八方雲集鍋貼水餃專門店

Open Now

Now Closed

因為有事做,搞到夜夜都未食飯,不過仲有一堆事後工作未做,返到屋企有排忙,肥就肥死佢啦,一陣去食薯片朱古力咪仲衰!在荃灣街頭,其實都幾多野食,不過咁夜都係食到有飽感就好,所以知道附近有拉麵好出名,都決定算吧啦!結果,我去了食鍋貼同水餃.....八方雲集是以特許經營的模式運作,所以好多區都有,間間不同老闆,口味都可能有少少分別今晚我叫了一個雙併餐($34),可以從多款口味的鍋貼中選兩款,每款5隻,另送一杯豆漿,豆漿味道普普通通,不算是很濃郁的豆味,只是口乾乾想喝而已.....招牌鍋貼外皮煎至金黃,口感脆卜卜,餡料也包得飽滿,肉汁也有不會乾巴巴的,我對鍋貼要求比較低,只要脆皮,餡不乾.我已覺得合格了~另外也試了田園蔬菜水餃綠色的外皮,賣相吸引,但好似比其他款式水餃細一點咬開見到有大量的切丁的蔬菜,味道比較清淡,易拉架寫的小棠菜、椰菜、紅蘿蔔、沙葛、黑木耳,看餡料都是份量也不少的其實我自己就不太吃得出食材,可能是切得太細碎,口感味道也不太清晰整體來說,我自己都幾喜歡素餃子,可能我平時家中媽媽也有煮素餃,吃著吃著有點親切感,餐廳加入素食的元素,其實都是不錯的方向,可以為店舖加了新鮮及年青感,不過

今日到荃灣上堂之後在附近買嘢，跟住去咗八方雲集醫肚，店內的食客並不多 ，我叫了一個麵線套餐 (30 元) 包括: 台灣麵線 + 招牌鍋貼五隻 + 豆漿。台灣麵線 ~ 整體麵線的味道及口感都不錯稍嫌麵線湯底較杰，可能台灣麵線原本就是這樣吧 !招牌鍋貼 ~ 這裏的鍋貼是長形的，煎得剛好不會太油，的確實幾好食。豆漿 ~ 也算 OK !

第一次喺八方食野..之前有聽同學仔話過唔好味唔抵..但今次一試..覺得唔錯..都算抵食..個"招牌鍋貼" 系長身瘦size..同"鍋貼"食開嗰D唔同..個外皮脆脆地..好好味^^碗仔翅就麻麻..冇咗傳統風味..好似洗雑錦湯咁辣味水餃最後悔..其實唔關距個味道事..系我本身唔鐘意食刨菜..我又冇問清楚..原來辣味水餃就系用泡菜做錎的..所以....食得好勉强..但朋友話好味@@希望下次去試其他野^^

搭車經過，發現原來大河道麥記隔離開左間八方雲集。以前從來未去過八方雲集的任何一間分店，今次決定一嚐。可能新開張關係，晚市人頭湧湧，好不容易才找到位置。這裡食物選擇不多，來來去只是幾款水餃及鍋貼。有套餐，價錢介乎$26-28，有10隻水餃/鍋貼，另可選一款湯品。若嫌10隻太多，也可單點，惟至少也要來5隻。10隻招牌鍋貼，呈長方形，外層帶點燶。因為是剛煎起，熱炙騰騰，外皮香脆，不過燶，可是餡料的豬肉欠缺肉的鮮味，味道亦是偏淡，所謂的『招牌』，其實也不外如是。反而韓式辣味水餃仲有驚喜。同樣是要10隻，皮是偏厚身，內餡像是韓國泡菜，辣度溫和，卻是幾惹味，挺合口胃。另單點了5隻韭菜水餃，賬卜卜的，幾吸引。咬下，肉質不算鮮，但韭菜香口，挽回些少分數。由於味道偏淡，點些醋調味會較好。如要比較，我是喜歡辣味水餃多一點。輪到湯品，我沒有喝粟米濃湯，據說又是略淡。旗魚丸湯，湯底加埋紫菜，又是清淡之作，飲一兩口可以收手。所謂的旗魚丸，口感和味道均幾似墨魚丸，但沒那麼爽口，無咩特色。加六蚊整杯凍檸樂，檸檬只得兩片，惟勝在罐裝可樂夠晒冰凍。