煮道 (Closed)

今日等係上環反工既朋友食飯，佢就帶左我黎呢度😎本身中意食海鮮，所以就叫左個海鮮鍋😄 一黎到賣相相當吸引! 唔同種類的丸子排排坐咁，之後青口，蝦同帶子等等放另外一邊，底下有大量的菜，所以唔洗擔心唔夠菜，感覺到佢地擺位都比左心思😁 我叫左清湯底，真係幾清淡，但又有淡淡的海鮮味。先講個蝦，非常大隻同幾新鮮! 帶子都係! 好少見到咁大隻的帶子 🤗 D丸都好得意，有粒魚子丸流好多芝士醬出黎，好中意😄 個蛋都唔錯，qq地，香香的蛋味帶小小甜。d菜雖然放底，但竟然無林到，岩岩好😃我男朋友叫左個星級精選鍋，偷食左佢小小，覺得都好唔錯! 先講個牛，好嫩唔韌，好香牛肉味，幾新鮮，如果想食肉的朋友真係可以叫哩個食下😋 d丸同我個d差唔多，男都話特別中意粒魚子丸😋 好似千島醬加芝子加魚子既味道，好味！個冬菇好大塊，軟軟的。餐仲包個飯或薯粉，超飽！我叫左杯洛神花茶，幾香，甜甜地。 仲有樣好得意嘅野，佢地會有個機械人送餐，雖然唔係到我地面前，但送到最近我地的位置，會有職員送到我地面前，覺得好得意，幾新穎😃 整體唔錯 ! 下次會再黎!

住依到廿幾年行過見到這個位置竟然有人敢開餐廳，所以就同家人一齊去試下。（因為這個電腦商場冷氣一直是壞的，業主一直不肯整，大部分店鋪已搬走，而且仲係火鍋店，夏天就不知道了）餐牌只有這幾款選擇入到去因爲第一次食想請侍應推介一下，態度好到不得了！！惡到好似我欠左佢咁，其實8-9點食飯時間，但計埋我地只有3抬客，雖然得佢一個但唔會超忙，唔洗咁既態度啩？！我地3個都係女，所以決定叫2個火鍋「星級精選鍋」+「環球海鮮鍋」再加碟安格斯牛肉「星級精選鍋」鍋都算多料，好多菜、豆腐同丸，仲有碗白飯；但男生一個人食一鍋一定唔夠飽「環球海鮮鍋」認真笑左，2粒青口+2粒帶子+2隻蝦+2粒腥蠔就係「環球海鮮鍋」😹媽咪話我整既都有誠意過佢我唔想飲汽水個d ，叫左杯洛神花茶，正常食店花茶都會有1-2片花仔，依杯野仲甜過汽水，少少花味都無👍🏻👍🏻👍🏻埋單3百幾，但我記得2個鍋，每個都係百幾蚊，加杯野飲$22蚊，點計三百幾呢，原來個女侍應無比收據就主動問佢可唔可以要張收據，佢答得非常有誠意「我地無單既喎，如果你想要我咪比張你睇下囉」媽咪真心笑左，佢話我個女18-22出黎做野都唔會咁既態度啦，原來佢個海鮮鍋有分大、細，佢問

家姐屋企附近新開，天氣凍啱哂我地邊爐友一人一鍋，所以試下呢度～個餐有多種湯底選擇，揀咗蕃茄湯，好濃郁；個餐跟一個薯粉或白飯～叫咗個「星級精選鍋」＄98，主要係想食個安格斯牛肉，個牛肉真係好味嘅，唔係快餐店一人一鍋個d可以比～另外鍾意食丸嘅我地叫咗個「全丸滿座鍋」$88，真係好多種丸，有啲特別到街市都應該買唔到嘅，啱晒我呢啲鍾意多選擇多款式嘅人～之後另外再加左兩碟安格斯牛肉，＄48一碟～飲品方面叫咗個青檸梳打$22同埋綠茶$22，個綠茶送到黎用膠杯，感覺上好似同個圖差好遠～總括黎講質素材料都好好！！ 環境又舒適，服務都好好（有個黑衫女侍應好勤力，由我打電話問有無wifi，到坐底，見得佢一個一腳踢做哂所有野）；建議：如果配料有埋啲乾蒜/辣椒仔/芫茜等，啲醬汁配料係打邊爐靈魂之一，相信會更加多人嚟食～