翠華餐廳 (Closed)

呢間翠華係銅鑼灣謝菲道已屹立多年。相比起同一條街D餐廳，好快就易手，轉鋪，呢間翠華相對來講比較硬淨，我估一定有佢原因。嗌左嗰茶記沙爹牛公仔麵，d牛肉幾入味，公仔麵略嫌過軟。茶走 不過不失，鍊奶較之前無落得咁重手。本人不喜歡那麼甜，所以係比較喜歡依家的份量。（如果喜歡甜的朋友，可能要嗌多奶）餐包 可能自家製，比一般茶記稍勝。👍🏼👍🏼👍🏼

尋晚上training冇飯食，今朝要食個豐富早餐。嚟翠華次次一定叫同一個早餐B，沙嗲牛肉要爽麵，炒滑蛋，轉埋餐包做奶油脆豬，凍啡走甜少冰外賣杯。其實牛肉冇乜肉味，沙嗲味都好淡，一定要自己落大量胡椒粉。麵要快食因為好快會腍。炒滑蛋就偶然會失手略燶，但今日冇事，仍然香滑。奶油脆豬冇以前咁鬆，烘得太燶有啲界口。咖啡濃味帶酸，但店方不吝嗇奶，味道還可以。