平成二十二日本料理 (Closed)

當一個餐廳用上平成二十二年這個名字就知道一定是吃日本菜了（除非老闆反智），查了資料還真的是在該年開業的。不過這不是重點，重點是一間風評不錯的日式放題。思鄉病發心癮難擋，看相片有大大隻肥蝦，自然又約朋友去食了。門外就可以見到價錢，只看價錢的話是比平時的貴一點，但這不代表一切，最緊要是好吃，最多多點一些貴價的款式方便歸本。既然是風評不錯的放題店，晚飯時間當然人頭湧湧，不過有訂枱當然就贏左起跑線了，呵。坐的位置在吧台前面，可以見到師傅砌魚生出菜。點菜紙八張不算多，汽水款式一目了瞭且自己去雪櫃拿，我想應該沒有人貪那幾罐吧？ 七點半入座，九點last order，當然要爭取時間密密食了。刺身裡的特大甘海老一項，到底多大？目測全身約12cm，腰圍2cm，飽滿﹗更強的是，我見到有一隻蝦蝦鬚在動，新鮮﹗脫下外殼放入口，味道真的很甘甜，肉身帶有一點黏，咬下去有漿口的感覺，美妙﹗另外選了的刺身包括油甘魚、帶子、三文魚、吞拿魚、馬刀貝、海花螺、北寄貝。刺身味道都是合格的，帶子是中型size味夠濃也不錯，但油甘魚不能不提了，不是清甜那麼簡單，而是帶有淡淡的柑酸香味，在放題吃到這個級數的油甘魚確實意外。 壽司自

這家位於山林道的日本料理, 以日本年份平成二十二命名, 即等於2010它的開店年份. 我在早幾天前已打電話去訂檯, 所以一行十二人可以有一間房. 好切合我們朋友歡聚開年飯的目的. 開始進入食評:1. 今個月送的入座禮: 宮城岩蠔 其實本人不好生蠔, 膽粗粗試下都覺得好鮮甜.2. 刺身拚盤 推介甜蝦, 裡面有藍色蝦籽, 肉質都很鮮甜. 其餘海鮮都不過不失, 惟一係切得好細薄, 可能係因為我地有十二個人的關係.3. 浦燒饅魚 one word : average4. 日本蕃茄 鮮甜可口5. 霜降牛肉壽司, 松葉蟹腳壽司 霜降牛肉壽司好有牛味, 松葉蟹腳好大條, 足料. 味道好過好多連鎖壽司店.6. 清煮牛舌 配菜與醬汁中和左牛舌的油膩感, 讚.7.火鍋 要讚嘅係火鍋可顧及吾中意食生野嘅朋友. 由於本人無試, 所以 no comment. 其餘試左蝦天婦羅(漿太厚),炸南瓜餅(好吃),大蔥炒牛肉(都ok), ~鹽燒雞翼(同意樓下食評雞翼某些部分有鹹味，有些部分卻顯得太淡同生),鹽燒牛舌(幾入味). 總括來講係一不錯的放題, 會再幫襯~

已跟同一班朋友來過呢間日本放題數次, 嚟完再嚟係因為覺得真係好食, 但見到有啲食評話等位時間耐, 服務差, 食物差, 真係想幫佢平反一下! 可能我哋好彩啦, 我哋真係冇遇到嗰啲問題, 等位方面, 可能係因為我哋幾次都係食6:30-8:30嗰輪, 仲要係禮拜四(因為友人要喺9點前返到屋企), 所以唔算太忙, 亦可能咁樣, 冇遇到等位耐!! 服務方面, 我就覺得沒有特別, 所以冇乜COMMENT. 但食物方面, 我真係覺得幾好, 尤其係嗰個炸蠔, 我哋食完再食, 因為實在好JUICY, 好好味! 仲有嗰個蕃茄, 嗰個汁, 我同啲朋友都覺得好FRESH, 應該係柚子汁, 配合埋底吓啲青瓜絲, 真係好正!! 另外, 前菜方面, 我記得上次嚟食, 送O既係海膽翅, 而家係鮑魚, 事實上海膽翅真係麻麻地, 不過送就冇乜所謂啦, 但我估唔到而家送鮑魚, 感覺上好HIGH呀, 食落都幾'林', 幾好味!其實本人最欣賞係佢刺身, 因為未食我已經覺得佢好靚, 我平時最鍾意食甜蝦, 第一次食時, 覺得好麻煩, 因為要剝殼, 但聽人講, 原來咁樣食係最新鮮, 果然真係好甜!! 仲有蝦籽O忝!!