三分俗氣 (Closed)

近二個月沒來新蒲崗了，家人喜歡吃中菜，於是今晚在新蒲崗附近找一間中式小店吃晚飯。名字很特別，「三分俗氣」是家上海菜餐廳，可能位於新蒲崗，價錢也相對便宜。店鋪裝修簡單，實而不華，很貼地的感覺。招牌鮮肉小籠包一上桌就令人垂涎三尺，皮薄餡靚，小籠包皮是做得好，皮薄而夾起時又唔會穿，裡面很juicy，讓人欲罷不能。招牌鮮肉生煎包包底煎得金黃，皮薄底脆，滴湯不漏，但小心燙口。肉餡是豬肉，肉鮮爽嫩，但香而不膩。砂鍋雲吞雞砂鍋雲吞雞（半隻）才$98，有足料半隻雞，也算是划算。雞肉也熬得全然軟稔，湯入口湯濃味鮮，有雞味。還有皮薄餡靚的雲吞，而雲吞味道正常。酸菜原條沙巴龍躉斑酸菜奇香無比，不會死鹹，輕易吊出龍躉的鮮味。龍躉魚身也夠滑溜，但多骨。糖醋魚塊 開胃醒神的一道菜，甜酸度剛剛好，像咕嚕魚塊，魚塊亦大大舊，鑊氣十足。

男朋友住新蒲崗附近，今晚嚟咗新蒲崗同佢搵好嘢食，佢話呢間上海菜好食又唔貴，決定信佢一試😀七點半去到， 唔使排隊入座，但基本上餐廳都坐滿人，好彩兩個人唔難搵位😁 (不過好似仲有樓上😅🤔) 我哋叫咗一個招牌鮮肉小籠包，涼拌雞絲粉皮，韭菜炒鱔糊(另加白飯)，粟米魚肚羹同埋雪菜毛豆百頁～首先嚟到嘅係涼拌雞絲粉皮，佢有好多雞絲好足料，配花生醬夠晒味， 粉皮帶啲爽口👏跟住就係粟米魚肚羹，五十幾蚊好大兜，不出嚟有佢果啲碗嘅大約五碗😅😅 味道同濃稠度都適中～雪菜毛豆百頁就係偏清淡嘅蔬菜類， 不過幾好送飯😂 毛豆唔會過淋👍小籠包係新鮮蒸起，嚟到熱辣辣，皮薄多汁， 呢個價錢性價比高😊韭黃炒鱔糊份量都幾多， 望落覺得個汁幾稠但係食落唔會太咸，魚既份量亦都畀出面食到嘅多， 呢個汁送飯又係一流👍原本想試埋佢嘅甜品，不過太飽，所以下次先啦😆(P.S. 食食下聽到隔離枱個男人話“食嘢唔一定要睇裝修”，其實我都幾認同，哈！😂😂)

今日放假做下孝順女帶媽咪去新莆崗行下街，順便探下舅父，好耐無來尼區了，真係變左好多，仲有新商場mikiki行，我地都買左啲生果上去探舅父，佢好開心傾下傾下已經六點，大家都肚餓了，舅父提議去食上海野，都好丫，媽咪都贊成這間上海菜館叫三分俗氣，我覺得好得意，點會話自己店俗氣嘅呢？舅父解釋話因為三分俗氣，七分韻味嘛！啊....又幾有意境咼店面簡簡單單，尚算整潔，有兩張半卡座圓枱可容納八至十人左右，我覺得設計不錯另外設有四人卡座同單邊卡座，前面仲設有透明廚窗可欣賞師父即席創作小籠包點餐紙簡單清淅，有涼菜，小菜，套餐等選擇另外仲有點心，湯麵，菜飯，年糕同甜點，種類繁多正宗手拍青瓜非常爽脆入味，作為開胃冷盤十分適合粟米魚肚羹非常足料，調味恰當，面頭仲灑上金華火腿粒，咸咸香香，非常惹味上海炒刀削麵，麵非常旦牙有質感，味道剛好，不會太油，不錯吃的招牌鮮肉小籠包，上海菜必點，熱辣辣剛蒸起，漲卜卜，肉汁豐富，皮薄而不易穿，做得非常出色，推薦紅油炒手，尼個我媽咪至愛，佢話味道非常正宗，好好味我試左一隻，唔會太辣，皮又做得夠滑，不錯最後食埋我最愛嘅高力豆沙，非常滿足味道非常好，不會太甜，口感鬆軟，我食左兩粒呢

