清原

Open Now

Now Closed

餐廳：清原地點：銅鑼灣白沙道菜式：芋頭甜品餐牌：人氣芋頭冰、蔗糖剉冰、招牌仙草冰、雪花冰、特色甜品、暖湯系列、芋頭飲品、芋頭冰沙、鮮奶飲品、奶香飲品、特色飲品、茶、冬季熱飲等等招牌2號 $49薏仁，芋圓，芋頭球，珍珠招牌2號係少少黑色沙冰底，中間有芋泥，伴有少見薏仁，煙韌多色芋圓同珍珠，仲送奶油球同仙草凍。口感豐富，味道完全唔過甜。芋見幸福 $62呢款芋見幸福就係白色冰底加上紅豆，多色芋圓，芋頭球，珍珠同西米露。我覺得呢款奶味較濃，甜度較高，不過都唔會過甜，我自己更鍾意呢款。芋頭鮮奶波波 $46芋頭鮮奶波波好大杯，味道微甜，帶微微綠茶味，飲落有超多煙韌小芋圓而帶有芋泥，好有質感。餐廳裝修唔錯，乾淨企理，甜品味道幾好，好有特色。

食完晚飯之後想食甜品🍧，行出街口有兩三間甜品舖，但係都大排長龍。見到呢間芋圓環境唔錯，感覺好似cafe，位置寬闊，所以就諗住入去試吓。入到去店員幾熱情，同我哋介紹有咩食。最後嗌左招牌仙草冰2號同3號，兩碗嘢都係仙草冰分別唔大，如果想試其他口味嘅話，店員推介試蔗糖挫冰同暖湯系列。招牌2號既配料主要係薏仁、芋圓、芋頭球同珍珠。每碗仙草冰都會附送一個奶油球，加完令到成碗芋圓賣相更加靚同埋入味。配料到算多，堆到個碗好滿。最欣賞係個芋頭球綿密，而且夠甜撈埋啲薏仁，最好食😋。不過，個人認為芋圓可以再甜啲，單獨食芋圓嘅時候好似冇乜味，但整體嘅甜度都足夠既。招牌3號配料主要係紅豆、芋圓、芋頭球同珍珠。同招牌2號唯一唔同嘅地方就係多咗紅豆🙈，兩碗嘢嘅味道都差唔多，其實應該試吓其他口味。不過紅豆整體嚟講比薏仁甜，都幾好食。整體嚟講，份量都足夠，尤其是芋圓唔係剩係得幾粒，不過可以再甜啲。下次食完飯想搵地方chill下都應該會再嚟，環境真係幾好。

上星期去左呢間新糖水舖食，開左唔夠一個月喺銅鑼灣市中心地段，驟眼睇有一個樓面服務員，一黎就好熱情打招呼講解餐牌。等五分鐘左右店員帶位入坐。自助式要去cashier落單，取餐要聽實店員喺bar枱大叫單number去拎。一行人嗌左五個野食，逐份逐份出，店員要嗌足五次。店面都幾大，日日咁嗌真係要好好中氣先得。😮‍💨價錢預期之中，中上價位 成本去哂鋪租裝修。份量味道都正正常常，但餐具要洗乾淨啲，以及未抹乾嘅餐具，少許影響觀感。店間有少少亂，因為自助式 會有比較多人走動。好彩枱與枱都有一定距離，光線充足，唔會有壓迫感。整體係合格 唯獨希望改善下取餐方式 愛護下店員嘅聲帶。🫢