醉忘魚屋 (Closed)

朋友生日上網見到呢個啲食物賣相唔錯 今晚卜左上去試吓先❣️日出(蕃茄) $58晶瑩剔透嘅蕃茄外表令立立 切開入邊係透明狀嘅啫喱 成舊咬落好Juicy💦中層彈吓彈吓好過癮❣️吞雲吐霧 $68用蘋果木煙燻香嘅芝士🧀️上枱時造型十分架勢 炸紫菜包裏鹹香味十足嘅芝士粒粒 絕對係宵夜送酒嘅最佳良伴❣️松葉蟹肉拌拖羅蓉 $98大大嚿拖羅蓉面頭放咗松葉蟹肉同木魚碎 用綠色嘅豆子薄片包住食 入口即溶而拖羅味極鮮松葉蟹肉鮮甜多汁 多重層次嘅享受❣️特上刺身盛(4點) $308分別有厚切拖羅 大蝦 帆立貝 油甘魚 用料大方全部份量有返咁上下厚切拖羅入口即溶 肥瘦適中 油脂甘香鮮甜無比; 油甘魚油脂平均 每啖都充斥魚油香氣 清爽而甘甜❣️甜蕃薯 $22軟綿綿嘅蕃薯仔🍠 入口軟糯香甜 粉粉綿綿嘅感覺好似食緊雪糕咁❣️豚腩肉 $32溫度將黑椒豬腩肉嘅油脂迫晒出嚟 閃令令嘅外表非常吸引✨ 燒得啱啱好嘅肉同油脂層一啖食甘香結實❣️雞腿肉 $30脹卜卜嘅雞髀肉🍗嫩滑鮮甜 金黃色嘅外皮咬落香脆 肉質有彈性❣️牛小排(一口牛) $48牛味濃郁🐃肉質幼嫩肉汁豐富 脂肪分佈均勻 口感細緻香甜多汁 一

今次生日飯揀咗呢間日本嘢，第一次嚟，間嘢唔算好大，大路日式裝修風，都坐得舒服。估唔到有好幾樣嘢食都俾到驚喜我！前菜係日出(蕃茄)。以為只係個名改得特別，味道都係普通酸酸甜甜嘅凍蕃茄，點知入面係有啫喱，蕃茄嘅爽加上啫喱嘅彈，口感非常豐富，味道酸甜，好食！前菜已經有小驚喜。再嚟係特上刺身四點盛。件件都厚切，好新鮮，好鮮甜，大拖嘅油脂好均勻，好香！做到佢應有嘅質素！呢個磯煮鮑魚好爽口彈牙，唔錯！螢光魷魚沖漬，用嚟送酒一流，齋食就偏咸。大驚喜就係呢個吞雲吐霧，唔單止好睇，仲要好食！店員仲好貼心咁等我哋相機ready先開蓋。一開，煙霧瀰漫，陣陣蘋果木煙熏味湧出嚟，芝士入口即溶，咸香加上木香，令你味蕾大爆發，再加上炸完超脆口嘅紫菜，條脷簡直可以係口腔入面跳番part舞。呢個係必叫嘅！味醂魚乾都好好食，甜甜地，腍得嚟又有口感，唔洗沾醬已經好好食。串燒牛舌同雞軟骨，正常，冇特別出色。呢個係魷魚塩辛芝士，都幾特別，芝士好香好creamy, 加上魷魚嘅彈口，送酒一流。最後係醉忘蟹肉味噌炒飯，炒得好乾身，蟹肉都算多，幾香，唔錯。餐飯食得好開心，好食服務又好，菜式好特別，有驚喜，會再幫襯。

銅鑼灣新開咗間日式居酒屋🥃 - 醉忘漁屋🎏，故名思意，以「醉」同「漁」為主，除咗靚酒仲有優質嘅魚，等大家有一個飲飽食醉嘅晚上🍻環境：7.5/10以簡約日式格裝修為主，店家更用酒樽作裝飾，可見居酒屋挑選咗林林總總號酒比大家享用😜食物：7.5/101️⃣吞雲吐霧 $68一上枱就煙霧彌漫📸，估唔到炸紫菜同烤芝士係咁夾，炸紫菜非常鬆脆，配合粒粒炸芝士咸香將味道昇華，伴酒一流😍2️⃣日出（蕃茄）$ 58 & 蟹籽沙律 $68日出係一個蕃茄肉包住鰹魚湯啫喱嘅一個前菜，蕃茄嘅鮮甜配合濃味嘅鰹魚湯會互相提味，當相清新嘅一個組合，蟹籽沙律就唔洗我特別介紹啦，食日本野點可以少左佢🤣3️⃣馬友一夜干 $238一夜干原來係一個保存魚嘅處理方法，可以令魚肉更緊更實，而且保留油香，煎香後魚皮脆，魚肉嫩！仲要比想像中少骨，推介‼️4️⃣手羽先 $30、一口牛 $48、白燒鰻魚 $58，燒甜蕃薯 $28、荔枝煙肉卷 $32、太刀魚汁燒$ 128嚟到居酒屋緊係要試一試串燒🥰重點推介白燒鰻魚同一口牛，鰻魚魚肉juicy，魚油令到肉身更滑更香，一啖食落去幸福感滿滿😍一口牛🐮牛味濃郁，一人一串我覺得都唔夠喉🤤5️⃣軟殼蝦唐揚 $68、清酒煮廣島蠔