Simplylife Bakery Cafe (Closed)

難得同朋友放假，見中午未有太多人，就入去呢間坐吓，環境光猛，近窗感覺好舒服。填完申報表，門口員工帶我哋入去坐，無笑容，入到去佢放低張餐牌就走咗。我同朋友坐住對面係廚房，可能你會覺得望住廚師煮嘢食幾得意，不過只係幻想😭我坐唔夠5分鐘，已經覺得好嘈（主要係碗碟聲），視覺上，基本廚師係背向住你煮嘢，而侍應就喺前面來回送餐，呢個座位設計係失望，完全享受唔到用餐，反而心裏多咗一份煩擾🥲是日餐湯，正正常常蘑菇意粉個汁整得唔錯，你見我食晒就知幾好食😋朋友食嘅烤雞都唔錯，配菜焗得岩岩好個人一般呢個冰茶，不過朋友OK，睇個人口味。整體上裝修環境唔錯，不過近廚房位置就好嘈，難以享受用餐，近入口座位會比較好。食物質素好食，但餐牌好似冇咩點變過，可以增加多啲選擇。侍應服務態度一般，雖然戴住口罩，但客人係仍會感受到服務。建議侍應多番笑容，態度有善啲，客人用完餐，侍應收餐嘅時候，可溫柔啲將餐具放落隻碟到拎走，太大力收野，其實都會影響客人嘅感受，畢竟客人仲未用餐完畢，少少建議希望會改善。

下午茶餐包一杯餐飲均一價$48，有burger/cake/墨西哥夾餅選擇。估計疫情關係，入座時間限60分鐘，落單後3分鐘已上枱，食物微溫。漢堡只夾有雞肉芝士兩種配料，無蔬菜或任何醬料。麵包一如既往烘成焦香，雞肉漢堡扒口感紮實，略乾，香草味重；原片芝士烘至微溶，入口只有單簡嘅鹹香。薯條連皮炸，尚算香脆，辣椒粉相信係後期加上，只食到鹽味，無辣味。季節冰茶為百香果汁加芒果果茶，茶底芒果味濃郁，但又無芒果原汁嘅漿糊口感，入口清香微酸，解渴提神。

其實好幾次想食呢間simply life ,奈何次次都要等位，午餐時間就吾駁了，費是遲左影響其他同事午餐時間拉!見今日仲未full House，即刻衝左入去，見最多人叫漢堡，當然照跟好滿足嘅lunch,一個好味嘅lunch真係可以為一天沈悶嘅工作加點色彩