半島酒店大堂茶座

Open Now

Now Closed

今年生日男朋友預備左生日驚喜俾我，偷偷地帶咗我去尖沙咀嘅半島酒店食晚餐。🌸一入到大堂已經比富麗堂皇嘅裝修吸引🌺現場仲有live band，浪漫高雅氛圍感十足。侍應貼心有禮，上菜及時又幫手影相。食物上到嚟影出嚟都十分高級，配合大堂整體燈光偏暗富情調。🍸🥂原來生日有set dinner menu😍整體而言食物質素，就連水都係貼心嘅熱水。前菜我叫咗凍黑毛豬批，10分香糯易入口，男友叫嘅係南瓜湯。我主菜叫咗烤焗鱈魚，魚肉滑嫩新鮮，10分推薦。甜品我地叫咗朱古力撻，係香濃嘅黑朱古力，鍾意食朱古力㗎你千祈唔好錯過。紅絲絨蛋糕味道都幾特好味😋另外酒店仲送咗個生日蛋糕俾我哋影相之後拎走🍰🍰非常窩心。最後飲品叫咗熱奶茶，係經典嘅英式奶茶，慢慢斟住飲，別有情調💕最後埋單兩個人晚市都係$1000左右，整體體驗很好，推薦給想為另一半慶祝生日嘅你。💗💗💗(ps：酒店方面完全冇檢查過身分證嘅出身日期，官網寫住要生日正日惠顧先會有生日蛋糕送贈）

自從疫情之後，由於個疫情反反覆覆，都好難有機會約班朋友出嚟食飯，特別係夜晚。咁呢一排個疫情叫好啲，咁就少少哋約咗兩個friend出嚟見吓面，講真對上一次見都已經係2019年嘅事！由於大家太耐冇見，咁就想坐得耐啲又坐得舒服啲，所以就決定去咗半島酒店個大堂茶座度食啦！其實半島酒店個大堂茶座都好鬼難book位，我哋為咗要食呢度，都順延左個日子，咁最終大家都出到嚟嘅！當日我6:30去到餐廳，咁其實都仲見到有啲人仲食緊afternoon tea嘅，都冇所謂啦反正啲朋友都未到，侍應都好好，佢俾咗杯暖水我，我就坐咗喺度等我的朋友，大概7:15左右啦，大家就到齊啦！嗰時個live Band都已經開始咗（live band係由7:00-9:00），隊live Band其實係喺閣樓嘅位置，而家都好少有餐廳有live Band 㗎啦，雖然佢就比較嘈啲，都可能會阻到人傾計。咁頭盤方面我就order左個鮮蝦沙律，咁其實個portion都好細，但勝在啲菜好新鮮，啲蝦都好彈牙，佢個牛油果醬超好食！由於個前菜個portion實在太細，咁就唯有食多少少包喇，佢啲麵包都好好食，特別係個牛油，超香！到主菜啦，我就叫咗個鱈魚

上網看到半島生日優惠四人同行一日免費.所以决定四個朋友去半島慶祝生日！入去環境非常好！幽暗既燈光侍應带到我們到座位.送上了餐牌 我們開始點餐：三文魚沙律.非常新鮮，沙律上面有一小片片芝士，三文魚入口柔軟.蘑菇湯，好香忌廉粒粒既蘑菇很有口感..非常好飲. 香煎魚柳加薯蓉， 魚比較硬身，口感唔係好滑，本人覺得一般。 草莓雪葩，入口酸酸d，好好味！ 椰子蛋糕，好香椰子味道，似普通蛋糕，無咩特别 朱古力撻..好濃郁味，加上紅莓雪葩..好味！