鼎泰豐

Open Now

Now Closed

上星期同屋企人去咗黃金泳灘hea，hea 完一齊黎左呢度食晚飯，因為有小朋友嘅關係，屋企人話覺得鼎泰豐相對冇咁味精所以揀左呢度～⭐️蘿蔔絲伴海蜇皮💰6️⃣2️⃣幾清淡，兩者都爽口，但份量少價錢貴，可以唔駛試⭐️滷水牛肚 💰6️⃣2️⃣同樣比較清淡，個人認為唔夠香唔夠入味⭐️小籠包 💰6️⃣6️⃣招牌菜黎講唔算突出，雖然都有湯汁但係唔算多，還可以吧⭐️香菇素包 💰1️⃣9️⃣小朋友食既，我無試到⭐️黃金流沙包💰4️⃣0️⃣都幾香同埋好流沙👍 不過麵包唔夠鬆軟同埋真心細粒🙈❤️台式紅燒牛肉麵💰7️⃣8️⃣湯底牛味濃郁得黎係偏清甜既，飲得多都唔會覺得味精👍牛肉牛筋都好淋幾好食，但麵條就唔算彈牙❤️蝦肉紅油抄手💰6️⃣8️⃣蝦肉爽口，呢個紅油汁唔會太辣，超香超好食！！我哋個個都要黎點牛肚，點排骨，撈蛋炒飯一齊食，非常惹味！🤤❤️香酥蝦餅💰7️⃣8️⃣又薄又脆，食到蝦肉嘅爽口彈牙，好香口👍😋❤️排骨蛋炒飯💰9️⃣2️⃣塊排骨相對算大塊係呢間餐廳黎講😅肉質唔韌唔乾，蛋炒飯粒粒分明，但對我嚟講都係偏清淡，不過撈完個紅油抄手汁就超好食😂😂 五大一小食埋單$750，但個個都好唔飽😂我諗如果要食飽嘅話人均起碼都要三百先得🙈 以呢間餐廳既grading黎講偏貴，性價比唔算高😅

忽然間好掛住小籠包, 所以就去咗 ❥⧽鼎泰豐 ❥⧽ 食飯喇, 對上一次食嘅時候覺得呢間分店嘅嘢食整得麻麻地, 希望今次會有改善。𓊈小籠包𓊉小籠包皮薄唔易穿, 多湯汁, 不過肉質偏鞋, 但已經比第一次去時好食。𓊈排骨蛋炒飯𓊉賣相真心令人流口水, 排骨炸得好酥脆, 肉質軟腍有肉汁。蛋炒飯好香, 粒粒分明, 食完好想再叫多一客。𓊈台式擔擔撈麵𓊉花生味香濃, 芝麻醬, 湯汁同花椒辣油比例剛好。撈麵軟硬適中, 每條麵都可以掛汁, 雖然份量比較細, 不過好味。𓊈蝦肉紅油抄手𓊉皮薄多肉, 蝦肉爽口彈牙, 豬肉肉質鮮嫩, 少少辣, 恰到好處。𓊈荔芋小籠包𓊉必叫甜點, 好香芋頭味, 芋蓉香滑, 甜度適中, 用嚟做一餐嘅總結係好完美。✧✧ 整體食物有改善, 而且鼎泰豐嘅服務真係好好, 值得再去。

「鼎泰豐」每次去臺灣必食，以小籠包聞名，是臺灣一家以麵食為主嘅連鎖餐廳VCITY店裝橫大致同台灣店一樣，門口就可以睇到小籠包製作過程鼎泰豐菜色選擇非常多，除咗有經典嘅小籠包系列外，也有飯、麵、湯、燒賣同餃類幾乎每次去鼎泰豐必點的就是這幾道菜小籠包鼎泰豐出名小籠包，皮薄餡靚，滿滿湯汁，非常juicy新鮮即制，小心辣口紹興酒醉雞酒香入味，雞非常之滑溜排骨蛋炒飯醃製過嘅豬扒有厚度而不乾柴，炒飯粒粒分明有蛋蔥香高湯蒜蓉炒菠菜鮮嫩、脆綠又爽口記得第一吃鼎泰豐的感覺沒有很驚艷，但就是常常心思思想再光顧，簡單而美味，精緻的小菜百吃不厭

