西樹泡芙 (尖沙咀站)

Open Now

Now Closed

西樹泡芙有多間不同分店，其實每一次路過都會想買返一個泡芙食，因為泡芙口味又多，而且每一款都好好味，大人小朋友都會喜歡。今日行經尖沙咀地鐵站內的商店，又被這間的泡芙吸引了。忍唔住又買了三款泡芙。店員會好細心把泡芙放到外賣盒內，而且還會附送冰包，所以可以保冷不用擔心。今次選了芒果乳酪味，呢款是我的至愛，大大粒又香又甜的芒果粒粒，配上了芒果味的乳酪，濃濃的芒果香氣，芒果迷必食呢。泡芙外皮做得又脆身，口感好好。另一款是朱古力三重奏，濃郁的朱古力，試問又點可抵擋，泡芙都是朱古力口味，中間有滿滿的朱古力cream,又香又濃，仲有一些朱古力粒，多重口感，滋味絕頂。抹茶紅豆布丁泡芙，抹茶跟紅豆一向都超夾，綿綿的紅豆粒配上了抹茶布丁，布丁超濃抹茶味，質感好正，一啖紅豆一啖抹茶，再配埋外皮脆脆的泡芙。這款口味我都相當之喜歡，好有特色，好好味。下次路過又可以再買其他口味試下。

puff外皮鬆脆做得唔錯，如果再脆啲就一流。入面有兩種cream，一種係白色既牛奶味忌廉，一種係朱古力味忌廉白色cream食落較流質，雖然質地滑、奶味重，但因為加左牛油，令我覺得好似食緊油咁，我唔太中意。食完口腔入面仲會有牛油味停留。而朱古力味忌廉質感厚實稠身，味道濃郁，同食朱古力無異，加埋脆脆既puff外皮，好滿足平時食西樹我都淨係會食朱古力三重奏，因為唔中意白色cream，而其他好多口味既都係用白色cream做餡，朱古力三重奏自然就成為左我favourite