家後

Open Now

Now Closed

餃子出色🥟但原來芝士蛋糕仲出色😳等位時已經留意店面貼滿報章介紹，講嘅都係店主日本太太homemade嘅巴斯克蛋糕🔥湯底用上住家湯，粉葛清甜暖笠笠，飲晒😋芫茜餃好重茜味，芫茜控唔好錯過🥬煎香金黃，外脆內軟咬落好juicy💦四種餃子最有驚喜就係洋蔥豬肉，帶獨特嘅甜味，強烈推薦呢個味👍炸鷄味道好夠，但肉汁唔夠，同埋冇醬汁有啲失色飯團主要用菇🍄未知係咪素食Vegan，叫嚟配餃子食都幾好重頭戲❗兩個人只可以叫一份，匙羹一落去已經feel到好creamy，中間部分仲係未完全凝固，蛋糕好滑好香，芝士味又唔會太濃，令人食完又想再食多件😋

深水埗餃子店十分多，間間都話係老字號。所以好難揀食邊間。抱住一個有位就入嘅心態，行左幾間都超爆，lunch hour 嘅關係。最後去到依間有一個單邊位，所以稔都唔稔就直入。最後竟然有驚喜。其實都有人等緊位 可惜佢地係幾個，我一個人先可以直入。menu 好簡單，兩張紙睇哂。出名食餃子，所以叫咗兩款出面比較少見嘅煎餃試吓，有菠菜豬肉同洋蔥豬肉。洋蔥豬肉十分足料真係食到洋蔥味，洋蔥冇嗰陣生味但有鮮甜味係到。同豬肉好夾。菠菜豬肉呢個組合10分少見但有驚喜菠菜味好夠，有一種健康又香嘅感覺，可以調出豬肉嘅香味出黎。麻辣雞翼十分入味又就夠辣，好開胃。日式住家飯團好住家feel有肉同醬油嘅味，好開胃。豬手炆到好淋，好入味啲骨一咬就開。好重骨膠原。menu 冇嘅，要問。老闆推介開心果芝士蛋糕。好重開心果味，估唔到喺深水埗依啲餃子店竟然食到開心果芝士蛋糕。

今日行開深水埗，上網見呢間餃子店好出名，於是就嚟試吓；6點半嚟到啱啱好有位，而位置坐得都算舒服，冷氣都好夠～😊芫荽豬肉煎餃 🥟 餃子外皮煎到脆卜卜，入面餡料好豐富，豬肉肉質紮實、一咬啲肉汁就噴晒出嚟!! 芫荽份量都唔少，令佢芫荽味好突出，清新嘅芫荽香同較濃肉味好配合，作為芫荽控嘅我非常滿意！雲耳椰菜豬肉煎餃 🥟外皮同上面一樣咁正，佢有椰菜同雲耳就比較爽脆，口感比較豐富，而味道就比芫荽清爽啲，啱啲唔食咁濃味嘅人食~日式飯團 🍙 飯團用咗日本珍珠米、雲耳同牛蒡，食落飯粒煙韌，好濃牛蒡香。飯團包得夠實所以唔會一咬就散晒，我對呢個飯團好滿意！油菜  🥬 生菜嘅份量幾多，上面淋上蠔油，$20嚟講非常抵食～滷水雞翼🐔雞翼滷得有香料味，好食~湯小雲吞🦐一碗有10粒小雲吞同小小生菜，食落皮薄有肉香。日式手作芝士蛋糕 🍰 蛋糕外表顏色非常吸引!!! 表面焗到微微燒焦，入面就係芝士嘅奶白。食落蛋糕外圍係厚實嘅質感，而中間就綿滑軟身，佢表面嘅焦香同入面濃濃嘅芝士味，令層次非常豐富，本身食咗一件，最後忍唔住要嗌多一件！😂$25嚟講真係好高質素，仲好食過出面有牌子嘅芝士蛋糕。呢間餃子小店嘅餃子真係名乎其實嘅皮薄