男朋友接收工系列，然後係附近搵野食，見到呢間餐廳特別光猛，就揀左呢間上海菜試下。<川味口水雞，$62>雞都好滑，味道唔錯，不過食得辣既我地就覺得可以再辣啲。<招牌鮮肉小籠包，$36>好Juicy，仲有好多湯係隻小籠包入面，我地都鐘意食小籠包，正。<自家製樟茶鴨，$65>自己第一次食樟茶鴨，連埋個包夾埋啲鴨肉一齊食，幾特別！<上海韭菜餅，$36>煎得好香口好脆，而且加入左蛋，令到更香更滋味。<奶油津白，$55>好大份，係咁多比較重口味既食物當中，可以清清地無咁滯。<俗氣擔擔麵，$45>男朋友鐘意食擔擔麵，味道不錯，不過都係可以辣少少。<雪山高力豆沙，$38>上海甜品點可以無左高力豆沙，最後食真係無得輸，好食。

招牌鮮肉小籠包 $36一客四件，皮薄薄的，又帶點韌性。內裡的肉和肉汁是滿滿的，食落暖笠笠又好香。夾起時技巧不好，眼看要穿，但個皮又頂到喎，勁！味道同我响上海食到的有得比。結論是，每人兩隻是不夠的，我想打十個 😆。滷水牛展伴海蜇$55是冷盤，牛展好有牛味，但略嫌乾左少少。海蜇有調味，爽口、彈牙、好食，中間仲加左蘿蔔絲，增加口感。兩者比較，我鐘意海蜇多D，朋友就大讚牛展。份量不少，呢個價錢好抵食。自家製樟茶鴨（例牌）$65鴨做得很乾身，皮是乾是脆的，鴨偏瘦，沒有多餘油脂，鴨肉很嫰很香。雖然其貌不揚，但卻十分好味道。點埋甜醬仲正，少少都夠架啦，吊下味啫。伴住隻鴨有幾個蒸包，係饅頭D friend ； 甜甜地幾鬆軟。同小籠包一樣，呢碟樟茶鴨我俾滿分，列入我回頭必點的項目之一。蟹粉賽螃蟹伊麵 $168一般食的賽螃蟹係無蟹架！都不知俾佢昆左幾多次。但呢間呢，係堅有蟹架！係濃濃的蟹粉，仲有少少蟹肉，香到隔離枱都望過嚟呀！呢碟一定要襯熱食，好滑的蛋白，加上滿滿的蟹黃舖面，底層仲有入味的伊麵，幸福感爆燈。份量好多，而且夠飽肚，兩個人其實食唔曬的，可以多幾個人 share 都得。自製鮮豆漿 $12大杯抵飲

新蒲崗係個較舊式既工業區，今日黎到呢到間食上海茶，相信更有懷舊既味道❤️❤️位置一d都唔難搵嫁❤️❤️ 而我哋今次叫左個二人套餐同埋散叫咗兩款菜式。芝麻醬非常之香濃，而且粉皮唔會好厚，條條青瓜，小小火腿絲，同埋 雞肉絲作為開胃小食，非常之好味㗎！雖然唔係好夠凍，但係味道同口感都唔錯😊😊呢個酸辣湯夠酸夠辣，食咗一碗已經大汗疊細汗，如果材料可以再多啲就好喇😏😏 而且呢碗份量，可以食到三至四小碗架😍呢個小籠包一黎到以為佢好厚皮，點知店員放低嗰陣，見到啲湯汁喺個小籠包入動L，就知道佢絕非池中物❤️❤️好香甜嘅湯汁呀🤤🤤🤤見唔見到小籠包既肉係粉嫩色，而且咬落去一啲都唔鞋，仲幾嫩滑嫁🤩🤩而呢個椒鹽豆腐味道唔太突出，淡淡嘅豆香味，咬落去外層香脆，豆腐非常之嫩滑。如果可以再整濃味d就更好啦🤤酸酸甜甜非常之開胃，而且佢哋嘅魚塊都幾大塊，用嚟送飯一流😋而且魚塊唔會有腥味，夾埋呢個酸酸甜甜既糖醋汁，真係幾好食👍佢絕對絕對絕對唔油膩，食落唔會有一陣油益味，炒得都幾乾身。麵條幾彈牙，而且配菜份量適中，最緊要佢又係好大碟😂可以分到至少五碗😂一來到差啲以為畀咗個雪山我哋😂😂白雪雪既糖粉沈上熱辣辣嘅高力豆沙上面，嗰包咬落熱得黎唔

