Read full review
2022-03-10
1848 views
今日約左朋友黎到佢推介嘅一間台式餐廳“吃什麼”食飯,因為大家都遲到嘅關係,黎到門口已經係下午茶時間,但入面依然坐得幾滿,等左大約5分鐘先入座,睇黎呢間食店真係幾受歡迎。店內嘅環境比較擠逼,我地三個人分到一張小方枱,好在櫈底配有小筲箕畀我地擺背囊。同一般台式食店一樣,用點心紙點野食,所有食物飲品都係單點,冇套餐。野食黎到一半,影張大合照先。1. 滷味拼盤拼盤有滷水蛋、海帶同豆腐,個人對呢種涼伴麻麻,味道普通,同埋唔抵食。2. 黑椒蒜味毛豆我本身對毛豆普普通通,但呢道畀到一d驚喜我,通常食毛豆都係食粒豆,而呢道嘅黑椒同蒜味好入味,令我會啜多幾啖豆皮。3. 小雞肉飯(小碗)食左幾啖先記得補相,雞肉嫩、唔鞋口,配埋酸菜一齊食,唔會覺得淡茂茂,份量適中,唔會太少,適合胃小嘅人食。4. 外省牛肉麵(牛肋)同朋友些牙嘅主食之一,好好食嘅牛肉麵,配蕃茄湯,麵條好彈牙、好有咬口;牛肋大大舊,炆得又夠淋,索有湯汁,配搭起黎好好味;除左食麵同牛肋,我地仲飲埋d茄湯,真正嘅全碗清。5. 外省牛肉麵(半筯半肉)第二個牛肉麵,配原味牛腩湯,用料都係咁大舊,牛腩都係炆得好淋,索晒d湯汁,好入味;牛筯有咬口得黎唔會太
店內嘅環境比較擠逼,我地三個人分到一張小方枱,好在櫈底配有小筲箕畀我地擺背囊。
同一般台式食店一樣,用點心紙點野食,所有食物飲品都係單點,冇套餐。
野食黎到一半,影張大合照先。
1. 滷味拼盤
滷味拼盤
$48
57 views
0 likes
0 comments
拼盤有滷水蛋、海帶同豆腐,個人對呢種涼伴麻麻,味道普通,同埋唔抵食。
2. 黑椒蒜味毛豆
黑椒蒜味毛豆
$52
36 views
0 likes
0 comments
我本身對毛豆普普通通,但呢道畀到一d驚喜我,通常食毛豆都係食粒豆,而呢道嘅黑椒同蒜味好入味,令我會啜多幾啖豆皮。
3. 小雞肉飯(小碗)
小雞肉飯(小碗)
$32
61 views
0 likes
0 comments
食左幾啖先記得補相,雞肉嫩、唔鞋口,配埋酸菜一齊食,唔會覺得淡茂茂,份量適中,唔會太少,適合胃小嘅人食。
4. 外省牛肉麵(牛肋)
外省牛肉麵(牛肋)
$85
46 views
0 likes
0 comments
同朋友些牙嘅主食之一,好好食嘅牛肉麵,配蕃茄湯,麵條好彈牙、好有咬口;牛肋大大舊,炆得又夠淋,索有湯汁,配搭起黎好好味;除左食麵同牛肋,我地仲飲埋d茄湯,真正嘅全碗清。
5. 外省牛肉麵(半筯半肉)
外省牛肉麵(半筯半肉)
$89
38 views
0 likes
0 comments
第二個牛肉麵,配原味牛腩湯,用料都係咁大舊,牛腩都係炆得好淋,索晒d湯汁,好入味;牛筯有咬口得黎唔會太靭。
6. 櫻花蝦高麗菜
櫻花蝦高麗菜
$70
27 views
0 likes
0 comments
櫻花蝦乾放落高麗菜一齊炒,高麗菜炒得好爽,冇乜特別。
7. 木魚花蛋餅
木魚花蛋餅
$45
26 views
0 likes
0 comments
超好食嘅蛋餅,蛋餅上審上燒汁、沙律醬同木魚花,加上蛋餅餡料有青瓜、蟹柳等,口感同味道好豐富。
8. 九層塔菜脯蛋
九層塔菜脯蛋
$62
38 views
0 likes
0 comments
最後一道九層塔菜脯蛋,九層塔嘅味道好突出,加上菜脯蛋煎得有鑊氣,唔會令人覺得淡茂茂,十分推介。
埋單每人180蚊免加一,除左環境有d逼之外,整體上都冇乜野彈,雖然唔係話道道菜都好出色,但味道質素冇令人失望,有d菜係幾抵食,有d就貴左少少,我覺得都幾啱香港人口味,所以都推介大家黎食。
Post