風流居酒屋 (Closed)

之前未食過呢間，所以黎試下～除咗地舖，原來上面兩層都係佢地既。所以見冇位唔好走左去，因為樓上可能有位架！葱吞拿魚蓉軍艦&馬糞海膽壽司我最鍾意既吞拿魚蓉，見到一定叫！另外，大家應該知海膽唔靚真係好臭好難食，但呢度既壽司足料之餘，係好味既！芝麻雞翼外皮脆又有芝麻香，而且剛剛好熟，雞肉仲好嫩滑。柚子胡椒黑豚肉黑豚肉好肥美，有黑椒吊味帶出肉香，仲有柚子味減低油膩感，配搭唔錯～蒜蓉燒廣島蠔燒完仲係好多汁，冇得輸。鍾意蒜蓉同蠔既朋友要試試喇。明太子玉子燒玉子燒好滑身，但略嫌明太子唔夠，如果多返啲明太子會更好。醬汁大啡菇大啡菇本身有自己既味道，簡單燒燒加少少醬油，就已經好正。呢度感覺上主要食串燒多，同埋質素還可以，有興趣就去試下啦！

大圍有間細細間嘅日式居酒屋，每層都只有幾枱，空間並唔大。不過嘢食選擇就唔少啦，無論係串燒、天婦羅定係魚生味道都不俗。月見免治雞肉棒同之前食開嘅有點不同，肉質較乾同散，加埋蛋汁就剛剛好。個人都幾喜歡佢嘅明太子燒玉子，玉子上鋪滿燒得香噴噴嘅明太子，真係嫌佢份量太細唔夠喉呀！另外雜錦天婦羅中有非常少見嘅炸蕎麥麵，咬落非常香口，適合裝飾同食用！風流嘅環境非常日式，好適合飲下酒傾下嘢，不過價錢就唔算特別平啦。

今日入開沙田區睇醫生順便搵下d小店支持支持🤟🏻.6點幾先打去風流居酒屋諗住搏下有得book枱好好彩比我book到🤤.8點準時去到等左一分鐘就有得入去佢其實係村屋黎分左3層每層都係得好少位我就好好彩要上最高果層😓條樓梯勁斜落果下真心有d驚😥😥.叫完嘢食之後都等得幾耐下不過咁先代表係即刻整嘛.最先黎嘅係 原隻活赤貝($58)嗯，比我想像中細隻🤔不過都爽甜嘅，味道搭夠🙃.之後就到 炸雞軟骨($58)咁炸得香脆又配埋沙律醬好難唔好食嘅😅不過佢竟然無比檸檬我有d失望😕.再等下。。。燒物終於黎喇有 厚燒牛舌芯($42), 牛小排($48), 燒象拔蚌仔($68/2只), 燒白蟮($58) 同 豬頸肉($38)牛舌芯好好味！ 雖然係厚切，但係燒得啱啱好好夠爽👍🏻👍🏻牛小排又係好味牛黎講，一過火就會咬唔到煮唔夠又會血淋淋不過佢燒得好好稔得黎又juicy重點係唔會入面仲係紅色🙌🏻燒象拔蚌呢就蒜味十足！肉質夠爽👍🏻燒白蟮係唯一一樣負評嘅皮唔夠脆重點係有陣怪味唔知係唔新鮮定係浸過咩喇👎🏻豬頸肉呢就正常貨色不過佢唔係得一串而係一大塊，好慷慨好抵食🤞🏻.之後到 明太子玉子燒($48)佢唔係玉子包住明太子只係有d

突然想食日本野，諗起附近有間黃店就黎試下，原本之前紅極一時間拉麵執佐轉佐依間😳舖頭原來有兩邊，仲有兩三層。同普通居酒屋一樣有好多款串燒，刺身，壽司，一品料理，仲有烏冬拉麵同鰻魚飯～.角切海鮮丼 $98黎食日本野點可以唔食刺身😆，都整得幾精緻五顏六色咁😍，同埋見到果pack海膽已經覺得值返晒😚，食落都好新鮮，刺身款式都比佐好多種，不過感覺食落味道好似比較淡口🤔 就咁食刺身再咬飯，味道比較突出啲，同埋啲飯好似整得偏癡身～.叉燒烏冬 $48唔算太大碗，湯底係醬油湯底，用佐少少海帶，葱花同麻油去調味，個烏冬都整得幾入味同埋有彈性，唔會話浸到冧晒，叉燒雖偏肥身但食落呈軟身又唔會話太膩～.明太子玉子燒 $48一見到已經覺得好邪惡🤤 一串有兩舊，有一pat微微燒焦佐既明太子溶佐舖係玉子燒面頭，玉子燒燒得岩岩好，咬落去都幾紮實同埋食得出個層次感😍.總結，居村小店黎講我覺得算有驚喜，味道質素唔錯，不過衞生情況好似要略改善，同埋睇得出擺盤都好有心思，感覺串燒類都好似幾吸引，如果有心事可以同朋友飲兩杯食下串燒都唔錯，呀！！同埋午市好似都幾抵試🤤