今日去深水埗行街,人唔多但天氣好熱,午餐就唔特登搵,只係想食下無味精既野,今日係條街已經熱到傻再食味精野飲幾多水都唔得,見呢間小店係主打家庭餃子就入左去試下,好彩無揀錯,果然係無味精既家庭食店店面裝潢平實,最重點係價錢貼地,絕對係良心小店,入面無咩好特別既裝飾或者好吸引既裝修,簡單既餐桌 食物方面有飯,有麵,有小食,有餃子,有甜品,選擇都算幾多，我地兩個人,點左一個豬手飯,一款餃子,一個炸雞, 一個菜,仲有一個飯團日式住家飯團，超好食，好香好惹味，就算無其他餸都食到兩個，米用日本米又煙韌又香，呢個價錢超值日式炸雞，一上菜已經香噴噴，忍唔住食左先，雞肉好嫩滑多汁，用既應該係雞脾肉，連少少雞皮一齊炸，肉汁唔會走晒但又唔會油膩，抵讚炸粉仲好薄，店主誠意十足，絕對有驚喜紅燒豬手飯都有驚喜，無諗過出街食豬手都可以咁腍咁滑，份量又多，唔使用力咬已經皮同骨分開，而且一定無落味精，食完唔會口乾，衣家出街食飯要揾一間無味精嘅店真係好難呢度俾左一個新標準我洋蔥豬肉湯餃子都唔錯，餃子大大粒，手工製造，湯底係淡淡嘅粉葛味，係住家飯既味道，好足料，見到老闆係用心去做食完已經飽都食唔落甜品,門口個凍櫃見到佢個日式

我相信唔少喺深水埗出沒嘅人都會識「家後」，因為佢嘅出品高質，同事甚至會買生餃返屋企煮。雖然佢位置係喺深水埗，但其實都偏離中心地帶，所以佢有高人氣全靠實力👏。呢日我同飯腳同事去食，佢竟然話未食過，真係估佢唔到😱。下午一點半鐘到達餐廳，唔意外地要等位，大約等十五分鐘吧。餐廳面積唔大，但環境都算四正。由於堂食同外賣訂單都非常多，所以出餐真係要啲時間。不過老闆好好人，百忙之中仍保持禮貌，亦會向食客推介有乜招牌菜😁。小店除咗賣餃子之外，仲有車仔麵同各樣小食，選擇幾多元化，最重要係價錢好相宜！不過最估唔到係小店有賣甜品🍮，我回想番我第一次幫襯真係覺得好Surprised。我哋兩個人食咗好多嘢🤤，因為同事話想乜都食下，我當然奉陪到底！煎餃($40/8隻, 雙拼加$2)，🥟手工水餃係必點項目，可以揀湯餃、煎餃或者湯餃麵，我哋要咗煎餃，因為感覺香口啲。煎餃真係煎得好出色，底皮煎到金黃香脆，而且餃皮偏厚，🈴️適合用嚟煎。餃子口味有八款揀，西洋菜口味可能因為時令關係所以停售，我哋揀咗菠菜豬肉餃同芫荽豬肉餃。本身我好驚芫荽🌱嗰款會好大味、好難入口，點知完全相反，味道特別，有浸獨特嘅香氣，令人難忘兼回味，必食！但

日本嘢平時就食得多，嚟得深水埗，都想食返啲實惠又貼地嘅晚餐，勢估唔到日本嘢都可以好平民好住家feel港式飲品少不了，檸茶絕無揸流攤飯團平實嘅香氣撲鼻，食完有股清泉湧入成個鼻咽喉雞翼炸得勁好食，但講唔出咩原因，因為佢話秘製嘛滷水雞翼尖以藥材熬煮，味精好特別，溏心蛋都不遑多讓，令舌頭沾滿蛋香加$2就可以雙拼煎餃，仲有秘製菜脯，辣得嚟又醒神醒胃洋蔥餡不得了，唔揦又香口大胃認為芫荽真係好出色，用作煎餃非常適合湯餃同樣大大舊啖啖肉，非常豐富足料蓮藕湯底好飲到一滴不剩，估唔到同水餃可以match最馳名嘅芝士蛋糕賣晒，原本好失落，但食呢杯布甸，其奶香教人拍案叫絕