今日與朋友行新蒲崗，見三分俗氣門口的二人套餐$238，都幾吸引扺食，於是決定試嚇二人套餐。餐廳都是卡位式設計多，整齊舒服及比較寛敞。二人套餐$238。二人套餐可自由選擇由餐廳提供的幾款菜式。我們選擇了粟米魚肚羹，花雕醉雞，蔥爆牛肉，回鍋肉粗炒。粟米魚肚羹。粟米魚肚羹十分綿密，粟米碎開，但又不是太碎，魚肚𢇁一條條，粟米令整個粟米魚肚羹更清新鮮甜。魚肚有骨膠原，令整個粟米魚肚羹又有口感又好味又有營養。花雕醉雞。花雕醉雞顏色金金黃黃，上枱已聞到幽幽的酒香，雞肉嫩滑，帶著酒香，不錯的花雕醉雞。蔥爆牛肉。整碟菜非常夠鑊氣，夠香口，蔥爆牛肉，京蔥非常香口，牛肉帯著炒的香味，與京蔥斉食，非常惹味。回鍋肉粗炒。回鍋肉大大件，十分足料，椰菜十分爽口，與粗麺斉食，真是又有口感又好味。我們追加了紅燒乳鴿$48。嘩，金金黃黃的顏色見到已令人垂涎欲滴，乳鴿皮雖然不脆，但乳鴿味夠濃，夠入味。十分推薦這款紅燒乳鴿。招牌鮮肉小籠包四隻$36。餐廳極爲推介的招牌小籠包裡面滿是湯汁，肉味夠鮮，真是不枉爲餐廳招牌特色美食。

最近不知道為什麼愛上吃小籠包！當想不到要吃什麼的時候，腦海中就會浮現小籠包!是日爸爸在新蒲崗放工,經過衍慶街看見這家吃上海菜的館子,就定案了！幸好爸爸也愛吃上海菜呢店中內有地鋪及二樓，比想像中的大...這裡的感覺就像開到很晚..給一些夜貓過來看看波飲飲酒的地方...無精緻的裝修，簡簡單單...但夠光猛...食上海野光猛才配呢 不需要太多格調都可以店員安排我們坐卡位！點菜是自助形式就是劃寫後交給店員落單先點了熱茶及豆漿解解悶氣，外面太焗了！這裡上海菜式亦算齊全：冷盤涼菜、點心、麵/飯、小菜、甜點及飲品...都有不小選擇我們也心大心細了會...先來我最想吃的✨招牌鮮肉小籠包吧＄36一籠有四隻，剛好每人兩隻...出哂煙，熱辣辣...看似皮薄餡多因為有點透肉啊...大大粒一咬肉汁非常豐富，我還點了些醋,兩者雙配減低油膩感...好Match！應該係即叫即蒸加上包得不錯,所以食落口感非常好！肉質鬆鬆軟軟又濃味如果食埋薑絲係會再香點的！雖然要熱辣辣即食但真的要「小心燙口！」啊！！！！值得一讚！！！有水準啊！絕不是少餡料、少湯、皮厚呢！再來✨粟米魚肚羹 $52爸爸愛這個而我就一般般了！一窩入面有粟米、

邊行邊搵食，因為角度問題，睇錯係三分「谷」氣跟著就入左嚟食勒～店面無精緻裝修，簡單格局。自己剔完食咩就交比侍應～糖醋魚塊糖醋汁同咕嚕肉個汁一模一樣，我地多數會食埋啲配料，青椒、蕃茄同洋蔥都有炒熟，多數餐廳都只會兜兩兜，時常食到生洋蔥～京葱羊肉配薄餅羊肉同葱比例一比一，羊「酥」味越嚼越出～薄餅得四塊，唔夠包羊肉，建議放涼先好拎起，我地諗住襯熱食，但黏得太實，一拎起就爛左～高力豆沙有都必點既甜點，落單時說明叫起就可以餐後先嚟，但食食下突然上枱，侍應都好唔好意思咁講對唔住，咁就唯有食左先囉⋯⋯咬一口，味道係好食既，但第一次食到係實心無窿所以我叫佢做高力豆沙包，啲豆沙餡偏少，但綿綿的質地都唔錯既，唔同師傅做法唔同掛，不過就好易飽咗囉⋯⋯招牌鮮肉小籠包新鮮蒸起，我覺得醋同薑絲用來減低油膩感，呢個湯汁豐富但不覺油膩唔點醋都ok水煮牛肉麵面頭一層全是油，辣度屬中度，叫得水煮既菜式一定係嗜辣之人，呢個麵未能滿足，不夠過癮⋯⋯菜肉雲吞見到啲紫菜諗起潮州四寶河加埋蛋絲，有點格格不入⋯⋯湯鹹鹹地，算不上好味，整體味道一般