老掌櫃東北菜館 (Moved) New Location

見呢間餐廳主打北京填鴨和東北菜，都幾岩我口味，一於就同朋友去試下啦！😚因為餐廳座位唔算多，所以人多嘅話建議預先訂座，可以揀 7-8:30pm 或者 8:30-10pm~北京填鴨（半隻）$168皮脆肉嫩！肉味濃郁，佢嘅皮下帶有脂肪，但食落又唔會覺得好油膩～ 呢個價錢有呢個質素真係超值！推介！🥰🥰雞絲粉皮 $62佢嘅粉皮同平時常見嘅粉皮唔同，佢係比較薄身和爽身，冇嗰種煙韌感，同埋粉皮太碎比較難夾起🙈 味道方面，胡麻味略重，掩蓋左青瓜絲嘅清新感～東北肉皮凍 $58肉皮凍同我預期有很大分別，首先係佢冇落到瘦肉，淨係落左少量豬皮，同埋成個肉皮凍都太軟身，好似一般啫喱嘅質感，味道又唔吸引，好失望呀😢😢排骨擔擔麵 $52 （走辣版）因為朋友唔食辣，所以叫左走辣～ 排骨肉量幾多，煎香左嘅排骨幾好味，同擔擔麵分開上呢點抵讚！ 擔擔麵味道幾濃郁，超重麻醬味，就好似將好多芝麻醬同時放入口咁🙈 肉三鮮餃子 $44餃子入面有豬肉、韭菜和蝦仁，好食又有鮮味！韭菜豬肉餡餅 $30皮太厚，油略多...如果皮薄一點，餡料再多點濃味點會更好～豆沙鍋餅 $48新鮮熱騰騰咁幾好食！豆沙幾甜，但因為佢嘅豆沙餡好薄身所以唔會太甜

由於好耐都未食過片皮鴨...今次一於上人Openrice搵下片皮鴨食肆最後揀左「老掌櫃 」食東北菜，價錢都適中打電話訂位（記住留定片皮鴨）訂7點，8點半還枱，感覺有啲急...準時入座，見仲有幾張吉枱...點知過多一陣就爆哂主角出場!皮有啲厚又有啲薄鴨肥瘦都有 正體都唔錯由於食過西環果間巴X，對羊肉念念不忘所以叫左京燒羊肉一入口好林，好騷好正要趁熱食，凍左會變靭排骨擔擔麵個湯底好香，麵有咬口因為叫左少辣，岩岩好肉三鮮煎餃有豬韭菜蝦仁加埋，不過同我想像中唔同煎得過左火... 有點兒乾同硬建議大家食蒸餃最後叫左個拔絲蘋果...但唔記得影相味道一般無特別總結而言，三個人食已經飽飽!四百幾埋單，算係經濟實惠

搬進大角咀呢個社區都已經好一段日子了，但每次經過呢間小店總係俾佢長長既人龍嚇怕，見到門口果句「如等超過十五分鐘就免費送高力豆沙」就已經知道呢度一定好受歡迎，無返一頭半個鐘既耐性的話都唔駛旨意入到去。是日難得早放工，六點鬆D就已經去到門口。可能因為時間較早既關係，餐廳只係半滿，order左既食物唔駛太耐就已經上枱。糖醋裏脊︰排骨酸酸甜甜咁非常特別。排骨切到非常之細件，好似一口牛咁既size非常容易入口，再加埋薯仔、波蘿同埋洋葱等等既配菜令到佢「酸mei mei」既感覺非常突出。麻辣墨魚頭︰非常特別既一道菜。本來想簡簡單單就咁叫麻辣墨魚就算，但諗唔到原來「墨魚頭」係咁爽口既。麻辣既醬汁同一般連鎖式餐廳食到既差唔多，唯一要讚既係「麻」既感覺，真係要將食物放入口「一小陣」先至感受到，唔似得平時食開果D工場製作既產品咁一味只係得個辣字。擺埋青瓜落去一齊食更加可以中和下辣既感覺，超正！白菜豬肉餃︰因為個人好怕韮菜果陣味，所以要左白菜豬肉instead。因為撈左白菜，入口既感覺非常之爽口，而肥豬肉既portion都啱啱好，帶出爽口既感覺之餘亦唔覺得只係想cut cost起勢咁用！排骨擔擔麵︰抵到爛！

昨晚嘗試過這餐館的菜式後，對其味道一直念念不忘，同時亦不知甚麼時候會再來大角咀，決定翌日午餐再去光顧。排骨擔擔麵　$46這擔擔麵與四川擔擔麵一樣，水準一樣好。加多數元就有一碟排骨，抵食!   排骨肉質鮮嫩，不會炸得過熟，味道亦十分相口。但男友不太欣賞排骨，認為排骨只是普通的豬排， 重點是他不愛豬排 (女友在旁表示認同 XDDD)肉三鮮(煎餃) $45昨晚試過蒸的肉三鮮，而煎和蒸只是煮法的問題，只要用料新鮮，兩者同樣好味。但要兩者二選一的話，蒸的肉三鮮會較得我們歡心。燒茄子　$64本餐亮點！本餐亮點 女友不愛茄子，但愛吃燒茄子。大半碟都進貢了女友的胃。茄子肉碎醬汁一起炒，味道不會太鹹，而且還齒頰留香。雖然這碟有點油 ( = 很肥)，但如果不夠油身又不夠香，真是又愛又恨。可能午餐的胃還未完全開動，打包了1/3的餸菜，下次應一大班人，試盡各式各樣的招牌菜。

之前得知有間位於大角咀新開的東北菜館評價不錯，趁是日要到附近走一趟，我和baka便順道去這間老掌櫃東北菜館！ 老掌櫃在街巷轉角，紅當當的外觀格外顯眼，非常易找。店鋪外面掛了充滿中國風的燈籠。店員指示我們可以坐裡面的二人位置，天花掛有紅色小燈，而牆身也有不少中國畫。餐牌很新，以紅黑的對比顏色作主調，有多款東北菜供選擇。坐下良久店員才發覺還未遞上暖茶，其實當天食客不多，建議店方可以多留意客人的需要。首先點了最愛的雞絲粉皮（＄４２）。 醬料異於平時在別處吃到的，這裡的醬料呈深棕色，將雞粉粉皮攪拌後，吃下去沒有平時其他餐廳般甜和稠，少了花生醬的味道，baka說不太合他口味。看店方在其他食評的留言才知道是純芝麻調教，難怪味道較為清新，雖然沒有花生醬般刺激食慾，但我覺得這裡的純芝麻醬又是另一番風味。 另外，雞粉和粉皮的質感都很嫩滑，不俗。 我們還點了排骨擔擔麵（＄４２）。份量十足，橙紅色湯底的擔擔麵不算辣，即使是不太吃辣的我也能接受，而湯底有很香的麻醬味，麵質彈牙。排骨的賣相不算吸引，肉質軟腍，合格水準。當天最喜歡的是這款素三鮮餃（＄３８）！一共十隻，餡料集合了幾款蔬菜，感覺較為健康。每隻