛋糕~諗完一輪最後決定試佢呢度招牌嘅豆腐芝士蛋糕同埋店員推介嘅焙茶半熟芝士蛋糕靜岡焙茶半熟芝士蛋糕 ($72)呢個蛋糕意想不到咁好食！有好濃嘅芝士味！一啲都唔會太甜！推介！招牌豆腐芝士蛋糕 ($65)呢個招牌豆腐芝士蛋糕豆腐味好足！略嫌冇乜芝士味！但個餅底非常脆！唔錯！Irish Cream Latte ($40)Matcha Cream Latte  ($40)呢度嘅嘢飲就相對麻麻！抹茶latte太重奶味！唔係好飲到抹茶嘅味道Irish cream latte 就比較苦，酒味亦唔太出！可惜！如果嚟到南丫島想搵間Cafe食個Cake，絕對推介呢間小店

南丫島好出名食呢間嘅豆腐芝士蛋糕，所以一場黎到當然要試下。不過堂食每人最低消費為$80，而一件芝士蛋糕只係$65，我同朋友都只係想食件芝士蛋糕，食唔到咁貴，所以就叫咗芝士蛋糕外賣。餐廳環境好細，從門外望入去感覺環境較暗，所以起初都唔敢行入去。揾店員落單時，佢戴緊耳機，都唔係好理我哋咁，我哋話想要多隻叉，最後都冇攞到😅。招牌豆腐芝士蛋糕 ($65)入口好香濃豆嘅味道，反而芝士味唔濃，似食緊豆腐多D😂。感覺比較清新，冇芝士蛋糕咁膩，推介大家去試下👍。

招牌豆腐芝士蛋糕 $60初嚐蛋糕有好濃郁嘅豆腐香，但芝士味唔太突出，食耐咗更會被消化餅餅底搶走豆腐味，略為可惜。質感上較厚實但濕潤度適中，伴以食用玫瑰花，入口添一分花香。55%朱古力心太軟配雲呢拿雪糕 $78心太軟流出醇厚黑朱古力醬，熱燙口感伴上冰涼雲呢拿玫瑰花雪糕，交替溫度差令人上癮，口腔充滿玫瑰香，乃驚喜之作。Mix版本袋裝手工曲奇 $65聽老闆娘講袋裝版係隨心mix，所以唔會有齊咁多款口味，當日佢mix咗4款比我，包括：法式牛油、燕麥雜莓、伯爵紅茶、特濃咖啡。伯爵紅茶味道最為突出，茶香餘韻飄香。其他口味就不過不失，如果可以濃郁啲會更好。