正九清湯腩 (常安樓)

Open Now

Now Closed

今日收工又再幫襯呢間高質清湯腩，今次試左佢清湯牛三寶河（牛腩+牛筋+牛肚)加咖喱汁，牛腩可自己選擇肥瘦，肉質非常嫩，牛筋軟腍入味，牛肚易入口，最重要調味剛剛好，清湯好鮮甜，飲完一啖又一啖，配個咖喱汁又可以有另一番風味，可以一次滿足兩個願望。朋友就試左排骨擔擔麵，麵底唔錯，擔擔湯底唔係平時好濃好油膩個D，而係清淡得嚟又充滿花生香味，炸排骨鬆軟唔柴。另外，叫左份皮薄餡正嘅紅油抄手，只係23蚊但有好多隻，好食又抵食！

街上有咁多呢一類既粉麵食店🍜估唔到呢間會特別多人 雖然呢啲都係快黎快去但見佢人流不斷 仲有唔少後生既係度😆見佢四四正正咁都可以一試😌衛生程度比我想像中好👍🏼因為好多時粉麵店唔知點解硬係會油笠笠麵店主打當然就係清湯腩🐂唔同既位置會帶黎唔同既口感除咗牛腩類 一般食魚旦粉麵會見到既食物都會有想食飯類既都有唔同選擇🍛➷🔹 清湯崩沙腩河腩既部位可以轉做崩沙腩 坑腩又或者爽腩🤩個人本身都特別鍾意食崩沙腩 鍾意佢腍得黎又有咬口🤤雖然肉味唔及坑腩咁重 但佢都依然會有個種牛香😶‍🌫️唔係度度都有得揀 佢既好處係可以選擇自己喜愛既部位😋肥瘦選擇係落單既時候要講埋 店舖都會盡量安排👍🏼🔹 排骨擔擔麵上枱時以為搞錯咗係清湯 原來係精華藏歸底😲撈勻既時候 浮出一陣勁香濃既花生醬味🥜飄到去隔離枱個阿姐都望住我地🫢幾唔好意思😆花生醬夠香 麵條既彈性高 湯汁夠杰身可以掛到係麵上面😌排骨炸得脆香金黃😋肉質亦都夠腍身 呢個配搭整體都滿意🔹 炸魚片脆卜卜既魚皮 每次都係不可缺少既配菜😆大大塊 浸返幾秒就食得 完全係地道之選➷經過開真係可以順便留意吓🫢湯底上做到清甜 帶有牛肉既清香😶‍🌫️簡單食一餐可以諗吓佢😋➷🧸🌞 𝗖.𝗼𝗼𝗸

今日去接老公放工，順便就喺附近買外賣，見到呢間新開嘅正九清湯腩，就買嚟試吓。除咗有清湯腩，仲有好多唔同嘅飯麵，餐牌上仲講明牛腩有肥有瘦仲有半肥瘦可供選擇。第一次食，當然要揀返佢哋嘅招牌菜式清湯牛三寶河，外賣嘅清湯係會另上，夠晒貼心。牛三寶包括有牛腩、牛筋同牛肚，餸嘅份量相當多，牛腩肥瘦適中，而牛筋同牛肚就煮得夠腍。另外就揀咗排骨擔擔麵。擔擔麵嘅上海麵口感唔錯，配以花生醬同埋冬菜，其實只係個擔擔麵底就已經夠好味。排骨嘅份量大大件，瘦得來肉質亦都非常鮮嫩，絕對推介。另外叫咗一份酒味醉雞，酒香撲鼻，雞肉亦都彈牙，食到我哋都食指大動。