一日三餐 (Closed)

旺角有好多茶記，好多都搞唔掂又貴🤢不過一日三餐同佢個名一樣，雖然每次去都要排隊等位，但會令人一日三餐都想去食🤪【招牌豉油雞套餐 • $68】豉油雞係用悅和豉油，入晒味，色香味俱全。話晒係佢地既招牌菜，第1次個陣食雞脾梗係好滑啦，但今次食唔係雞脾既就差少少啦，肉質有d乾柴(鞋🤣)。不過有咁好食既豉油汁撈飯，就咩都ok🤤最鍾意就係拆左塊雞皮係咁點豉油汁，淨係食雞皮個一下好正呀🥲【越式三寶蔥油拌飯 • $62】呢個午餐B係新出，三寶係雞翼(4隻)、扎肉(2塊)同煎蛋。一上枱見到4隻雞翼同2塊厚切既扎肉呆左，份量多又好食得黎同價錢完全成正比👍🏻

6pm 準時等位, 等咗大概15分鐘就有位啦！第一次試一日三餐！比我想像中多款式；座位亦算坐得舒服，員工服務態度好好。招牌豉油雞套餐配白飯 $68招牌菜，幾乎隔一枱就有人食；用上悅和醬油，好味加分；份量適中焗黑松露芝士海鮮飯 $65一上枱就好香黑松露味，熱辣辣感覺好好👍🏻 海鮮方面有兩隻大蝦🍤，仲有一片片魷魚同蜆肉仔咁；芝士味都食到嘅，唔算多。賞花杏仁露 （跟餐 +$6）配上幾塊玫瑰花片，邊飲覺得好香 🌹