101手工涮涮鍋 (金朝陽中心二期 - Midtown)

Open Now

Now Closed

雖然現在一連四季都可以打邊爐，但天氣凍，就特別想打邊爐。坊間打邊爐主要分兩種，一種是單點，質素普遍較高，另一種就是任食，價錢較大眾化但質素通常一般。不過最近就有朋友介紹101手工涮涮鍋不單以任食火鍋來說質素相當高，而且特飲紅白酒啤酒雞尾酒全部都可以任飲，飲兩杯已經值回票價，所以趁今個星期冷鋒到，即刻跟食友組隊打邊爐。＊＊＊＊＊＊＊＊＊＊＊＊＊＊101手工涮涮鍋在尖沙咀和銅鑼灣都有分店，今次我們選了後者。火鍋店佔了大廈整層樓面，店面寬敞，座位以卡座為主，坐得舒服之餘亦不覺擠迫。任飲任食手工涮涮鍋沒有時限，星期日至四$398，星期五六及公眾假期$428，每人有一份火鍋拼盤，另外還可以任食無限追加Menu內的所有火鍋料，醬料費$15/人，雖然以任食火鍋來說算貴，但質素絕對值回票價，而且任飲項目包括特飲紅白啤酒雞尾酒，無論是否酒客，飲兩杯都已經回本。盆栽特濃朱古力珍珠這杯特飲非常大杯，份量相等於1.5杯普通飲料。朱古力味濃郁之餘，杯底還有大量珍珠，每啜一口都會飲到珍珠，而且珍珠口感亦彈牙，面層放上大量Oreo碎，出面飲一杯都不便宜，任飲有這個份量和質素絕對是驚喜之作。青蘋果水果冰茶青蘋果水果凍

天氣涼涼地，冇之前咁熱辣辣，又可以回歸我最愛嘅火鍋，最近麻辣鍋大行其道，但多食都冇乜新鮮感，今日去到位於銅鑼灣嘅金朝陽，一行四人訂左呢間101試試，網站清一色好評，所以都幾有信心。收工過到黎八點多啲，餐廳位於大廈29樓，一出電梯已經好快有店員招待。店內位置非常大，有卡位、梳化位，亦有房間供應，落地大玻璃，居高臨下，景觀一流，人多可以預先訂位。另外設有戶外位置，方便吸煙嘅客人，又或者唔吸煙嘅客人也大可出去吹吹風，飲杯野，隱約望到過對面海，加上微微涼風，幾舒適餐牌供應【無限時任飲任食套餐】，基本係包括前菜(無限追加)、鍋底(2-6人選一款鍋)、肉類(每兩位一碟)，另有手工火鍋拼盤(人頭份)或台灣夜市拼盤、一份手工炸響鈴卷及炸魚皮、飲品、甜品(人頭份)，另外有精選火鍋配料超過30款可無限追加，有肉類、魚腩、丸餃類、蔬菜、麵食等。如果鐘意食海鮮嘅可以每位另加$58有五款海鮮拼盤。醬料 $15/位 (基本嘅都有齊，個人特別喜歡XO醬，夠哂香辣)前菜 (麻辣醬手撕雞、麻辣木耳)前菜無限追加，兩款都好食，木耳夠哂爽脆，帶微微麻辣，夠哂入味手撕雞更容易入口，唔會好麻辣。台式香辣三杯卜卜蜆涮涮鍋鍋底有1

尖沙咀嘅「101手工涮涮鍋」豬先生豬小姐都非常喜歡 而家銅鑼灣開左分店 當然要去試下啦分店位於食肆大廈Midtown 29/F！環境比人感覺高級典雅 非常寬敞 空間感大簡潔嘅雲石枱同環境十分相襯行出露台位置 仲有五光十色嘅夜景望下 好有氣氛 羅曼蒂克～手工涮涮鍋套餐由前菜 火鍋 配料 飲品 甜品一條龍包哂無限追加嘅前菜分別係麻醬手撕雞同秘製麻辣木耳 手撕雞香口帶微辣 木耳爽口又有益！火鍋底我地揀左台灣香辣三杯卜卜蜆涮涮鍋卜卜蜆尼排好hit喎！台式卜卜蜆鍋又會係咩味道呢？啲蜆份量好多 都有十幾廿隻 食落鮮甜又無沙火鍋底有不同種類嘅蔬菜同配料 紫洋蔥 蕃茄 娃娃菜 生菜 秀珍菇 墨丸同豆卜等等味道比我想像中清淡 「三杯」醬料應更濃郁！？好彩鍋內有各款蔬菜去增強鍋底清甜度堆出四朵靚靚玫瑰嘅黑毛豬頸肉 色澤嫩白紋理有緻口感爽口彈牙 鮮肉味濃 唔會有雪氣 有質素！特選手工火鍋拼盤最令人期待 全都創新又有誠意！墨魚汁鳥結糖烏卒卒 質感軟綿 加入左墨魚軟骨好有口感！尼粒黑白配好得我歡心三重芝士蝦丸的確夠哂「芝」！彈牙蝦丸一咬流心濃郁芝士慢慢流出 愛芝士之人必愛！兩款餃子都充滿黑松露獨特香氣 十分香濃