新泰東南亞餐廳

Open Now

Now Closed

日本南瓜焗海鮮飯
$158
青咖哩雞
$108
燒豬頸肉沙律
$88印度薄餅$42好味指數：😋😋😋😋😋抵食指數：💲💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️情人節，想同老公外出用餐🍽慶祝，但又覺得西餐廳收費會較平日貴，覺得不值，所以再訪尖沙咀這間東南亞餐廳。之前跟家人來過，覺得食物味道好，價錢不貴，又可以在餐廳門口位跟tuk tuk 車打咭🛺。今次二人點了4款食物。燒豬頸肉沙律🥗的肉嫩，不鞋口。拌了特製泰式酸辣汁，另加入不少洋蔥🧅及蒜，好香，好醒胃。用來包沙律的菜新鮮又爽脆。青咖哩雞量多，一份有約10件雞柳。咖哩汁香濃惹味，配薄餅一流。印度薄餅不會好油。好多時吃泰菜都會點菠蘿🍍炒飯，日本南瓜焗海鮮飯是首次試到。飯即叫即焗，原個南瓜🎃上桌，很好看。焗飯有不少海鮮，包括2件青口、2隻爽口的蝦🍤、數件鮮魷。飯有椰香味，有南瓜溶，又有邪惡芝士，甜甜的，小朋友應該會喜歡這味道。個人認為這間餐廳抵食又高質，怪不得平日來，大約6:30已坐無虛席，而且用膳期間，見到不停翻桌。

聖誕節正日去左尖沙咀搵食先，見呢間泰國餐廳評價幾好，位置又方便，環境又唔錯，價錢相宜就試下個場好大，裝修又靚，座位又夠哂闊落，坐得好舒服。配埋精緻既聖誕裝飾真係好似去左泰國過聖誕咁樣串燒沙嗲$88牛，豬，雞各兩串燒得好香，肉質都好嫩口，配埋佢個沙嗲汁真係一流。佢個汁食到有花生醬味，好香，仲好似有d 碎nuts,好好咬口豬肉碎生菜包$72一般啦，有d 麻辣既感覺。之後怕辣既我直接將串燒個沙嗲汁點落d 肉碎一齊食，結果係好好食🤤(我有叫staff 比多份吵嗲汁我）馬拉盞通菜$75必點，可能係我食過最好食既通菜個汁炒到好香，有d 蝦醬味但又好味過蝦醬。欣賞蝦米係好軟身，完全唔會硬。連埋蝦米送入口更有一番鮮味日本南瓜焗海鮮飯$118點左個有d 新意既飯。好靚呀又吸睛，入面有南瓜粒，都有魷魚有蝦有青口。撈埋個椰汁一齊食，個椰汁好香，好正。美中不足既係個飯太硬CP 值高，環境又舒服，價錢向呢個地段黎講又相宜，係傾計食飯既好地方

今次已經係第二次嚟新泰食野，仍然係環境舒服裝修靚，但唔同嘅係愈來愈多人排隊，我地都等咗大約10分鐘先有位坐。麵包焗咖哩軟殼蟹﹕黃咖哩隻味好濃，溫度啱啱好，入到口又唔會太凍。麵包皮脆但內裏鬆軟，點住麵包食一流！日本南瓜焗海鮮飯﹕食落覺得好有驚喜，原來個飯係冬蔭功味！海鮮唔算多，但個飯加埋南瓜，已經非常好食，十分推介~泰式咖啡﹕甜得嚟有淡淡嘅咖啡味，非常好飲！總結﹕新泰無論喺環境、食物同服務方面都非常高質，價錢唔算好貴，值得再幫襯~

趁著中秋長假期找了一晚和屋企人食飯應節。新泰這餐廳雖然已吃過好幾次，選擇多又好食，而且加拿芬道這分店我們未吃過，今晚試試這一間。人頭湧湧的一晚。沒訂位的我們在門口等了好久才有位，記得訂位呀! 🎤等位期間已想好吃什麼，一坐下已點好菜😂 日本南瓜焗海鮮飯 $118 🎃 賣相無得嘆飯面上鋪滿大蝦和鮮魷。味道濃郁好食。但吃掉上面的一層後，就只剩飯。稍嫌醬汁和南瓜不夠份量。不過飯的份量一定令你飽肚。蒜蓉炒貴妃苗 $75 🥬貴妃苗有驚喜！嫩口加上煮得剛好，菜汁鮮甜一啖接一啖食唔停。推介！下次一定會encore這道菜。香芒軟殼蟹米紙卷$88 🦀 這道菜不過不失，軟殼蟹稍嫌不夠熱騰騰上枱，少少冷掉了，但味道不錯，材料滿滿，一家人食每人食一件兩件做開胃菜剛剛好。冬陰公 細$78 🍲點了細碗的冬陰公試試，一試大家不禁皺了皺眉，太咸了湯的材料十足，隨便一撈都是大蝦和菇。但味道嫌太咸，淡一啲會更好。餐廳環境舒適，人雖多但地方夠大，個個都在談天但不會嘈雜。餐廳內waitress都用泰文交談，有一刻覺得自己真的身處泰國。🇹🇭 餐牌選擇多，每一類都有一整版的選擇菜式味道不錯，價錢合理，所以整間餐廳都是滿滿的客人。一

