金龍冰室 (Closed)

放假去搵姨甥女玩,順便同佢食晚餐,由於落雨,就同佢去附近食啦.餐廳裝修好優雅,天藍色既色調令人好舒服,坐位又好寬.食物款式多樣,價錢又大眾化.我地點左一個星級雜扒&吞拿魚玉子燒.星級雜扒~有西冷扒,雞扒,炸帶子,煙三文魚,英式腸配龍蝦汁,免費跟一份厚多士和芝士粟米湯. 西冷扒入味啱啱熟肉嫩,雞扒外皮煎過,鎖住雞既肉汁, 炸帶子一點都唔油膩加上龍蝦汁好美味. 免費厚多士份量足,加上香滑既芝士粟米湯.好好味吞拿魚玉子燒加炸帶子撈丁, 蛋好滑,蛋包住吞拿魚加芝士原來係絕配.

今日去開新界探朋友，回程時又落大雨，所以諗住搵間餐廳食完晚飯就返屋企，見到有間冰室裝修得幾新，就入去試吓環境幾乾淨，坐得幾舒服，而且餐牌有好多選擇，有全日早餐、扒餐、玉子燒餐、平日茶餐廳嘅炒粉麵飯都有我自己一個就叫咗份星級雜扒，有西冷扒、雞扒、煙三文魚、英式腸、炸帶子，我揀咗配黑椒汁同埋薯菜，個套餐仲有餐湯同埋飲品，都幾多嘢食黑椒汁都幾惹味，而且雞扒煮得剛剛好，喜歡食肉嘅朋友一定好鍾意好彩揀咗個紅湯，裏面有好多蔬菜🥬可以平衡一下我揀咗杯熱朱古力，好啱天氣咁凍飲職員嘅服務態度幾好，而且上菜速度好快，唔想煮飯就嚟食餐夠方便