真鮨 (Closed)

當晚，跟工作超忙的好姊妹食晚飯，就為她慰勞一吓吧！ 讓她建議餐廳，選擇了位於婚紗店林立的尖沙咀金巴利道一間開了未夠半年的新日式餐廳 Moshi Moshi 和食料理，她聽說店子主打丼飯，都想試試！單看門面似是日式西餐廳格局，設計鮮明獨特！ 尚未走上用餐區，先見一個自成一角的小空間！ 行上好幾級樓梯，便是用餐區，地方不算大，勝在樓底高，沒有壓迫感！ 木色系色調，一室柔和溫暖感！發現桌上的和風碟子是不同圖案呢！食材保存在雪櫃並以保鮮紙包裹好，十分衛生！打開看似水松封面的餐牌，圖文並茂印刷相當精美！ 主打丼飯之外，供應：刺身、壽司、沙律、一品料理、燒物、揚物及手卷！紫薯炸餃子 $52現時的紫薯美食可謂層出不窮！ 店方有款紫薯炸餃子，於是，我便嚷著要點嘞！飽滿的餃子以鐵板盛載，同時可保溫！餃子皮脆卜卜，包住軟綿綿的紫薯蓉，清甜自然，出奇地混入了煙肉，整體鹹甜交集口味獨特！日本南瓜薯餅 $32南瓜薯餅也是我的心水之選，外層入口鬆脆酥香，一點都不油，而且南瓜味濃，加入薯仔及紫菜豐富了口感層次！海膽芝士蘑菇串 $32散發芝士香氣，加上海膽鮮香豐腴；兩者融為一體！蘑菇比預期不算乾，真是驚喜又滿足味蕾的

一諗起海鮮丼，就第一時間諗返起舊年暑假去札幌時，到訪過二条市場，真喺好多海鮮丼店，又平又靚。最近去咗南九州一轉，主要嚐過宮崎山、宮崎地雞……等等，就未有試當地嘅海鮮丼得唔得，所以，貪口爽，返到香港就一支公走去食餐海鮮丼。其實，食海鮮丼真喺無咩心水，而且，上網摷一摷，晌香港食日式丼飯嘅餐廳非常之多。咁啱出開尖沙咀商務印搵書，就揀咗晌附近嘅「Moshi Moshi」，即喺日本人接電話時所講「喂喂」嘅意思。走進餐廳，餐廳嘅格局都有啲「騎呢」，近門口地面層有張4-6人枱，可謂自成一角，再升上一排梯級先喺主要用餐區。主用餐區地方細細，裝修簡約，採用和風溫色木系，加上燈光十足，有份親和感。然而，小弟一支公，就梗喺揀最入嘅吧位啦。可惜，眼前放有擺放魚生嘅大雪櫃擋住，未有機會睇到師傅切刺身、扼壽司嘅情況。雖然嚟食午餐，目標都喺午市套餐，但都影低主餐牌做個記錄，亦可讓大家有個參考。散點菜式分為丼飯（有成18款之多）、刺身、壽司、沙律、理料、燒物、揚物、手卷，都算樣樣齊備。而午市套餐共有14款，有玉子燒配飯、咖喱飯、拉麵、海鮮丼……等等，定價$63-$238，正所謂豐儉由人。午餐仲包三小碟開胃前菜，飲品半