Cafe Zense

Open Now

Now Closed

之前聽朋友講過有一間樓上餐廳小店好正趁今日就可以去試下。店鋪有室內同室外，可惜今日落雨，否則現時既天氣坐戶外應該會幾舒服。自家製蟹肉墨魚餅這個墨魚餅好好食。首先佢成件都係好彈牙同好重墨魚味。仲有蟹肉既點綴。個味道真係幾好就算中餐都好少食到咁好味既墨魚餅。香煎慢煮葡萄牙豬肩前排伴燒薯角E個豬肩外表好靚。食落都一樣十分好食，吾會覺得硬。而且肉味好香。如果平日都食肉眼覺得悶，這是一個好選擇。大蒜青蘋果意大利飯伴香料慢煮豬腩肉意大利飯好creamy,以豬腩肉黎配，都幾好食。而佢當中又有少少青蘋果粒，就好似將腩肉個油中和左。這裡既飲品遠勝一般cafe 特別這個smoothie 曲奇豆腐佢雖係smoothie 但係完全吾覺得膩係有好重豆腐味，仲相當開胃。好似食緊豆腐，但又有曲奇味。金莎朱古力咖啡-除左咖啡香濃，仲個金莎朱古力令佢再加左d臻子味。超正。

星期一至五既Lunch set仲要唔使加一，又幾好Lunch Set既沙律鹽燒厚切牛俐$78真係好厚好好味口感同調味都一流香蒜辣椒煙肉蜆肉意大利麵$118🍝 幾辣幾惹味好多蜆肉安格斯牛肉漢堡伴燒烤醬$118依個set重點係薯條🍟即刻炸起既薯條真係無得輸挑走晒啲蕃茄同菜得返芝士同肉塊肉都幾厚幾juicy不過我都係鐘意食配菜既薯條多啲Lunch set既熱檸水曲奇豆腐smoothie$52又幾特別無平時嗰啲曲奇smoothie咁甜帶左少少豆腐既清，有啲似食緊豆腐雪糕咁坐得幾舒服，嘢食賣相同味道都幾唔錯

今日到了Cafe Zense 食晚餐。平時成日都聽朋友推介呢間Cafe有格調，一入到去見到裝修都幾靚咼！我地點左招牌芝士薯條、香蒜辣椒蜆肉煙肉意大利麵、芥末籽忌廉蟹肉雜菌意大利扁麵。▫️▫️▫️▫️▫️▫️▫️▫️▫️▫️▫️▫️▫️▫️▫️飲品就叫咗曲奇豆腐、芝麻豆腐smoothies~🔸芥末籽忌廉蟹肉雜菌意大利扁麵聞落已經好香！一食入口有少少芥末味，但唔會覺得太搶。蟹肉好多，而扁意粉沾到好多汁👍🏻本來以為芥末味會好辣好嗆鼻，但原來咁樣煮又唔會太辣，反而味道好有特色又有層次。🔸香蒜辣椒煙肉蜆肉意大利粉好香嘅蒜味，煙肉都多呀！而辣度就適中，吊味就正好！意粉唔會好淋，所以較有咬口🔸招牌芝士薯條薯條炸得好脆，份量又多，芝士味好香，唔夠點薯條添呀！飲品方面，兩款都係豆腐沙冰。曲奇同芝麻味分別都好香，尤其係芝麻，好似芝麻攪碎左再混入豆腐，然後打成冰，所以好有芝麻咬口。總括而言，呢度裝修有格調，坐得舒服，好適合同朋友食飯傾偈。食物都好有特色，份量多，下次可以試下其他食物！

同朋友喺銅鑼灣行完街，想搵地方靜靜地坐下休息傾下計，似乎真係好難。🙈係人都知銅鑼灣租金貴💰，學星爺話齋：真係最緊要有咁快食咁快。💨💨💨正當行到攰想散band但又意猶未盡之際，朋友介紹我一起到這間位於謝斐道的〈Cafe Zense〉。🌹🌹🌹上到去環境都幾舒服，簡約型格嘅設計沒有多餘的纍贅感。👍🏻👍🏻👍🏻空間感都幾夠好闊落，同三五知己嚟坐下食下都真係幾寫意。☕️☕️☕️但係最靚嘅地方原來在戶外🌿，有個小露臺可以喺出面自由放鬆，見到仲有一支支坐地嘅大暖燈🔥，冬天都不用怕。☃️☃️☃️〈卡邦尼溫泉蛋煙肉意大利麵〉餸料真係非常之多，大量嘅煙肉🥓同蘑菇🍄仲有芝士🧀真係熱辣辣香噴噴。😋😋😋意粉煮得夠彈牙挺身但不過硬，配上黏杰度剛好的卡邦尼汁🧀🥚，可能係我近期食過最好食嘅卡邦尼意粉。👑👑👑〈芥末籽忌廉蟹肉雜菌意大利扁麵〉唔好以為有芥末籽就一定好辣，其實辣嘅程度只係剛好，算是有好微嘅刺激，但就吊起哂成個意粉嘅味！⬆️⬆️⬆️軟硬程度同樣剛好，掛汁力強勁，加上一梳梳的蟹肉🦀，鮮味濃郁，絕對非常滿意。😄😄😄〈蜜糖🍯芥辣雞柳串〉估唔到小型cafe都可以把雞柳🐥串燒得咁靚！！外皮香脆乾爽，內裏肉質嫩滑又多汁💦，燒得好過外面有火爐

聽朋友介紹開話有間銅鑼灣嘅Cafe 環境唔錯，好啱坐低慢慢傾計Hea時間，於是就去咗Cafe Zense。非常好奇點解朋友會知道呢間餐廳嘅呢，事關佢唔係地舖仲要係樓上鋪嚟嘅添，Anyway啦有得食就乜都得㗎啦。一出lift 就見到Cafe Zense嘅門口，入到去望到酒店入邊嘅裝潢，就覺得非常鍾意，牆身嘅設計非常之特別，望落去好似一個個白色立體方形咁，望落去既時尚，又簡潔利落獨特。餐廳設有室外座位，可以食煙，而出面嘅燈係用藤條編織而成嘅，坐上去應該非常舒適，因為落雨嘅關係，最後我哋都係簡坐返係室內。望住Menu揀左陣，兩隻餓鬼就瘋狂喺度點餐。第一道上場嘅係香草蜜燒雞翼（ ＄68 ) ，一上枱一陣陣蜜香傳入我嘅鼻，雞翼經過烤焗外皮香脆，內嫩，而且坳落去會有肉汁流出黎，非常好食！讚啦！第二道上場嘅菜係海膽溫泉蛋意大利麵（ ＄148 ) ， 流動嘅溫泉蛋係意大利粉上面郁下郁下，非常吸引。意大利飯係配上海膽汁同埋醬汁去煮嘅，平時海膽嘅味道非常濃郁，本身會怕海膽搶咗其他食材嘅風采，但個意粉味道調配得宜，食材互相相得益彰。第三到上場嘅菜係泰式冬陰公湯大蝦意大利麵（＄108 ) ， 一入口濃濃嘅冬陰