Camellia (Closed)

成日聽人講，啱打卡嘅地方多數唔好食，但我今次就搵到間兩節兼得嘅餐廳！那就是位於K11 Musea嘅！呢度以粉紅山茶花為主題，成間餐廳布滿唔同粉色系嘅山茶花，加上雲石餐枱，顏值超高！另外，佢哋主打和洋輕食，食物唔油唔膩，水準高質，感覺個餐單真喺為女仔而設😍​其中，我最鍾意佢嘅明太子雞翼，咬開入面係滿滿嘅明太子！雞翼烤得金香，真係好好味！而明太子素麵個樣普普通通，但估唔到好好味，奶油味湯底，一點都唔膩，同櫻花蝦伴在一起，食上口好開胃！至於飲品方面，我最愛紙醉金迷，一飲上口，一陣清新嘅果香就滲透口腔，入面有芒果果粒同菠蘿果肉，口感豐富，加上「炎夏聖品」拉西，仲有一點碎冰的清涼感，令人忍不住一口接著一口！分享一下嘅室內照，據官方講，餐廳布置咗9,999 朵不同粉色系嘅山茶花，配上黑拱門、金邊拱窗，配合雲石餐枱、唔同色調嘅粉紅色桌椅及梳化，非常有格調。

朋友話我地好耐無一齊影相，所以精挑細選左呢間充滿少女氣息既餐廳😂一入到去，見到整間餐廳都係粉紅色調，白色加少少粉紅既雲石餐枱，卡位係桃粉紅色既櫈，仲有一幅粉紅花牆，加埋精緻既餐具，絕對係打卡聖地😍可惜我地無被安排坐卡位，所以最終都無咩影相，專心食飯😝食物款式方面幾新穎，有d菜式無係其他餐廳見過，而食物質素方面都唔錯，值得一試。但食物份量方面偏細，所以食量較大既朋友可能要點多幾份菜。今日我地三個女仔，點左5道菜加2杯野飲，之後仲有胃口可以去食糖水😂精選沙律， 係一個好健康既選擇，有豐富的抗氧化營養既羽衣甘藍同紅菜頭，配合香口既松子仁，仲有酸酸地既sauce，味道唔錯，好清新明太子釀雞翼，同兩位朋友都一致認同，呢個好好味雞翼係無骨的，裡面係啖啖雞肉同明太子，少少辣，好好味煎香茅豬扒，肉好嫩好滑，但香茅味唔太出，都值得試。海膽薏米意大利飯，呢個我本人不太喜歡，覺得d飯有點硬，但其中一位朋友好鍾意，覺得好有咬口😂但佢就話個海膽一般般啦😅日本明太子素面，都係三個一致認同好味，好特別，個面好creamy，個蟹肉薯餅都好香口脆口。但飲品方面我地就覺得麻麻地，呢個蜜糖柑橘果茶，我地已經等佢焗左一陣先飲

平日要翻工來唔到，係別無他選嘅情況下唯有星期六來打卡。等咗大約半個鐘到先有位🙈（好彩前面有兩個哥哥仔放棄唔排）入到來先正式望下環境。裝修以粉紅色同花牆為主，幾浪漫公主feel：本身見到openrice食評有下午茶餐menu，但來到問人先知原來要提早預訂，正常menu對於只係想飲下嘢食個甜品嘅人來講選擇都叫ok：粉紅公主👸🏻唔鍾意太甜嘅人未必鍾意，不過外型睇粉粉紅紅咁都係「呃like」嘅打卡飲品。杯沿邊都沾上紅色粉末，食落似🍓味。日本明太子素麵聽聞呢種麵都有幾百年歷史......好味，但質感對我來講同超市買嘅上海素麵差唔多味（應該係我太愚鈍分唔到🙈）。撇除麵來講，個湯汁唔漏，帶點明太子的鹹香加辣味，再配蝦乾同溫泉蛋，係值得一試嘅dish。至於個蟹餅。。唔係我杯茶🙈所以唔評論啦。玫瑰茉莉果茶精緻，instagrammable，果嘅甜同花嘅清香幾balance。流心抹茶撻推介大家一試。隔離個雪酪係紫米露嘅味，溶得好快要趁早食，配上朱古力脆片都幾正。抹茶撻上嘅時候仲暖，一冷一熱，食起上來