I's Land Cafe (Closed)

雖然已不是初次來光顧，但這裡別樹一格的裝修仍然令我感覺清新舒適， 自然悠閒， 完全不覺自己置身於工厦之中！朋友未到齊，唯有嘆住酒等，這裡可自帶餐酒 免開瓶費，最啱我哋班酒鬼呢！小食拼盤$168最佳的佐酒小吃，有 水牛城雞翼， 炸洋蔥圈, BBQ豬仔骨， 煙肉蘆筍卷及 芝士肉醬大啡菇， 份量十足， 認真抵食！由於已點了小食併盤，所以3個女孩子只點了一個Secret Garden的2人套餐 $378，份量剛好。2人套餐內容豐富，除基本的餐湯和蒜蓉麭及小食外，還有兩個Main Course 及甜品。充滿磨菇茸的忌廉湯，質感輕盈幼滑，配上香脆蒜蓉飽，口感豐富。三選一小食: 翠玉瓜伴香草炒雜菌~ 精緻小巧，雜菌菇味濃郁。二選一的海鮮南瓜意大利飯~ 海鮮清鮮甜美， 南瓜意大利飯軟滑多汁， 飯香四溢！二選一的主菜: 德國咸豬手配三色汁~ 賣相相當吸引， 咸豬手香脆得來又好留到肉汁， 每啖都充滿滋味！升級甜品: 朱古力心太軟 & 綠茶心太軟 ~ 心太軟香軟鬆綿， 雪糕入口滑溜不太甜， 兩者互相輝映，感覺好fresh！超滿足的一晚，一定會再來！

又去工廈開餐啦, 想係呢幢嘢搵食難度唔高, 呢間CAFE門口以花草作裝飾, 有如進入花園一樣去工廈開餐, 空間感足夠是常識吧, 以掛上植物為裝飾, 加上精緻吊燈, 無論三五知己或一大班人都適合!餐牌上提供小食, 沙律, 主食, 特色甜品及飲品, 價錢望落幾親民, 亮點仲要係免收加一!晚市有套餐供應, 二位用/$378, 由餐湯, 小食, 兩客主菜, 甜品及飲品都包, 相當抵食!是日餐湯為忌廉磨菇湯, 湯比較杰身, 食到磨菇粒粒, 幾重菇味, 配埋多士一齊食作為呢餐嘅開始, 感覺唔錯!愛食香口嘢, 所以小食點左呢客美國粗薯條, 熱辣辣上枱, 無灑上任何調味料, 另有茄汁及黑松露沙律醬! 原味食食到薯味; 點黑松露沙律醬亦都好味喎, 用手食都唔會食到手指沾油, 感覺無咁罪惡!! 主菜之一為海鮮南瓜意大利飯, 以青口, 蝦, 大蜆及魷魚舖滿成個意大利飯, 賣相吸引!加入南瓜煮成醬汁, 包圍每一粒意大利飯, 食到微微南瓜甜味; 海鮮類有驚喜, 青口及蜆夠大隻, 一粒沙都食唔到, 只食到鮮甜味; 而蝦就肉爽口, 有蝦味, 質數有水準!另一客蜜糖燒春鷄, 擺盤吸睛, 有炒雜菇及以紫薯墊底, 春鷄燒

今天又來到觀塘吃晚飯，在無心水的情況下，記起友人介紹的I’s Land Cafe，就來試一試。裝潢清新，空間寬敞二人套餐，最適合懶人，不用左想右想。是日餐湯配蒜蓉包餐湯是忌廉湯，香濃稠密，有煙肉粒提味，蒜蓉包香脆可口。水牛城雞翼雞翼新鮮即時炸起，上桌時仍冒煙，如果醬汁可以更重口味就更好。蜜糖香草燒春雞原隻燒春雞，外皮烤得香脆惹味，肉質入口嫩滑多汁，配上燒汁及蜜糖，令人一口接一口。南瓜汁海鮮意大利飯海鮮份量驚人，有青口、鮮蝦、大蜆及魷魚，南瓜汁香甜順口，配上意大利飯咬口十足。蘆薈果園賣相一流，有小蠟燭加熱，入口甜酸適度，順口怡人。朱古力心太軟最後加配朱古力心太軟作為甜品，心太軟流心程度高，朱古力香濃美味，水準之上。

約左七點黎食晚飯六點九左右 只見到有一檯人之後叫左兩個dinner set , 兩款小食同兩個甜品鮮桂花蚌大蝦義大利麵麵身唔會太軟，都多蝦。味道正常赤蝦扇貝三文魚蟹肉義大利飯個飯一拎到黎就聞到好香每粒飯都有芝士好正蝦同扇貝大大隻好新鮮😋水牛城雞翼友人話平時出面食會辣辣地依度一d都唔辣，反而甜甜地白汁芝士蟹肉西蘭花普通，芝士夠溶花茶黃色果隻：好香 不過飲落又好飲無味味紅色果隻：酸酸地 幾好味棉花糖好甜，多人一齊食都可以心太軟黎到都「塔」左，未食就流出黎整體野食味道係唔錯不過份量偏小(我地見到人地既飯比我地多起碼三份一🙄)但環境同氣氛都唔錯

