馬六

Open Now

Now Closed

落堂後係正午餐同埋下午茶之間入座，所以店員都一次過比曬兩種嘅餐牌😂不過平價下午茶係輕量版，只係食左少少早餐既我食佢應該唔會夠飽，所以都係叫返午餐😛👁‍🗨 新加坡喇沙摻摻 + 馬拉手工拉茶（7.5/10）💲62 (Lunch Set)呢個配料比預期中豐富，有已經剝咗殼既蝦身、蜆肉，鮮味不過不失，豆卜索湯一流，魚片亦都爽口，唯獨係魚蛋並非我鍾意既彈牙口感🤔蛋既外層熟左，但係原來中間仲係保持左啲流心🥚摻摻係油麵加米粉，湯底頗為香濃有椰香，無得少辣但係尚算接受到，整體比想像中來得出色☺️要左杯熱既手工拉茶，入口都滑身，奶味比茶味重，無港式奶茶咁澀☕️👁‍🗨 巴東牛肉配米飯 + 南洋白咖啡（7/10）💲66 (Lunch Set)呢個巴東牛肉大件得黎軟腍，味道方面會係偏香辣，亦有帶點咖喱既風味，送白飯一齊食會比較好，而且配有唔少花生粒🥜另外朋友叫左杯南洋白咖啡，本身都有陣陣咖啡香，不過唔記得叫少冰，啲冰溶曬就溝到有點兒淡🙈👁‍🗨 南洋咖央多士（7/10）💲16啱出既時候食係脆身，有住微微咖央香甜，見到人哋嗰啲中間仲有層牛油，但係我呢個無，反而係出奇地有啲柚子香，不過耐左就變韌身，所以都係一上就快手食

見有間新開食喇沙既鋪頭，當然要去一試價錢又唔特別貴喎六七十蚊有個lunch set座位好寬敞，坐得好舒服新加坡喇沙摻摻🍜($62) + 凍美祿 (+$3)摻摻就係油麵加米粉啦依個湯底好濃郁惹味蝦味、咖喱香同椰香都有齊配料好豐富蝦、魚片、豆卜、雞蛋都好新鮮啲麵吸晒個湯底，真係一流海南雞飯拼巴生肉骨茶🐣($78) + 紅棗桂圓枸杞茶 (+$6)隻雞唔會太肥，配個醬料，都幾好我最鐘意就係個黑豉油就咁撈飯食都正😎個油飯聞落同食落好香比想像中有驚喜我揀左凍美祿朋友揀左杯好健康既嘢飲紅棗桂圓枸杞茶嘩，啲料多到呢😂鋪滿晒成個面聞落有淡淡既菊花味同一陣強烈既健康味咁健康唔係好啱我😂但朋友話冬天飲好正

新開約半個月了，一直都想嚟試，因為阿sir鍾意食星馬菜，而坊間星馬菜比較貴，一碗喇沙閑閑地過百，而好味嘅肉骨茶又好難遇到，直到馬六嘅出現😃馬六無骨海南雞飯 拼 巴生肉骨茶 $88🥢🥢🥢阿sir點嘅套餐，有齊佢至愛嘅海南雞同肉骨茶－雞嫩有雞味但唔算滑，飯有淡淡油香，薑茸清新撈飯一流，肉骨茶藥味香濃，好有馬拉味道，但骨就無乜味新加坡喇沙摻摻 $62🥢🥢🥢🥢湯底濃郁帶點辣，油麵+米粉吸盡湯底精華，好味到想lam乾淨隻碗🤤配料非常豐富，蝦、魚蛋、魚片條、豆卜、雞蛋、蜆仔，全部都好味好新鮮串燒豬拼牛 $48(3串)🥢🥢🥢最少叫三串，揀咗兩豬一牛，全部都燒得惹味香口，肉腍身唔鞋無根，不過唔夠juicy，而沙嗲醬亦唔香兼放得太耐有d乾二人共消費：$198 (全日免加一)