小城鎮 (Closed)

約了友人在他公司附近晚餐。原來北角都有很多食店的，見到這間店牆上掛滿很多懷舊火車及其他裝飾，就吸引我們入內。一入內，就聽到很多懷舊的英文歌曲，勾起很多中學時上英文課的情景。上英文課時，老師常會播英文歌給我們，邊聽邊學英文的，很懷念......內裡座位不算多，但很寬敞、舒適，再有懷舊歌襯托，令人很 relax 我們點了「精選二人晚餐B」，有前菜、小食、主菜、甜品及飲品，非常豐富！前菜各點一款，是日餐湯及廚師沙律。餐湯味道不錯，蒜蓉多士香軟，友人愛吃廚師沙律，尤其那特別的醬汁，好味、開胃 小食~七味粉炸雞髀菇！初初以為是薯角，七味粉不太辣，雞髀菇入味！招牌豬肋骨配薯角，沒想到有咁多 ribs！醬汁入味、豬肋骨惹味！10oz 安格斯西冷牛扒配薯條(燒汁)，5成熟，肉質嫩滑，不點醬汁也很好味 餐飲檸檬茶，大大杯，很抵呀！茶味不太濃，又不太甜，好飲！很驚喜的甜品，時令鮮果奶凍！非常有心思，奶凍不太甜，好味！過了一個輕鬆的晚上，很滿足的一餐

貼地西餐@北角香港地真係有乜好嘢係無㗎？由過江龍名店，到米芝蓮餐廳，真係應有盡有。但唔知大家有無試過想搵間平平哋、質素唔錯嘅餐廳，反而好難呢？北角呢間小店裝修環繞住火車主題，整得真係幾有 heart。本來想影下其他環境照，不過費時影到其他客人啦，呢張都係襯隔離台走先影嘅，哈哈！二人由 $298 到 $398，前菜、小食、主菜、甜品同飲品都一應俱全！我哋揀咗一湯一沙律，估唔到沙律咁大份，蔬菜都好多款 小食就揀咗小城鎮雞翼，啲雞翼夠哂大隻，炸得香脆！主菜可以揀兩個，招牌豬肋骨（配薯角）相當豐富，豬肋骨有兩大排！醬料入味，豬肋骨又好肉 薯角似係即炸，因為熱辣辣又脆口，而且好有薯仔味，唔係粉雷雷急凍貨。安格斯西冷牛扒配薯條，薯條同薯角一樣好好食。牛扒正宗應該一路食一路切，但朋友切好哂俾我好窩心呀～甜品係時令鮮果奶凍，水準好高，奶凍加咗啲芒果醬，面頭就有好多新鮮水果 奶凍幼滑，好動  L～餐飲如果係檸茶檸水嗰啲，冷熱同價，都係唔駛加錢 朋友杯橙汁就加 $8，佢話好飲～ 推介呢間性價比唔錯嘅小店