朝花夕拾 (Closed)

今日肥妹仔冇訂坐，直接下午時間walk in，不用等位直接入座。門口一堆排列整齊乾花束真係好靚，有點似花鋪！一坐低店員立即遞上水同餐牌，介紹是日主打*朝食*(日式all day breakfast)枱面放有一枝裝著白色玫瑰的試管，好文青feel呀。肥妹仔點了*朝食*，選了南瓜伴甘栗/燒抹茶茉莉花飯團(+$8)，可惜厚燒玉子賣光，唯有多選一份小吃替代，最後共選了三份小吃:甜薯、魚旦、小女子魚乾。南瓜同栗子各一件，伴小量金菇，高湯底算清甜，沒有很重味精感。但有點唔夠喉，如果有多件南瓜或栗子就好了魚旦、甜薯、魚乾皆屬正常貨式，沒有中伏。到主角*燒抹茶茉莉花飯團*，飯面煎成飯焦，飯身配有芝麻及配料，算鬆軟，整體幾有咬口。綠茶味比茉莉花味突出，不過加8蚊值唔值就見仁見智。跟住到店員推介的*凍素麵*，一上枱真有嘩一聲，一定要比相機食先冷麵涼浸浸好適合夏天食，不過份量較少，食得之人可能要再另點嘢食了。飲品方面，肥妹仔點了蝶豆花X香茅茶，茶本身係藍色，焗5至10分鐘後加上蜜糖就變紫色。香茅味濃郁，但飲落舒服，推介總結食物有水準，蝶豆花茶同冷素麵必點！下午時段不用等位、環境清靜，店員友善服務，整體不錯。

每遍假日到尖沙咀搵一間坐得比較耐，想靜靜地傾計的餐廳都唔係一件容易的事但當日去到朝花夕拾就做到啦Order 朝食，桂花糖炸雞朝食- 因爲唔算太肚餓所以就2個人share食(沙律，煮物，漬物，玉子，飯團，水果）整體都係不過不失，個份量足夠桂花糖炸雞- 唔知係咪桂花糖的影響食到最後有啲苦澀，但炸得香口個人感覺較為普通，不太推介蘋果花茶-好奇怪只有菊花茶的味道沒有蘋果味道和香味，附上蜜糖調味有加分，份量多，飲咗大概三杯都仲有的確係假日期間有個較為靜的地方慢慢休閑地傾吓計食下野飲下茶，朝花夕拾係一個不差的選擇

朝食朝食aka All Day Breakfast：份量十足！兩舊飯團食到好飽不過壽司飯粒粒分明，味道適中！上面既Jasmine Plum 都幾酸厚燒玉子：好綿關東煮：一般 水果：大大舊 少甜厚燒玉子卷配飯同朝食個玉子一樣，綿身呢個有4舊桂花糖炸雞配飯講返先～呢度兩份份量黎既～味道方面：好驚喜！！炸雞甜甜地，非常開胃，又不會有又咸又甜既感覺！！推介！！！後記：餐牌用手寫字體較難睇環境方面：充滿乾花裝飾🌾門口仲有乾花產品賣添🌾好有文青既感覺

由於係尖沙咀番工 知道k11有間以乾花為主題既餐廳 之前經過都覺得好靚 突然想去試下 打去話今晚full booking 但有留枱俾walk in客 好彩我630行到過去 所以仲有位 有機會試到🤓見到7點之後就keep住滿座地方吾大但好精緻乾淨 有好多乾花裝飾擺設職員態度亦好好 好用心向你介紹我認為可值得一試 但不是說會很想再去的那種另外一提 呢間暫時只收現金兩個人 點了一個朝食 有蛋有飯團有水果有關東煮 一人食份的話都夠飽 另外叫了一份雞加配一碗白飯 所以我們都有點吃不下 實在太多飯 飲品方面 我地叫左個蘋果花茶share可以自己加糖控制甜度 飲品是不錯的！最後點了個水玄餅 好靚好精緻的一個甜品 味道不算太有驚喜但來到這裡 我還是會試一下這個特色食物