廟街玉子燒 (Moved) New Location

疫情緩和，這個週末也明顯多了人在街上，食店生意也好轉了不少。呢晚嚟到廟街，其實有好多店舖及小販攤檔都冇開，感覺同以前差很遠。又或者可能而家未係冬天，煲仔飯飯店嘅生意都唔多。近十字路口位有一間舖頭吸引咗我哋注意，就係廟街玉子燒原來呢間舖新開無耐。店長之前係做展覽會小食攤位，最近才有這個地舖。搶眼嘅黃色招牌，再加上鐵板食物嘅飄香，感覺好吸引！餐牌上好多小食我都好鍾意！今次點左一份玉子燒、一客魷魚及雞軟骨粒。估唔到都好大份！再加上多項配料，增加口感。小吃配上可樂你係一個好爽嘅感覺明太子同蛋係好好嘅配搭蛋漿裏亦有芝士及蟹柳，加上脆卜卜嘅蟹子，滿足！魷魚份量好多，好有咬口，覆蓋着魷魚嘅燒汁亦非常惹味每一條魷魚都好大條呢！雞軟骨粒亦好好味，首先醬汁好入味，另外都好好咬口今次依幾樣食物都好推介另外聽到好多人點大阪燒， 下次試吓先！

今日去油麻地接老公放工，平時五光十色嘅廟街因為疫情而變得冷清，排檔都冇營業，不過行行吓就見到呢間燈火通明嘅小食店，簡直就係漆黑中嘅螢火蟲，而且遠遠已經傳來燒烤嘅香味，所以就吸引咗我哋去望下呢間新開嘅小店，原來佢係主打玉子燒。我去日本最鍾意食嘅就係新鮮即整嘅玉子燒，所以就決定買一份試吓，喺疫情下就當自己去緊旅行啦！見到佢都有好多招牌菜喎，原來除咗玉子燒，仲有鐵板燒、章魚燒、豬手等，估唔到鋪仔細細都可以有咁多款唔同嘅招牌菜！餐牌仲有中英對照，應該係預計可以吸引埋外國遊客嚟捧場，而且價錢都好合理呀！其實我成日都好想自己學吓整玉子燒，但係總係唔識點樣煎到嫩滑嘅蛋餅，所以我就問店員可唔可以俾我近距離睇吓佢點整，店員非常有善，俾我行入去睇佢點整，等我可以偷吓師玉子燒分量十足，入面有芝士、蟹柳、明太子醬，面頭仲有鋪得滿滿嘅蟹子同埋木魚碎，而且充滿蛋香，呢個價錢我認為真係好超值！切開咗嘅玉子燒入面仲有拉絲芝士，睇見都口水流，所以我都急不及待放入口，每一啖都食到蛋香同埋明太子嘅味道，我同老公要搶食😂另外揀咗要一份大嘅鐵板燒，店員首先烹調一口牛柳粒，佢話每邊都煎一煎之後，就會集中煎香一面，令到牛柳粒達致七

之前喺IG Story介紹過呢間新餐廳，小編終於嚟咗試喇！晚市禁堂食底下廟街好多餐廳都無開，但廟街玉子燒就好似漆黑中嘅螢火蟲一樣，默默為街坊提供美食。未行到去舖頭都已經聞到好大陣香味，睇吓係咪真係咁好食啦！ 😋 明太子芝士玉子燒 $40因為即叫即整，所以要等一陣先有得食。睇得出每一個步驟都落足心機，連開雪櫃嗰吓都畀足誠意🤪 普通芝士玉子燒就30蚊，加10蚊就有餡，除咗明太子之外仲可以揀要多啲芝士、蟹醬或者黃金魚皮。玉子燒上面有沙律醬、木魚碎同海量蟹子，看似平凡但一食落口就「哇」咗出聲，竟然係食個邊邊都有芝士拉絲😝 再食落去啲芝士越拉越勁，隻手短啲都搞唔掂。除咗芝士之外仲有明太子流出嚟，入面有一條蟹柳，玉子燒甜甜的，超回味呀！ 畀幾個tips大家！等大家食得開心啲👇🏻 1️⃣ 記得趁熱食，如果唔係啲芝士就拉唔到絲2️⃣ 記得做gym，如果唔係就無力拉絲3️⃣ 試埋魷魚鬚同牛粒，真係超香！