西貢咖啡餅店

Open Now

Now Closed

呢間喺西貢嘅麵包店出晒名 經常大排長龍😮‍💨好多人都大讚菠蘿包同葡撻係全港最強☝🏻身為專業嘅麵包控當然要去try try 😈真係好食嘅…但係店員態度有啲西 就扣左啲分😩.📌葡撻$15 佢仲有鮮奶撻 不過等唔到佢新鮮出爐咁所以就冇試到 有冇人食過可以話我聽好冇食🥺講番個撻 新鮮出爐 酥皮真係非常香脆鬆化 咬落真係似蝴蝶酥😍不過食落就有少少油膩感 香口肥仔野冇計🤣中間蛋漿超幼滑 甜度啱啱好🤤呢到好特別 應該係加左椰奶去整 食落仲有淡淡椰香味🥥面頭都燒得好靚 焦香味好夠🍮.📌菠蘿包 $12如果係菠蘿油嘅話就$18 熱辣嘅菠蘿包加埋冰凍嘅鮮牛油 冰火嘅感覺應該會幾正🔥❄️不過我同朋友都唔太接受到成舊牛油🧈所以就就咁揀咗菠蘿包🤓size都幾大 大過我手掌✋🏻新鮮出爐嘅菠蘿皮超鬆脆 食落好夠蛋同牛油味 甜度啱啱好🥰最正係個脆皮咬開都唔會跌晒啲碎碎出嚟 仲可以搣出嚟食😌包身都好鬆軟 唔會太空氣感 仲有淡淡奶香味🥛嗱 個人覺得真係好食嘅😎不過呢個價錢就真係有啲貴 平時麵包店新鮮出爐味道都唔會太差🤫但係新鮮出爐 咁啱入嚟西貢 就可以一試😝

一直聽朋友講西貢菠蘿包好出名，一於就試下係咪真係咁堅。星期日黎到，出面已經排左條人龍。由於我地行街都行到好攰，所以想搵個位坐下。原來如果要坐入面既話要$20低消。唔緊要啦，真係攰到想坐😂😂😂😂哇，個菠蘿包真係好正，朋友果然冇介紹錯👍🏻個皮係脆, 仲要好香牛油味，但食落又唔會油。個包好軟熟，口感一流。配埋杯野飲真係好寫意既下午茶😊不過由於人太多，所以都唔好意思坐太耐，又急急腳咁走左啦。下次都會再黎食，排隊都唔緊要啦。