巴蜀軒豬扒酸辣米線

Open Now

Now Closed

本人其實都鐘意食辣野，一直經過見到一間小店食巴蜀野都好想試，寫話豬扒米線好味，好期待食佢的巴蜀香料感覺。今日星期六大約3點左右去到，點知.....下午茶時間都差不多爆晒，多人都好迫，要背對背才可以坐，但以小店而又好味的話是沒所謂。但待應真係麻麻地，都吾叫好理人同問佢有個什錦米線係米大碗之類，佢就只比返個餐牌比我地睇。所以最後冇叫什錦而叫了一個四川粉和雞翼招牌豬扒酸辣四川粉（$38）：叫了中辣但辣的程度係沒有，仲要係佢辣的原因係有辣粉而不關湯底事，冇酸冇辣。湯係好差，超失望。四川粉還正常，都有口感。幸好係豬扒好入味，又份量適中，有厚度而又吾硬。秘製單骨雞翼12隻（$65）：黎到見到有香料粉係雞翼度，仲心諗一定有好濃的香料味，點知食落只可以講係好味的炸雞翼，不知道秘製係邊。但吾油，食落到起碼吾會成口油。因為單骨的關係，食都好方便。但＄65黎講吾叫平因為背對背關係，真係食左20分鐘已經想走，湯底對辣野黎講真係好重要，佢連湯底都咁...就算下次黎只會食豬扒之類的食品。 

9月18日, 夜晚一心想食個雲南米線, 想起近灣仔嗰頭有一間. 唔係喺大街, 不過經過過兩三次, 入面都係水靜鵝飛. 本身唔係太有期望, 今晚入到嚟亦係一枱客都冇, 入面2個店員都喺度吹緊水~::: 招牌豬扒酸辣四川粉 + 凍奶茶 ::: $29 + $6作為招牌, 梗要試一試~ 豬扒切咗件上, 略嫌太碎身, 應該係用香茅醃過, 都幾入味, 肉身又唔會太韌, 有咬口~ 本身唔太鍾意淋pat pat嘅米線, 索咗湯仲有d滯滯膩膩感. 今次d四川粉又未食過, 估唔到又幾好食, 爽口得嚟又幾彈牙wor~ 湯底唔夠酸辣, 反而有麻辣味? 酸菜唔夠酸亦落唔到湯底, 所以湯底清得嚟有少少麻… 對於唔太好麻辣嘅我就麻麻地…凍奶茶嘅奶味比較多, 可以中和一下辣味嘅…::: 香茅豬頸肉涼拌紅薯粉 ::: $33都幾大堆頭嘅一碟~ 豬頸肉大大件厚切, 炸得好香! 肉質有彈性, 略嫌有少少過實, 但香茅味足, 豬味新鮮~ 確係唔錯! d紅薯粉超煙韌又彈牙~ 夠晒Q~ 但因為太滑身基本上無乜咬過就直吞落肚喇! 個涼伴醬汁係芝麻花生醬… 本來味道唔差, 但麻油落得太多, 令個汁好膩… 食完好滯!一路食下都見到佢