財記海鮮火鍋活魚刺身

Open Now

Now Closed

三人同行去打邊爐，現場都坐爆晒客人，唯獨仲有張大枱冇人坐，於是安排左比我地，真係好好彩。菜膽豬肺湯底($68)，有一件件豬肺，好爽口。較定調味料，就可以準備開餐。本地手切肥牛($228)，脂肪好似雪花咁靚，霜降形狀，食落好腍，有咬口。美國桶蠔($128)，共有5隻蠔，隻隻都超大，就算煮左都仍然有湯舀咁大，而且好新鮮肥美。豬紅($30)，爽口冇渣，新鮮冇隔夜味。稻庭烏冬($38)。竹庶茅根($35)，清甜解渴。

之前聽過朋友介紹呢間係大角咀既財記海鮮火鍋活魚刺身店, 早2日就同老公去試下, 可能都成10點, 無咩人, 所以都唔使等位就可以入座.我地叫左個豬骨湯底, 送一碟雪花肥牛.另外叫左個象拔蚌刺身同手切肥牛(大), 同埋皇帝菜.我平時同老公都經常去打邊爐, 呢一間的確用料新鮮, 食落都特別好味.因為2個人打邊爐, 的確食唔到好多款式, 又肥牛又刺身, 賣單都成8百.不過, 呢間好岩三五知己朋友食飯!