✨小籠包出色 其他還可以✨之前淨係食過兩次鼎泰豐，仲要都係台灣食，個陣係台灣食覺得唔錯，特別係小籠包好出色😋不過鼎泰豐分店一向係香港唔算多，所以未有機會再食到～但最近有次同男朋友經過屯門嘅vcity，佢見到都話想試下，就令我係香港第一次食到喇 .ᐟ .ᐟ.當日我哋5點幾就入坐，所以幾好彩唔洗排隊，因為大概六點嘅時候己經要排，估唔到人氣咁旺盛！另外值得一讚嘅係，即使人好多，但侍應都好快會幫手，因為我發現好多餐廳一人多，啲侍應就唔見晒咁🥲.🔻小籠包 $66（8/10）除咗皮夠薄，餡好食，湯亦好飲😻唔知大家會唔會同我一樣，食小籠包一定用埋個匙羹兜住黎食，咁就可以飲晒啲湯😋 食得好滿足啊.🔻排骨蛋炒飯 $92（6.5/10）個排骨乾咗少少🥲我食咗一舊比晒男朋友食～但個炒飯相對唔錯嘅，味道幾好唯獨飯粒唔夠乾身.🔻香葱拌麵 $56（6/10）冇咩記憶點，就係味道有啲淡，唔會特別想食佢( ⌯'-'⌯).雖然味道除小籠包外，味道都一般般，但係我哋坐到卡位都坐得幾舒服啊，同埋啲茶幾好飲～.

餐廳：鼎泰豐 (屯門)地區：屯門地址：屯門屯門鄉事會路83號V City2樓M-37&38號舖日期：3/10/2020 時間：11:30人數：4人等位：15 mins 價錢：$486最近屯門新開咗間鼎泰豐，見咗多人朝聖，今日終於都同埋屋企人一齊去試吓佢係咪真係咁出色。我哋係佢開門（11:30）再早15分鐘就排定隊，佢一開門就有得入去食，一開門已經爆場，之後已經有大約10個人要攞飛排隊了。心諗咁多人排應該好好食🤔我哋4位叫咗好幾樣點心，包括佢最出名嘅小籠湯包、糯肉燒賣、油豆腐粉絲湯、香酥蝦餅、排骨蛋炒飯、迷你芝麻包，每樣都好正常，完全無乜驚喜，感覺比呢個價錢唔值食咁普通嘅嘢，可能自己本身期望太高，所有會有失落感。其實又唔係難食，只係唔會話有驚喜或者特別出色，CP值太低，呢個價錢我哋寧願去普通啲茶樓飲到兩餐茶/去打邊爐放爐仲好。只試一次不會翻食😓

新開喺屯門嘅鼎泰豐一直未有機會去試，難得食肆開到九點，同朋友苦惱去邊度食咩嘢，突然諗到就決定去！ 😂禮拜六下晝五點幾去到，攞到飛見要等30張枱，於是落樓下買杯奶茶，返嚟經過號一張😝如果過咗五張就要重新攞飛，都算幾好彩😆😆「小籠包」味道可以但肉質欠佳，不過同台灣食嘅真係爭好遠 「高湯蒜蓉油麥菜」正常水準不過略嫌份量一般 「蝦肉雲吞湯」全場最差⋯寡淡無味，蝦肉又少又唔出味，真係不如街邊$30一碗嘅鮮蝦雲吞🌚啲肉同小籠包一樣，真係口感唔好 「排骨蛋炒飯」 全場最滿意係呢個～個炸豬扒朋友話有種豪大大豬扒嘅感覺🤨我都唔知係贊係彈🤣個蛋炒飯都正常水準～全場茶水$10一位，有加一，入座限時一個半鐘，上菜都算快，服務員會係咁收走啲空碟（雖然我明要保證翻桌率，但真有少少趕客feel）环境：新開都幾乾淨簡潔亮麗，都有幾多張枱，就算人多應該都唔會等太耐

屯門最近新開鼎泰豐，台北同尖沙咀既分店以前都食過好味，今次係二人限聚下唯有試吓外賣啦。包裝精緻易攞，價錢方面就沒有任何外賣優惠，其實都唔平，但可接受啦。由於外賣，始終小籠包真係要蒸好即食，所以攞到返屋企已經唔夠熱，但味道係唔錯既，希望疫情快啲完結可以再試堂食。另外仲有買咗菜肉紅油抄手同排骨蛋炒飯，紅油抄手個汁會分開上，食既時候先淋上去，幾細心，都係嗰句，不適宜外賣但味道確實ok既，只係唔夠熱辣辣。排骨蛋炒飯啲排骨好味，炒飯又唔會好油。整體來講係唔錯只係因為外賣而影響少少，堂食應該好好味。