來到尖沙咀真係多野都到唔知食咩好？行到 新·泰東南亞餐廳被佢門外的佈置深深吸引，決定就食呢間。門外有著泰國的地標特色，甚具氣勢/心思！而且餐廳更作外賣自取全單9折，Tea Time 更有8折，抵。餐廳燈光柔和舒適，座位相當舒適闊絡，而且裝修/佈置得很有東南亞風味。椰青沙冰 - $58用椰青加上沙冰制作而成，飲落有沙冰的感覺外又不會太冰凍，直接用飲筒已可飲用，真的清甜無比，非常透心涼。蜜糖燒肋骨 - $88蜜糖緊緊的掛在豬肋骨上，未食已聞到其香甜的味道，咬起來甜甜的，越食越開胃，而且當中肉質鮮甜，肉汁豐富。日本南瓜焗海鮮飯 - $118賣相非常澎湃，把原個日本南瓜作底，加入多款海鮮、芝士等...未上枱已香氣撲鼻。滿滿的芝士南瓜蓉一弄開，已看到青口、魷魚、蝦肉、南瓜粒等；海鮮新鮮彈牙，非常足料。焗飯質感不會太濕、粒粒分明，加上南瓜蓉醬汁、更是越食越開胃。燒西冷牛扒 - $118燒西冷牛扒口感軟腍，牛味甚濃，輕點醬汁更添惹味。芒果糯米飯 - $68芒果鮮甜，配以黑/白糯米飯加上椰奶加芝麻，賣相吸引。糯米飯質感煙韌，口感軟彈，加上椰奶的香甜，真是無得彈。

話說死黨前幾日食完依間泰菜讚不絕口，咁我就訂左位黎慶祝生日！餐廳係地庫，一落到去好寬敞，餐廳安排左我地四人坐卡位，卡位非常闊絡，仲有咕𠱸，坐得好舒服！前前後後嗌左五樣菜式，馬拉盞通菜，食落唔辣有鹹香，通菜爽脆，味道唔會過鹹，水準之上。小食拼盤大碟到令人驚訝，蝦餅炸得香脆，咬落蝦膠亦都彈牙，魚餅食得出有檸檬草，特別既係除左普通雞醬，仲有偏酸既橙汁醬，點黎食好開胃！而佢既生菜包亦都唔錯，豬肉碎酸酸辣辣，愈食愈滋味！日本南瓜焗海鮮飯好有驚喜，一上菜就見到面頭既芝士蠢蠢欲動，海鮮無雪味，食落彈牙，配埋芝士南瓜蓉，撈埋飯一齊食簡直無得彈！不得不提佢既椰青沙冰，份量超多，一個人絕對飲唔哂，好重椰香，甜度適中，值得一試！餐廳整體質素無論環境、食物同服務都好高，以尖沙咀黎講價錢唔貴，值得推介！

上年仲係灣仔返工既時候,已經周不時會去新泰食lunch,貪佢環境舒服食物質素又高而今晚去尖沙咀,竟然發現原來K-11對面都有間新泰而可能因為較新既關係,呢間分店既裝修相信係咁多間之中最靚既因為我地7點前就已經入座,好彩餐廳唔算好多人,好好彩咁可以坐梳化位不得不讚多次呢到既裝修,燈飾,佈置都好有空間感好靚而且價錢非常合理,實在太興奮喇哈哈首先黎個頭盆冰鎮翡翠螺先啦!每一隻翡翠螺都好大隻， 入面嘅肉當然好肥美啦,味道好鮮甜,建議沾埋附上嘅醬汁嚟食,酸酸辣辣，更有風味。跟住黎到一系列既主菜, 呢個泰式濕炒海鮮河都好足料, 平時比較少嘗試食濕河，呢度嘅河粉好特別，好粗好大條，食落去好煙韌有好有口感，而配上個汁即刻變得好入味日本南瓜焗海鮮飯, 見到賣相已經非常之吸引，上菜嘅時候熱辣辣，海鮮鋪左係面，而飯就喺下面，醬汁係好似咖喱咁嘅，唯一有啲失望係個南瓜焗得唔夠淋，可能係覺得唔夠時間，如果唔係，食完個飯之後仲可以食埋入邊嘅南瓜肉印度薄餅,雖然我地今次冇嗌到咖喱，但依然帶咗個薄餅嚟當小食，上菜嘅時候熱辣辣，好香牛油味，好鬆脆，就咁食都好正㗎蜜糖燒肋骨, 咬落去啖啖肉既ribs,燒得好入味,肉質又鮮嫩