間舖仔細細，但都裝修雅緻舒服，主打家的感覺既住家食物：日式住家飯團飯團最緊要方便食，但佢落咗味汁落啲飯度，攪到啲米好散，店主已經叫我用手揸住黎食，但我都食到成衫都係，因為飯太散；另外，飯團既料係炸菜同肉碎，只食到炸菜味，好唔日式囉。。。麻辣雞翼（4隻）食咗一隻先記得影相，係有4隻既，味道方面，一啲都唔麻辣，係雞翼加辣醬。。。係好辣既，不過唔係麻辣味，扣分芫茜豬肉餃（湯餃）要贊一贊佢個餃子皮，做得好煙靱又夠薄，食落會黏牙；但個餃子醎呢。。。一大陣芫茜味，豬肉得好少，所以無豬肉味，仲有少少酸；餃子我無食晒即磨咖啡我聽到廚房有咖啡機聲，所以真係即磨咖啡，飲落好有咖啡豆烘焙香味，呢個咖啡唔錯，不過無比糖客人，同埋用呢種不銹鋼杯飲咖啡，始終要扣分日本手作芝士蛋糕一上枱，好細件。。。得包紙巾咁細啊。。。心碎。。。食落ok的，蛋糕中間唔會焗到實晒，有少少流心感（無流心，係形容質地唔太實啫），芝士味唔重，食落有啲清新，蛋糕唔錯總結：蛋糕和咖啡唔錯，不過主食就差啲，坐就坐得唔係好舒服，因為係木櫈，所以坐耐pat pat會痛，唔係比人客打躉之地，但睇得出店主用心做既，所以比ok

ʜᴏᴍᴇʏ🏠🇯🇵.呢間店好似係日本嘅老闆娘開😍價錢唔貴 仲要啲野食係自家製‼️雖然呢到好出名餃子🥟不過今次冇試到🤣.日式住家飯團🍙 $15餐牌寫住用日本米整😋不過我買完第二日先食 所以就口感就唔係好軟熟😟不過好煙韌 粒粒分明😍原本睇到咁嘅色 以為落左好多醬汁會好濃味🙈點知調味啱啱好🤤餡料都好多 每一啖都有雞肉同埋牛蒡絲🤩口感相當豐富👍🏻雞肉有啲燒汁嘅香味😚同淡淡嘅牛蒡味好夾💓成個飯團嘅味唔可以話好驚喜 不過就好有住家嘅味道🥰.日式手作芝士蛋糕🧀 $20呢到嘅甜品全部都係佢地自家製🍮見好多人話一試難忘 好多人推介就試下😝cheesecake有啲似basque burnt cheesecake🤫睇相可以見到佢有三層😍面同底嗰層蛋味好濃🥚似蛋糕🍰面嗰層帶點焦香 不過焦糖味濃啲會更加正😋中間嗰層 不 得 了‼️真係好creamy好綿密幼滑🤤芝士味仲好濃郁🧀口感有啲少少似cream brûlée 又有啲似半熟蛋糕🤣口感好有層次 蛋同芝士味都balance得好好❣️真係可以無限encore🤩.鹵水豬大腸🐷 $20呢個好抵食❣️唔係因為佢份量好多 係因為佢好多都係腸頭 唔係腸尾🤤食落好煙韌好有咬口 啖啖肉👍

成日覺得住係深水埗既人好幸福，雖然人比較多，但係都有好多野食，而且價錢親民，好多小店都帶有夢想，以及一點點人情味！今日就同老公誤打誤撞咁入左一間小店，叫家後！老闆非常健談，上facebook睇到家後既意思原來係代表賢內助，或者係為左稱讚老婆而改呢個名？十分浪漫！雖然係小店，但係坐位非常舒適，唔會太迫，仲有電視睇！當然，如果電視係播RTHK32或viu我會更開心🙈 食物價錢十分大眾化，選擇唔算多，但係貴精不貴多！每款食物都感受到老闆既用心同誠意，價錢平，但係質素高首先推介必食既煎餃！好食到一向見飽就收既老公都要encore!仲要一次過食哂4隻洋蔥豬肉煎餃，搞到我要第二round先食到🤦‍♀️餃子皮薄多汁，外皮煎到脆卜卜，餡料又唔會過多！而味道適中，唔會太咸或太淡！我食過洋蔥豬肉、韭菜同雲耳椰菜3隻煎餃後，最鐘意都係韭菜餃，非常香口！不過老公就鐘意洋蔥豬肉，因為係用紫洋蔥，好香好甜！每個人口味都唔同，真係要試匀哂先揀到最岩自己心水既！之後仲叫左牛雜麵，牛雜入味，肉質鮮嫩最特別係可以選擇波菜麵，唔係到到都可以食，比較特別！之後有好好好吸晴既鹵水拼盤作為蛋控既我，見到咁靚既溫泉蛋，真係好驚喜咁樣