目利きの銀次 (Closed)

聽過好多朋友對依間餐廳嘅好評，我本身又鍾意食日本嘢，所以就嚟試下我果日食咗set lunch menu入面嘅鹽燒秋刀魚定食($58)秋刀魚好鮮味同香口，肉質一D都唔覺得鞋，鍾意食燒魚嘅人一定鐘意食！set入面仲有沙律前菜同麵豉湯，係咁既地段黎講算係非常抵食呀！雖然個set lunch D嘢食其實都幾飽肚，不過D小食好吸引，所以就試咗兩樣牛油燒帶子好香同好爽口，賣相又好靚，值得推介！明太子燒飯團燒得好惹味，有少少辣但唔會好鹹總括黎講呢度嘅食物都幾高質素同埋相當抵食，下次想試下晚餐！

帶朋友去世貿既目利銀次食日本菜。朋友未去過日本，這間來自沖澠的居酒屋，希望佢鐘意啦。鋪頭細細，裝修幾得意特別。朋友點酒我點菜。朋友點了清酒梅乃宿720ml($620)，甜，易入口，我鐘意，但朋友話佢唔係咁鐘意甜。海膽汁燒蠔($88)，海膽汁好濃，好好味，但放在蠔上，蠔的鮮味被蓋過。美中不足。黑豚涮涮鍋($138)加烏冬($50)，湯是雞湯，鮮甜，朋友好喜歡，黑豚肉好有鮮味肉味。烏冬當然不是街市買到的那味道和質感，滑滑的，美味。半燒三文魚($68)，朋友喜愛只燒面層的三文魚，所以我專登叫這個菜。魚質又滑又鮮美。配上有少少酸的醬汁，很夾。明太子燒飯團($68)，另一推介，明太子少少辣，不太鹹，惹味，飯團有少少牛油香味，又燒得香脆，很可口。明太子煎蛋卷($68)，另一個明太子菜式，蛋包著明太子，蛋的淡配上明太子的少少鹹，味道剛好。炭燒串燒拼盆($118)，有雞翼，雞肶肉，雞軟骨，免治雞肉，黑豚肉及煙肉番茄，有鹽燒或汁燒選揀，我們選了鹽燒，是全晚比較失色的菜式，因肉質有點乾，不夠juicy，又未至於燒得香脆。一間食物做得不錯的餐廳，氣氛很好，可以再來。