黑木亭居酒屋 (清風街) (Closed)

忙到有點透支的一天 ... 晚餐要食好啲終於來到期待已久的晚餐，兩星期前的约定，我的生日飯，即使減肥都要食好啲位於清風街呢間居酒屋，有幾位朋友食過，都一致好評，所以今晚趁生日約埋家姐一齊去試吓。餐廳四周裝飾及牆身畫上了充滿日本風味的璧畫，如置生日本居酒屋一樣。目測有大概四十個坐位左右。我們收工即刻就到達餐廳，當時大概 6:30左右 ， 並未有其他客人，只有我們一枱，非常好。不過到7:00後就陸續入座近九成滿，所以建議提早進餐，或可於 OpenRice 預早訂座。今天太熱，我們先點杯凍飲。我就十分鍾意杯「蜜桃烏龍熊茶」好飲又得意，上面有隻冰熊仔架，真心打卡一流另一杯「葡萄檸冰」，有紫色分層，十分清新及透心涼。如果鐘意喝酒的朋友，更可以點選有酒精成份的。時間尚早，未算太餓，所以先來份「松葉蟹鉗配三文魚子醬」同「蟹將軍薯仔沙律」，天氣熱食呢個幾開胃，就啱啱好。然後再嚟，必試呢個餐廳皇牌「日本產A4吉列和牛三文治」。厚厚的吉列和牛、併上海膽，再配上黑松露醬，呢個三文治搭配非常有心思，口感好複雜，推介大家要試。如果一份未夠喉，追加第二份更有六八折添最後，來到居酒屋，沒理由不吃吃串燒的，所以再要幾

好耐無同天天bb食飯啦😍炮台山接收工之後去咗天后食日本嘢前菜我哋揀咗兩款蟹嘅料理，呢款松葉蟹鉗配魚籽醬，蟹鉗清甜嘅鮮味配咗醬油漬三文魚籽做到個提鮮嘅作用，搭埋沙律菜嘅柚子酢都好相得益彰。開哂個胃之後到呢個重中之重嘅日本産A4吉列和牛三文治，三文治有兩款口味，有配上海膽而另一個係黑松露醬，要點題講吓黑松露醬口味，一啖咬落去嗰吓和牛油脂流出嚟跟住混合埋黑松露醬係牛油香同松露香交替嗰吓呢⋯⋯正到癲！回味緊吉列牛嘅時候就嚟串燒啦，佢串燒類都有水準，外面略帶焦香入面肉汁充分，特別呢個麻辣白鱔，孜然香配麻辣味燒到少少脆嘅白鱔皮，肉質爆汁又滑夠惹味

天后係一個不折不扣嘅美食天堂，餐廳選擇多，位置集中，所以我同朋友都好鍾意嚟呢邊食飯。我哋上網訂咗枱，星期日晚去「黑木亭居酒屋」食飯，好彩有預約，如果Walk-in的話，應該要八點半後先有位，超高人氣👏。餐廳面積比想像中大，因為好似行入去都仲有唔少座位。呢度環境幾有氣氛，燈光偏暗，完全係居酒屋嘅格調，而且牆畫仲好吸睛，好靚啊😍。居酒屋嘅食物種類繁多，包括沙律、小食、和牛、一品料理、食事、炸物同串燒等，未能一一盡錄。我哋每個類別都叫咗啲，晚餐非常豐富🥢！日本產A4吉列和牛三文治(120g)($338)，🐮和牛貴就貴啲，不過真係好好食。吉列和牛有一定厚度，所以食落富有口感，而吉列脆皮沾他他醬食，好搭調。🥪三文治除咗夾和牛之外，仲分別配上海膽同黑松露，兩樣都係靚食材。呢道菜式唯一美中不足嘅地方就係麵包烘得乾咗啲。松葉蟹鉗配三文魚子醬($138)，呢個係季節限定菜式☘️。松葉蟹鉗有好多隻，雖然細細隻，但其實都幾好肉，而且最重要係相當鮮味🦀。另外，以細碟仔裝住嘅係三文魚子，鹹香十足，唔腥。照燒雞扒柚子沙律($98)，🐔照燒雞扒切件上，由於用作沙律，所以係凍食嚟。雞扒同蔬菜配上柚子汁食🍊，甜甜哋，好好