祥仔辣辣 (海運大廈) (Closed)

我們吃了飯後落了牙套包在紙巾放在桌子上，回來的時候已經被當作垃圾扔掉了。是工作人員阿秀姐姐幫忙翻了垃圾袋才找到的，一邊還說只要是客戶都會認真解決我們的問題，態度真的好好吃的也都不錯，廢話不多，直接上圖

一早book定之前去旺角食過嘅祥仔辣辣🌶️🌶️一齊食我地最愛酸菜魚!  店內裝潢新派+古典風, 特多卡坐得舒適, 仲有大大個維港靚境欣賞! 店員推介二人套餐, 一共有兩款前菜、四款招牌菜同甜品, 又豐富又抵食! 🌶️招牌祥仔酸菜魚🐟店員介紹招牌酸菜魚用左特選香料例如嘅迷迭香同花調製, 勁多勁滑白雪雪嘅鱸魚，魚肉新鮮嫩滑，味道清新，加入香味濃郁嘅酸菜湯汁同微辣味非常之夾，配料有大量酸菜，大豆芽，菇類，一碟招牌菜食出唔同層次感！讚！前菜： 🌶️酸辣紅海蜇花🥒半透明嘅海蜇花, 香脆爽口, 食落唔會太硬, 配埋酸辣汁惹味又開胃! 🌶️招牌口水雞🍗大量花生嘅招牌口水雞, 味道香辣, 雞肉軟嫩冇雪味, 啖啖肉配埋汁驚喜地好味!小菜🌶️宮保蝦仁🦐酸酸甜甜嘅汁配上爽口蝦仁！太啱我口味！🌶️干鍋福建椰菜花🥦平時鐘意食干扁四季豆，椰菜花辣味恰到好處，炒至爽脆！估唔到咁好味！🌶️自家酸菜炒肉末配薄餅 帶點煙韌嘅薄餅皮，包住滿滿嘅酸菜炒豬肉，肉粒分明香口，成個餐唯一真係唔辣嘅小菜都好好味！ 🍮酒釀桂花湯圓🥣跟餐嘅甜品係酒釀桂花湯圓，一上枱已經聞倒好香桂花味！仲有兩粒係我最鐘意嘅芝麻湯圓！好完美！

終於約到飯腳食辣野平日中午嚟，有人流，但唔使排長龍，好快就有位環境都幾好，無為意有海景位😭普通位置都寬闊，唔知係因疫情定原先已經係呢坐低就有水，又會介紹下個餐牌，服務都唔錯最後揀咗水煮牛肉米線（小辣）配四小碟四小碟先上：口水雞、粉皮、海蜇花、蓮藕片正常發揮牛肉有口感，唔係普通牛肉片，不過我唔識講😬麵湯唔油，仲可以飲🙆‍♀️麻味夠👍🏻👍🏻每食一啖都d辣味都衝擊喉嚨，食一啖咳幾下🙈試咗兩三次都係咁，唯有過落碗仔再食沾咗辣湯嘅米線好好味！後加酸菜魚，好大份呀🤩雖然望落好多辣椒，好彩都唔太辣😋下面有索曬味嘅萵筍魚有少少骨，算係接受範圍酸味辣味都好夠，下次可以配飯個人偏愛青蘋果味（糖水）所以杯餐飲好好飲！如果有埋啫喱就更好😛