淥烚年代

Open Now

Now Closed

前晚跟朋友去左呢間位於尖沙嘴海防道嘅樓上火鍋店，食左個非常滿足嘅火鍋四人餐！餐廳地點非常方便，裝修有格調，而且店員服務態度非常好。四人餐價錢$1138+10%和醬料費，可以話非常抵食，所以喺度同大家推薦一下：鹿茸菌燉花膠湯底：花膠大大舊，非常足料！更加重要嘅係無味精，所以可以飲完碗靚湯再落料打邊爐！海鮮拼盤：賣相一流而且非常豐富，有啖啖肉嘅澳洲龍蝦、爽脆嘅脆肉鯇、肉質鮮甜嘅大蝦同埋大大隻嘅蜆手切安格斯牛小排：大大盤，而且肉嘅脂肪紋好靚，一睇就知道質素唔錯！食落去牛味十足，正！日本黑豚肉：擺盤好可愛，而且肉質唔會好鞋，果然係日本黑豚肉！鮮炸響鈴：熱辣辣新鮮炸出來，非常香脆！手打四寶丸：十分精緻嘅手打丸，我特別鍾意蝦丸，非常爽口彈牙！田園盛：好大盤嘅雜菜，每樣菜都好新鮮，當中嘅粟米非常甜！醬料：餐廳同頗多配料俾客人自己調

今日老公帶我打邊爐，係一間樓上舖呢間坐得好舒服，如果人多，仲可以有房坐個爐都印有logo一坐低佢就俾個九公格我地，調定豉油嘅料我眼裡只有芫茜，但納眼都見到少見既紫洋蔥又想食辣又想唔辣，可以加錢雙拼左邊係沙嗲右邊係皮蛋芫茜想講個鍋本身已經勁多料，皮蛋重手，鴨血又多鴨血仲要超好食！兩丁友，叫得唔多安格斯牛肉、菜心苗、蒿筍、日本黑豚肉、牛柏葉、水魷，粉腸菜真係條條都好嫩，放入辣鍋索曬d辣汁食又係別有一番風味濃郁既牛味同柔軟既質地，安格斯真係最愛既種類之一日本黑豚肉，呢個有驚喜上台先見佢色澤已經勁靚，脂肪分佈均勻放入口超香，有一陣微妙既甜味真係唔食牛都要食豬另外碟粉腸都好高質，平時mama地粉腸但同海膽一樣，如果係靚野就真係識品嘗佢既好食之處口感幾q彈，內餡豐富鮮魷又係要提一提，佢勁厚！！！超有份量同埋好鮮味，好厚肉又嫩唔會好似咬擦子膠咁打邊爐就係要食呢d新鮮既野！結論，好食加好坐，可以再食好多次

天氣開始凍，打邊爐嘅癮又嚟🤤🤤✌🏻今日搵咗間係尖沙咀九龍公園附近嘅邊爐舖試下🧚🏻‍♀️間舖裝修勁靚，由於我哋六點開始食，人數未算多～🧚🏻‍♀️9宮格配料好難得有我鍾意嘅香芹🥹🥹即刻加滿！🧚🏻‍♀️川貝百合燉螺片湯呢個湯100分！未打邊爐已經每人先飲咗兩碗，真係完全冇味精，仲要好足料！🧚🏻‍♀️安格斯肥牛$198勁大碟！肥牛肥瘦均勻、好有牛味🤤🤤吃貨嘉嘉同男朋友都超級鍾意！每枱都會有個木梯放打邊爐配料，自己跟住個Menu嗌就得～🧚🏻‍♀️首推新鮮鵝腸、白鱔片、萵筍、日本黑豚肉片唔好睇佢細細兜，每樣配料都好多，而且價錢唔貴，可以食多幾款！🧚🏻‍♀️三拼肉丸（金沙牛丸、清酒蝦丸、風味鯪魚球）金沙牛丸入面係鹹蛋黃，牛丸都特別彈牙爽口😋😋清酒蝦丸就好特別，有爆漿嘅感覺🦐風味鯪魚球入面釀嘅係臘味，識落有種好似食煲仔飯嘅感覺，好得意🤣員工話呢啲丸全部都係新鮮手打，所以食落特別厚實，同埋要淥多幾分鐘🧚🏻‍♀️總結：食物質素非常好，每樣食材都好新鮮，超級鍾意飲佢個湯！加上呢間餐廳嘅裝修好靚，打卡一流。（廁所都係好乾淨🤣🤣）