Lovever Patisserie

Open Now

Now Closed

位於灣仔大王東街嘅Lovever Patisserie雖然鋪面唔大，但裝修好靚好似高級西式糕點店🍰之前冇食過呢一類型嘅甜點，原來佢係以前法國宮廷嘅人會食嘅甜品～店舖角落有啲乾花同埋西式餐具嘅擺設，好有法式嘅感覺啊🌸除咗達克瓦茲之外重有常溫嘅甜點，最右邊嗰個店員話係好多人食嘅，所以我就叫左一個啦~店員好有耐性咁樣同我做個解釋每個味道，令選擇困難嘅我可以更加清楚想食啲乜! 每次嚟都唔一定有嗰幾隻味，所以要睇彩數啊最後就揀咗三件達克瓦茲，一個抺茶瑪德蓮同埋可麗露返到屋企等我擺靚佢影返幾張相啦右邊係伯爵茶味，一食落口好似馬卡龍咁，而入面就有好香伯爵同奶油霜味！似食緊雪糕🍦提拉米蘇味係我覺得最好味嘅，咖啡味幾出，層次豐富，外脆內軟對於一個芒果味，食到一邊有粒粒果肉，好濃好濃嘅芒果味呀，好睇又好食喎🤩搞到忍唔住同佢哋影咗好多相📸我覺得呢度嘅甜品係手信，送比朋友呀，山水餅嘅佳品。細細粒又不失大雅💎

同朋友係灣仔食完lunch周圍行下，咁岩見到有間舖頭賣達克瓦茲，達克瓦茲係十七世紀嘅法國宮廷經典甜品，估唔到連香港都有得食!😍 入面嘅裝修好靚，好岩打卡!!😍😍一個玻璃櫥櫃展示左所有口味，可以睇完再揀，我地1人買左1件，再去利東街坐低傾住食☺️店員仲俾左張卡片教保存方法，食前要解凍10-15分鐘連個包裝都好靚!!達克瓦茲嘅餅皮係用杏仁粉、蛋白和糖粉製成，中間夾左忌廉餡🤤 餅皮酥脆，忌廉餡食落有啲似雪糕，口感豐富! 而且唔會好甜! 好正！😋我地買左3種味道🍀提拉米蘇達克瓦茲 ($36)哩個係新出嘅口味，食落有淡淡嘅酒香同咖啡味，係酥脆版嘅Tiramisu，味道唔錯！😋🍀伯爵茶達克瓦茲 ($36)伯爵茶味濃甘香，好好食!👍🏻🍀紫羅蘭藍莓達克瓦茲 ($36)中間有藍莓粒粒，酸酸甜甜，有驚喜😍