Video
Read full review
2023-06-14
81 views
📌 媄鐵板燒日本料理和酒 - 尖沙咀廣東道122-126號中港中心7樓🗓(14/6) 星期三 ⏰ 晚上7點左右 💈特式：呢間日式鐵板燒餐廳位於尖沙咀近Apple Store嘅中港中心，新開左僅僅2~3個月，但都見係網上有不少好評，所以今日收工都特登過嚟試下。🥩🍔🌭🌮🥗🥯🥘🍲🍝🍣🥟🍤🍱食物：餐廳主力都係做鐵板燒套餐，例如午市套餐/二人前套餐，仲有就係lunch 同 dinner 嘅Omakase，我就叫左個精選2人前套餐，套餐除左本身6道海鮮同和牛之外，仲會包左沙律/前菜/炒飯/炒野菜/味噌湯/甜品，我就根據佢上菜嘅次序同大家介紹下啦，而家等我同大家講下🔥味道先。沙律 - 個沙律細細兜，但入面蔬果種類都好多，有蜜柑/藍莓/蕃茄仔/紅心蘿蔔等等，好清新好開胃。前菜 - 前菜係一個龍蝦汁蒸蛋，首先佢個容器真係好靚，成隻恐龍蛋咁，個蒸蛋好滑身，加埋佢地個好濃郁嘅龍蝦汁，同上一道沙律真係好大對比。帆立貝 - 好新鮮好大隻，又厚身嘅帆立貝，輕輕簡單地煎一煎同燒一燒，有少少焦香，再配上少少即磨嘅烏魚子乾同清淡嘅淡雪鹽做點綴，真係又簡單又香又好食。金鯛立鱗燒 - 呢個立鱗燒真係做得相當出色
🗓(14/6) 星期三 ⏰ 晚上7點左右
💈特式：呢間日式鐵板燒餐廳位於尖沙咀近Apple Store嘅中港中心，新開左僅僅2~3個月，但都見係網上有不少好評，所以今日收工都特登過嚟試下。
🥩🍔🌭🌮🥗🥯🥘🍲🍝🍣🥟🍤🍱
食物：餐廳主力都係做鐵板燒套餐，例如午市套餐/二人前套餐，仲有就係lunch 同 dinner 嘅Omakase，我就叫左個精選2人前套餐，套餐除左本身6道海鮮同和牛之外，仲會包左沙律/前菜/炒飯/炒野菜/味噌湯/甜品，我就根據佢上菜嘅次序同大家介紹下啦，而家等我同大家講下🔥味道先。
沙律 - 個沙律細細兜，但入面蔬果種類都好多，有蜜柑/藍莓/蕃茄仔/紅心蘿蔔等等，好清新好開胃。
前菜 - 前菜係一個龍蝦汁蒸蛋，首先佢個容器真係好靚，成隻恐龍蛋咁，個蒸蛋好滑身，加埋佢地個好濃郁嘅龍蝦汁，同上一道沙律真係好大對比。
帆立貝 - 好新鮮好大隻，又厚身嘅帆立貝，輕輕簡單地煎一煎同燒一燒，有少少焦香，再配上少少即磨嘅烏魚子乾同清淡嘅淡雪鹽做點綴，真係又簡單又香又好食。
金鯛立鱗燒 - 呢個立鱗燒真係做得相當出色，所有鱗片都用溫油炸到脆卜卜，之後先再煎，但煎完後魚肉仍然保持嫩滑，配上自家調製嘅酸菜魚汁，少少酸/微微辣/輕輕麻，口感同味道都好突出。
青森縣蝦夷鮑魚 - 隻鮑魚雖然係以鐵板燒方法處理，但出嚟口感係好似炆咁軟滑淋身，但又帶少少爽口，配埋個鮑魚肝汁，令到個味道更鮮甜可口。
燒活龍蝦 - 隻龍蝦勁生猛，起肉即燒，就一定好食，但最畫龍點睛係佢地用埋鮮刮出嚟嘅龍蝦頭膏配埋蟲草花去做左個好濃密嘅醬汁，個味道真係差d妹仔大過主人婆呀。
鵝肝多士 - 呢個鵝肝上枱時已經聞到煎得好香，又厚身，面頭再淋上蘋果蓉醬；仲配埋柚子汁雞冠草當沙律，同一件冰菠蘿，等你食完鵝肝之後用嚟中和油膩感。
