大飯糖甜品小食屋 (Moved) New Location

吃甜品的地方很多, 吃榴櫣甜品的地方也不少,但許多人都願意山長水又遠去食, 因為真係好正這裏的榴櫣甜品不少, 都很好吃, 不過我最鍾情超級榴櫣奶榴櫣味牛奶, 榴櫣味濃但不失牛奶味, 好正加一球榴櫣雪糕, 真係正都不得了, 比榴櫣pancake味道細緻得多不吃榴櫣的, 也有很多選擇, 像朱古力天堂, 上面是軟雪糕, 下面是朱古力奶凍, 中間有小丸子及朱古力脆片咖喱魷魚魚蛋都好正, 仲有腸粉, 就自再遠都會去覺得比發記、松記更好, 而且服務不錯, 工作人員雖然忙, 但會樂意回答問題, 十分好。

大飯糖真係不得不贊，令到我差唔多每個禮拜都會黎食糖水，因為有中式同中西式甜品，又可以加好多配料，上菜快，份量適中，價錢合理今次就同大家介紹下我比較中意食嘅幾款糖水。灰姑娘，有芝麻糊、西米露、小丸子、芝麻雪糕，特別要提小丸子，因為煙煙韌韌好有好感，芝麻糊同西米露撈埋真係好似灰姑娘咁XD紫霞仙子，有紫米露、西米露、小丸子、香芋雪糕，真係好香~芒果河粉，依度嘅芒果又多又大舊又甜，河粉又厚又長又重椰子味，兩個夾埋就係絕配。朱古力天堂，上面係朱古力軟雪糕，下面有紅豆粒、小丸子、朱古力脆卜卜，最底係超濃嘅朱古力奶凍，溶咗嘅雪糕同下面一齊食就係好正~聽聞會係沙田開分店，大家一定要試下。

都好耐無堂食甜品喇，今晚心情唔係太好，真係好需要甜嘢填補呀！晚餐之後嚟到，時間仲好早，所以無咩人，特然覺得鋪頭好闊，坐得好舒服！甜品嚟喇，食喇，可能太耐無嚟喇，水準依然。。。。食完之後心情好返哂！