一去到就已經俾佢個門口吸引住， 充滿著田園風的裝飾，確實令人有點期待內在的環境。 入到去,其實跟門口有點差別,以為入面都會好似門口一樣有花花草草田園風 的感覺， 事實跟期望總有段距離。 入面唔算差， 好大好多位可以容納好多人來吃飯。 劇個格局同普通餐廳冇乜分別， 係個天花板有啲薯藤嘅裝飾咁囉。 最深深處有兩間房， 其實包場開party 呢到都係幾好既選擇， 至少有兩間房跟其他人分隔開，有私人空間。這裡菜單食物選擇不多，但飲品種類選擇“爆棚”。 小食加主餐真係兩版紙睇完。最後柯打左兩分晚餐及兩個甜品。 晚餐跟餐湯、蒜蓉多士及飲品一杯。晚餐-烤大西洋扇貝煙三文魚蟹肉燴意大利飯 $168嗰兩件大扇貝好吸睛, 亭亭玉立咁豎立在燴飯之上， 真係大大粒， 味道係鮮甜既，冇乜雪藏味。 煙三文魚烤過之後變得外面有點脆， 但又不會太乾身，仍帶點juicy的肉質， 蟹肉已變成肉絲的與燴飯融合在一起， 雖然燴飯以忌廉汁為主， 奶滑帶微甜， 但與蟹肉的鮮甜確很合拍。窄身厚切美國頂級肉眼伴燒鵝肝 $228點了五成熟的肉眼扒， 雖然中間部分帶點紅，但沒有血汁流出來， 恰到好處。 當然外面最熟的部分比較乾身，但中間

難得復活節連續幾日假期，梗係要去周圍行下搵下好野食啦!今次黎到出名多outlet既駱駝漆大廈，行到肚餓就見到呢間餐廳門面望落好細，但一行入去原來別有洞天。餐廳裡面一D都唔細，而且到處都掛住綠色的植物裝飾，配合埋佢採用的木製桌椅，令人一入黎就可以放鬆晒待應安排我同朋友仔到一張窗邊的位子是日餐牌我同朋友仔分別點了E餐及F餐，這裡的set lunch包埋香草包、餐湯及飲品，真係好豐富!這裡的餐包不是配普通的牛油，而是一種自己配製的醬料，吃起來有番茄、酸瓜，酸酸甜甜很開胃牛扒切落唔係太"硬"，而食落都很有肉味煎得剛剛好~~而餐廰選擇的薯條好有口感。再試試這個意大利飯，唔好睇佢好似細細碟，其實用料好足，海鮮同飯既比例差唔多一比一!!醬汁香濃稠稠，真係食唔停口，難怪係呢度既推介之選想特別提提這裡的飲品有日鮮果汁選擇，是日精選是蘋果汁!!這杯鮮製果汁十分解渴，幫行左半日既我地補番好多能量(果汁內仲有果肉tim!)就咁食set lunch 邊度夠架! 梗係要叫埋甜品啦!我同朋友仔就一人叫左一個，分別係心太軟同埋抹茶芝士蛋糕先講講心太軟，在熱辣辣的朱古力皮上"吉一吉"，濃郁的朱古力就慢慢流出黎朱古力味好

又來到每月一次的中同小聚，工廈特色cafe愈開愈多，近來聚會多數都以此為選擇，今次我地揀左位於觀塘既i's land,一出地鐵站過條馬路就到，十分方便。店內空間非常寬敞，樓底高，主要以木和綠葉作裝潢，充滿大自然氣息，坐落都覺得好舒服！加拿大及美國生蠔(4件) $88見價錢都好平所以叫來試下，估唔到質素唔差，大隻肥美，亦很鮮甜，好吃！後來再多點了一份呢！法式煎鵝肝 $48鵝肝很厚身，兩邊煎得金黃香口，底面微脆內綿，甘香軟滑~香煎日本a5和牛扒 $238工廈cafe有這質素確實驚喜，選了5成熟，火侯控制很好，底面煎得香口，肉汁緊緊鎖住，肉質軟嫩，邊嚼邊溶油脂豐富凍鮮果茶 $52無糖紅茶加入了少量鮮果，配以百香果糖漿，可自行調配甜度，酸酸甜甜，味道清新，好好飲朱古力心太軟 $48流心好澎湃，蛋糕外脆內鬆軟，整體朱古力味濃厚但頗甜的，四個女仔share先攪得掂~

觀塘區嘅工廈最近成為我嘅尋寶熱點不同類型嘅cafe都藏身於此今日姐妹們終於齊人來到呢間秘密花園👭👭招牌以森林草綠色為主 未入去已經令人感到放鬆內裡裝修除了掛滿草藤外 傢具都以木製為主感覺是推行環保 愛護大自然 十分簡約👍🏼 餐牌同樣以木制 少少雕刻 簡單又美麗 小食款式都算多 令人驚喜嘅係有生蠔同鵝肝😍其中一位姐妹極為喜歡食生蠔 當然要一試4隻一份 睇落都算肥美 加少少檸檬入口有海水味 鮮味十足 應該係即叫即開絕對有驚喜 樓上cafe竟然有如此高質素嘅生蠔👍🏼 小妹至愛嘅鵝肝又點可以唔叫呢雖然一碟得一件 但鵝肝絕對厚身外層被煎到微微嘅香脆 中間切開十分軟林入口鵝肝味道立馬衝擊味蕾 令人齒脥留香👍🏼👍🏼 白酒忌廉汁煮青口 一上枱青紅椒嘅味道已撲面而來青口都幾大隻 可惜略嫌煮得過火⋯主菜叫左A5和牛 焦焦嘅外層鎖住肉汁 肉質軟林 牛味極為香濃 完全停唔到口😂 鮮果茶 非常好飲 店員會另上一小杯熱情果醬將其倒入花茶中混合 香甜味馬上同茶互相配合👍🏼甜品叫左心太軟 蛋糕非常軟林 而且極濃朱古力味加上中間杰杰的朱古力醬 配合得天衣無縫👍🏼👍🏼👍🏼不過若然蛋糕可以再熱少少會