日本A4和牛 - 和牛我一般都會揀食A4多過A5，因為無咁油同漏，但肉味同肉質就相差唔遠，食靚牛一向都唔需要太熟，所以只係要5成，呢個A4和牛可以配埋wasabi或者鹽漬昆布一齊食，我就比較鐘意配wasabi，可以將牛味提升不少。
炒野菜 - 食左咁多野，呢個時候上一份炒什菜，真係神來之筆，可以清一清除內心同口腔個份油膩感。
龍蝦頭麵豉湯 - 呢個麵豉湯都嚟得真合時，可以比客人滋潤返下個口，之前食隻龍蝦個頭亦係呢個時候出現返，個麵豉湯都非常香濃好飲。
炒飯 - 個炒飯係冬菜炒飯，聽到到嚇一跳，竟然用咁中式嘅醃菜去做日式炒飯，但出嚟個味道都好夾，廚師仲係面灑上少少白芝麻，令到客人食飯位時仲會咬到一粒粒脆口嘅芝麻，口感就更加特別。
甜品 - 甜品係雪榚，今日味道有柚子同芝士選擇，我當然就要試晒兩款啦。柚子係雪芭，清新帶少少酸甜，仲有柚子果肉；芝士就係雪榚，好濃芝士香，少少咸味襯托甜甜嘅奶香味。
☕️🍵🥤🧋🍺🍷🥃🍹🧉🍾🍶🥛
飲品 : 餐廳配以日式煎茶招呼客人，味道都好香，職員斟茶速度亦都異常咁快，當然仲可以叫其他酒類飲品。
🍽環境：餐廳裝修好靚，簡潔得來好高級感覺，加上又新淨；坐位就唔多，大約得15~6個，主力都係鐵板燒吧枱位，另外仲見到有間VIP房，整體都坐得好舒服，又唔會好重油煙味；餐廳樓層雖然唔算高，但景觀都十分開揚，可以話睇住靚景食個靚飯。
🤵🏻🤵🏻♀️🤵🏻♂️服務：職員服務真係非常好，全程照顧周到，雖然未去到話一對一服務，但比到人感覺都差唔多係咁上下咁重視；鐵板燒師傅亦會好詳細咁同客人講解每道菜嘅做法同食法，等你更加清楚了解每一道菜內藏嘅心思，而且廚師好健談，會同你有不少互動，令到成餐2個鐘頭嘅晚飯過得好歡樂。
💰💸價錢：今日叫左個精選2人前套餐就$2,480/2人再加一，以咁高級嘅日式鐵板燒餐廳，優質嘅服務質素，高檔次嘅食材嚟講，價錢都算合理。
🐲💬總結：佢嘅食物做得相當出色而且精緻，服務又非常好，價錢雖然唔算好平，但計埋性價比就算十分合理，如果有節日/慶祝之類，我絕對覺得可以嚟試下呢度d美景美食。
推薦指數：❤️❤️❤️❤️❤️
3 views
0 likes
0 comments
沙律/前菜
4 views
0 likes
0 comments
帆立貝
5 views
0 likes
0 comments
金鯛立鱗燒
20 views
0 likes
0 comments
青森縣蝦夷鮑魚
6 views
0 likes
0 comments
燒活龍蝦
1 views
0 likes
0 comments
鵝肝多士
3 views
0 likes
0 comments
日本A4和牛
1 views
0 likes
0 comments
炒什菜/龍蝦頭麵豉湯/冬菜炒飯
2 views
0 likes
0 comments
甜品
1 views
0 likes
0 comments
Post
