新麻蒲 BBQ (波斯富街) (Closed)

屋企人一行9人一齊黎食，由於9個人入面有兩位老人家同一個2歲幾，所以只點左一個「牛豬肉套餐2」，加一個餃子湯麵，同一個冷麵，一齊share。「牛豬肉套餐2」$678•特級霜降牛肉120g•新麻蒲秘製牛五花腩150g•新麻蒲䕶心肉150g•新麻蒲五花肉150g•特選雜錦拼盤（年糕、蘑菇、豬肉香腸、大蝦 ）•火炙霜降牛肉壽司4件 (壽司粒飯同手指甲差唔多大）•新麻蒲部隊鍋個套餐睇落豐富，但實在分量好細。一tray 嘅肉，放喺一個好似小朋友玩具set 入面，上到枱都大為失望。個部隊鍋，真係「下顎都跌落黎」！得半個麵，2-3片腸仔同午餐肉（超薄），一人一啖都唔夠食。最後加多左份麵，好似係$20。加嘅就比較好，至少係一個完整嘅麵，仲會俾多少少腸仔同餐肉。M5 冷麵$75冷麵算係最唔錯嘅選擇，麵夠彈牙。加埋醋同芥辣，都ok! M13 韓式豬肉餃子刀削麵$78 （無影相）餃子都有2-3粒，但麵偏「林」。由於印象麻麻，所以就算唔飽，都無追加食物，只係離開後再去其他地方食小食。

之前妹妹生日指定話要泥新麻蒲度食生日飯，呢間餐廳又真係唔錯喎，所以今次我都揀左呢度去慶祝朋友結婚 今晚都好旺場，差不多滿坐 先上前菜，款式多，份量亦唔少！沙律同泡菜都好好味，海帶就酸酸地好開胃，生菜包燒肉食一流 個爐有蛋漿包圍住，食完燒肉啲蛋就差唔多可以食喇 韓式煎餅拼盆：有魚柳、翠肉瓜同菇！雖然外貌似天婦羅，但係唔同既係外面唔係炸粉，係蛋漿 新麻蒲五花肉：五花肉係韓國非常受歡迎，營養價值好高，可以解除身體毒素，含膠原蛋白質對皮膚有美容既效果 新麻蒲牛護心肉：醃得好入味，亦唔會太韌 燒肉中⋯除左bbq爐，枱上面仲有另一個爐燒火鍋⋯新麻蒲部隊鍋：我很喜歡，料多湯底正 shark attack：偏甜，但味道唔錯，幾特別，賣相一流

韓式lunch set/ dinner set 偶然會食， 但韓式燒肉真係好少， 今日終於同屋企人嚟食下韓燒牛肉， 新麻浦地點方便，一出地鐵站上樓上已經到啦， 可以開開心心坐低食好嘢了。雖然話呢個係二人套餐，但份量一啲都唔少， 足足放滿三層， 最下嗰兩層係一大大舊嘅牛件， 最上就有啲蔬菜同海鮮， 啱曬唔同人口味。好肚餓，急不及待開爐燒肉啦~~ 幾喜歡餐廳提供燒烤網， 等燒出嚟嘅又可以流走， 使牛肉燒得更香脆，唔會太油淋淋。咁多款牛之中，最愛霜降牛肉即係上圖第二層距離鏡頭較遠嗰款， 脂肪分佈均勻， 50 50簡直係黃金比例， 少出嚟邊位香脆，內裏肉質嫩滑，滲出陣陣牛香， 牛脂入口即溶， 冬天暖笠笠入口一定更有滋味！食完咁多肉，當然要食番啲菜補充下膳食纖維啦， 呢個套餐好在有沙律同韓式配菜附送👍👍呢個沙津雖然外表平凡， 但配上柚子蜜醬，味道清新怡人， 令人胃口大開。呢個部隊鍋都幾豐富㗎， 有齊部隊鍋必要食材。地點方便，食物又高質，得閒同屋企人或者朋友行過不妨試下！

燒肉+醬油蟹@銅鑼灣估唔到有韓式醬油醃生蟹伴飯食～ 隻蟹都多肉，仲有膏𠻹呢！醬油蟹不愧為「米飯神偷」，送飯一流！平時都係配白飯多，呢度個飯有泡菜、菜脯同金針菇等等勁多配料，拌起嚟更好食！燒肉套餐有好多款，我哋食牛+豬肉套餐。有齊霜降牛肉、護心肉、牛排骨同蝦，好豐富！🤤套餐仲有四件即製嘅火炙霜降牛肉壽司，可以揀半熟全熟，我哋食半生熟～入口即溶～燒肉包菜食是常識吧！個蝦背𠝹開咗，好快就燒好食得。食到好飽套餐仲有個新麻蒲部隊鍋，同埋甜品雪花冰 + 飲品，真係勁滿足！

可能實在離開得家鄉太耐，韓籍舞伴週三晚居然話想食韓燒兼去酒吧隊啤唱好K。小肥係眾人中最早收得工嗰個，所以就負責先接靚女前往選定o既「新麻蒲BBQ」邊食邊等。餐店佔用全層面積，散座大多為卡位式，感覺開揚闊落。埋位已見桌上擺有齊備o既餐具、紙巾、清水及醬油。厚厚o既餐牌內附彩圖，並且有齊中、英、韓三語對照，舞友不用多諗即決定要食個「牛肉套餐」（$398/兩位）。寫好餸，友善o既哥哥仔隨即送上七式前菜。開爐後就倒入爐邊蛋漿。同時亦開始煲煮二人份量o既「新麻蒲部隊鍋」。部隊鍋麵條爽彈，湯底少辣醒胃又暖胃。喺等待鍋物滾起時，兩口子就一邊食住啲沙律同泡菜。多款菜品中，個人最愛惹味爽潤o既生洋蔥。清香爽薄o既蘿蔔片。及兩味香辣o既泡菜及蔥絲。食完韓味濃郁o既部隊鍋，靚女廚神即熟手地由上之下，燒煮三層拼盤。為怕進食海鮮會引起敏感而爛面，頂層細佬就只係食咗條爽脆o既腸腸。架上中間嗰格有兩款牛肉，鮮紅色o既為100g霜降牛肉，啡色o既則為120g秘製牛肋排。四件霜降牛肉雖然厚身，但食落卻又鬆軟多汁。切成幼條o既秘製牛肋排腍潤得黎肉味更濃。最底層o既薄片並非豬肉也，而係120g「新麻蒲秘製牛五花肉」。可能牛