Ruby Tuesday (世貿中心) (Closed)

話說好耐以前我成日黎食ruby tuesday，咁啱發現朋友係會員，食野嘅時候可以享有半價優惠，就一於黎食下啦🤣 其實佢嘅食物質素都唔錯，而且出名大份，最啱一班朋友一齊黎share食！我地試左佢嘅超級漢堡！漢堡真係超級大份，兩個人係食唔哂！呢個burger有兩塊超級厚嘅牛扒，煎到五成熟左右，完美地鎖住肉汁，一邊切就會一邊流啲肉汁出黎🤤 個包仲配有芝士、生菜、洋蔥等，好足料架！而拼盤都好正，可以選擇4款食物，私心推介potato skins同芝士條，熱焫焫仲可以拉到絲🤤 不過食完炸野好熱氣，可以飲翻iced tea balance翻，仲可以無限refill🤣

前排朋友張membership card有優惠送炸蠔,為左個優惠 我地就去左食~我地都幾鐘意黎呢度食,因為坐得舒服,食物選擇多又大大份,仲點係好少會唔好食一開波即刻食佢送嘅炸蠔!無諗過送都有咁多+咁大隻~~雖然已經炸左,但蠔嘅新鮮度依然會左右大局,好彩佢D蠔新鮮無腥味,而且炸到D水剛好唔會滴出黎影響外層酥脆度.每次見到蟹餅明知佢好細件都一定會叫,鬼叫佢D蟹肉夠鮮甜多汁,外層仲煎到有少少脆脆地嘅口感.拼盤對對碰滿足曬我地呢班貪心嘅人,o羊都有少少o羊都試一餐, 我自己就特別喜歡炸魚手指,外層超脆,裡面D魚肉一D都唔粉因為人比較多,我地叫左個長通粉share~~D通粉好彈牙,肉醬番茄味好突出,唔會好肥膩鐘意食burger的話點都一定要叫返個burger try try~~佢個set D薯條馬鈴薯味好濃郁,加上上台嘅時候依然熱辣辣,脆口~而和牛芝士漢堡一切漢堡肉汁爆發,配搭半融化嘅芝士,實在係味蕾真享受~~佢個麵包好軟熟,所以一口食落去都可以好集中品嘗牛肉真味~~~我地仲叫左個nachos食,可能係焗嘅關係,D nachos偏林同油膩,但點返D沙律醬食就無問題大家記得留肚食甜品!招牌choc