Oink Square Coffee & Crêpe (Closed)

當朋友話我知呢間外賣店有爆餡的肥嘟嘟三文治，好好味，但只供應到2022.12.31，我就當日下午特登搭車去外賣一份。🥪 日式燒汁雞扒肥嘟嘟三文治 (HK$42)．份三文治是塞滿晒成個包裝盒．一塊好厚身嘅燒汁雞扒、啖啖肉、多汁、入味．好厚嘅生菜，掂咗1/2的空間，爽脆、清甜．仲有新鮮番茄片和一片芝士㗎可惜依家肥嘟嘟三文治已經停售，不過我開心曾經食過😊

行過佐敦醒起仲未試呢間主打韓式肥嘟嘟三文治輕食外賣小店，今次順便行去買咗份外賣食😛 呢度嘅三文治口味創新，同埋都幾足料🥪 三文治仲要係即叫即做，務求食客拎上手都仲係暖，唔會放到凍哂💓 除咗有肥嘟嘟三文治，仲有可麗餅同其他小食，飲品方面有咖啡、鮮奶特飲、沙冰同梳打🥤❤️ 日式燒汁雞扒肥嘟嘟三文治 $42揀咗menu寫住「推介」嘅日式燒汁雞扒肥嘟嘟三文治😚 雞扒夠嫩配上秘製醬汁相當唔錯，食落唔油膩，調味唔會過鹹👌🏻 餡料有新鮮生菜、紫椰菜、蕃茄同芝士，非常足料☺️ 女士食半個都已經飽咗😂 另外三文治有層牛油紙包住，唔會食到成手都係，戶外食或拎去野餐食啱哂😎❤️ 日式蟹肉忌廉薯餅 (3 pcs) $28個蓋開咗個窿，好貼心💕 食落依然脆同熱辣辣，無油膩感😙 蟹肉忌廉忌廉鮮甜香滑，好creamy😋 性價比高，推薦👍🏻❤️ 焙茶鮮奶特飲 $40夏天飲杯冰凍嘢，透心涼零舍爽😻 飲Hojicha latte最怕味道俾啲冰溝淡哂，但呢杯又唔會，焙茶味依然突出，焙茶同牛奶比例啱啱好😼餐廳推薦度：⭐️⭐️⭐️⭐️ (4/5)啱哂熱愛輕食嘅OL同附近返工人士👩🏻‍💻 三文治好飽肚，四十幾蚊又食得飽，幾抵食啊🙊

朋友話成日幫襯呢間Oink Square Coffee & Crêpe嘅早餐，話大大份飽到連lunch都唔使食，咁啱今日經過呢度，我又買啲返去感受吓。雪櫃內擺滿肥嘟嘟三文治，而且有唔同嘅口味，所以我都忍唔住揀多幾款。仲有甜品出售，呢隻泡芙都值得推介。日式燒汁雞扒肥嘟嘟三文治入面嘅雞扒真係好厚身，配合日式燒汁真係幾惹味。芥末蟹柳沙律肥嘟嘟三文治有美味嘅Wasabi味，混合各款嘅沙律菜、蕃茄同芝士味道亦唔錯。吞拿魚沙律肥嘟嘟三文治嘅吞拿魚有適量沙律醬，再加上有大量嘅蔬菜，味道夠豐富。西班牙白豬午餐肉肥嘟嘟三文治嘅午餐肉比較滑身，而且仲有兩塊厚切午餐肉，真係我嘅至愛。日式蟹肉忌廉薯餅總共有三件，價錢合理。忌廉薯餅炸得香口而完全冇油膩嘅感覺，值得一讚，而裏面亦充滿內涵，薯仔味道令人滿意。焙茶Latte茶味夠濃，而且係小甜嘅咖啡，最啱我飲。我鍾意呢度嘅三文治有大量嘅蔬菜，營養夠均衡，朋友果然冇介紹錯！