回到味來 (Closed)

兩年前，「回到味來」剛開業嘅時候黎食過火鍋， 當時仲係單點，主打雞煲、海鮮、火鍋， 原來而家已經變左火鍋放題， 仲最平以$98就可以食到火鍋放題， 真係超值！😯 優惠時段19:00前離座或21:30後入座， 便可以享用最平$98嘅火鍋放題， 仲有兩個升級套餐， 咁當然係越貴包嘅野越多越豐富啦！😏 食足兩個鐘，想食宵夜嘅foodie又多一個選擇。 其他時段19:00-21:30就每位$188起， 我地揀左最豐富嘅火鍋放題套餐，$248/位： 惡魔雞煲、黃燜雞煲或卜卜蜆煲 火鍋湯底 本地手切牛頸脊 30多款任食串燒 多款任食海鮮串燒 多款任飲飲品 任飲台式飲品 黃燜雞煲 所謂黃燜，其實就係將雞件煎黃，炒完再燜，所以雞件夠香，迫晒d油出黎，唔會太油膩， 肉質不硬不柴，鮮香惹味， 而且雞件份量多，應該有原整一隻雞！😯 食完雞煲可以轉打邊爐， 有南瓜湯底、清湯、蕃茄湯底等， 我地揀左南瓜湯底， 不過略嫌南瓜味太淡，好稀， 只有數片南瓜係到，又好難越滾越入味。😟 本地手切牛頸脊 牛頸脊份量都算合理， 油花不多，但勝在肉香有嚼勁。

回到味來-惡魔在雞煲我身邊總係有一個魔鬼朋友，每次係我嗌減肥既時候帶我去食好野。由於我無辣不歡，朋友突登帶我到「回到味來」試佢地既惡魔雞煲。等上雞煲期間，服務員已經急不及待地遞上前菜-金蒜咸蛋蒸扇貝。扇貝非常大粒，粉絲吸晒d精華，非常入味。惡魔雞煲顧名思義係指辣度，唔食得辣既朋友可以叫微辣，除咗雞煲外，仲有卜卜硯供大家選擇，雞煲份量超足，兩個人俾咗一隻雞既份量。食到咁上下，服務員會主動上前幫我地轉打邊爐，湯底方面都幾多選擇，唔係一般加清湯，而係成個煲換。最後我揀咗南瓜海硯湯，南瓜湯非常鮮甜，海硯冇帶沙之餘亦大隻。另外，附送本地手切牛頸脊，淨係睇油脂分佈同色澤就知食得過，牛頸脊牛肉味濃，同時亦不失油香。同場有成60幾款火鍋配料，自助形式，總有一款會岩你。私心推介出面打邊爐好少有得食既鵪鶉蛋。

某人嗜辣，無辣不歡，最鍾意周圍搵食，最近又發現咗旺角有個惡魔雞煲，食到終極大魔頭嘅辣度可以全單7折，可惜某人搵錯拍檔，我...只能吃小辣...哈哈原來店方而家做緊分時段特價，晚餐時段海鮮火鍋半放題套餐$248/位，唔駛挑戰辣度都有得平剛好遇上一個時段埋單潮，等一陣就可以入坐。招牌惡魔雞煲係任食嘅，先來一隻份量 (某人食得曬)，呢度嘅雞煲簡單得多，因為上菜後煮多分零鐘就食得，唔駛數住隔幾多分鐘翻炒幾多次。滾一陣，店員就過來幫忙翻炒，打開蓋，香氣即時四溢，令人食指大動。香氣來自豐富配料，有蔥頭、蒜頭、紫洋蔥、芫茜、辣椒、八角、豆蒄、薑、香葉......雞件嫩滑而肉味香濃加上醬汁惹味又唔會過咸，某人大讚這個雞煲好吃呢個時候梗係要啤啤佢啦，啤酒要另外俾錢其他罐裝飲品或自家製飲品就任飲。原來每人仲有一隻金蒜咸蛋蒸扇貝，扇貝鮮甜彈牙，好味食完雞煲就係火鍋時間喇，店員送來調料架任你揀選。黃金南瓜海蜆湯內有一絲絲的南瓜蓉，海蜆有三隻，鮮甜無沙海鮮拼盤有鮑魚、海蝦、蟶子、馬刀貝、黃蜆和海蜆。海鮮夠新鮮，味道鮮甜行開一陣手切牛頸脊被某人食曬佢話好味到停唔到口喎呢個唔係任食架......豬肉片同羊肉片都幾有

終於約到朋友仔一齊dinner la相約到回到味來嘆返個宵夜雞煲火鍋只要9點半後去 包埋海鮮拼盤都係$188/1人我地雞煲揀左唔辣嘅黃燜雞煲香氣撲鼻 油而不膩 味道獨特👍🏻雞肉色澤亮麗 肉質鮮美嫩滑😋而食雞煲前 會送上金蒜鹹蛋蒸扇貝粉絲帶點鹹味 扇貝都夠鮮甜之後火鍋黎到 叫左個比較清淡嘅湯底就係黃金南瓜海硯湯 滿滿的南瓜味本地手切牛頸脊 當然唔少得而生猛海鮮拼盤 有蚌有蜆有蟶子額外仲有60款配料任叫添啊所以話宵夜時段真係性價比好高㗎🙌🏼________________________裝修環境：✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