普洱

Open Now

Now Closed

好耐之前已經聽過同事介紹荃灣有間餐廳嘅朱古力普洱好出名😋被呢個既邪惡又特別嘅配搭吸引咗😛仲試埋佢嘅砂窩米線，原來幾有驚喜，食到最尾都keep到熱辣辣，冬天食真係啱哂😙😙🐣喔喔三味雞砂鍋米線（$55）三味雞係指手撕雞、烏絲雞同麻辣雞🐥而湯底係豬骨湯底，香濃又唔會太鹹，加埋有麻辣雞所以有微微嘅辣，都幾惹味😂 另外雞絲都唔少，第一次食烏雞絲，都幾特別幾好味😋🐷哼哼豬什錦砂鍋米線（$55)豬什錦就有燒豬軟骨，五香腩肉同紅燒肥腸🐷同樣都係豬骨湯底😁五香腩肉半肥瘦，煮得又淋又入味🤤豬軟骨夠鬆軟，連軟骨都好軟好膠質🥰紅燒豬大腸勁好食😆好邪惡，我好鐘意😝😝🍫朱古力普洱（+$3）幾特別嘅組合，但可能係我期望太高😂普洱茶味冇想像中咁濃🤔反而以朱古力味為主，好香濃，加咗普洱有少少似黑朱古力帶甘苦味🍫整體唔會太甜都值得一試😁😁

咖哩煎豬扒飯味道唔錯，好快上菜，甜甜既咖哩，豬扒亦煮得岩岩好，薯仔都有煎/焗過，令口感更好，更香。熱普洱朱古力估唔到茶味同朱古力又幾夾，一邊飲一邊有淡淡既茶香味。

呢間餐廳價錢親民又飽肚 不過質素就一般般 唔好咁大期望🥢雲南酸辣+曲靖辣子雞 米線 雲南酸辣係必叫 如果唔係成碗湯變左清湯就唔好食 成碗米線個賣相求求其其不過都唔係難食 但對比起雲川燒或者老闆娘呢d一定無得比～🥢手撕雞涼拌紅薯粉 男友大讚手撕雞有口感 份量亦都好多加唔係薄切 食完好有飽足感 加紅薯粉煙韌有彈性 仲話呢個餐食足五年仲未厭😂😂🥢朱古力普洱呢間鋪既招牌飲品😂朱古力濃但唔係好甜又帶茶味 唔錯🥢芝麻紅豆冰個人唔中意食芝麻 飲到第一啖已經覺得好難飲 兩者好唔夾 但男友覺得正正常常成杯飲晒😂🥢脆皮豆腐 皮好薄 裡面豆腐係普通白烚個種送上黎個陣熱辣辣 感覺唔錯 不過好多油 🥢滇式煎包 下面層皮好薄 肉都算新鮮 唔錯唯一係上層皮好厚破壞晒成個質感整體我覺得一般般 糧尾可以試下😂

一心黎到飲「普洱」，自問唔鐘意飲中茶，但為咗呢杯「普洱」不惜行到身水身汗。呢杯就係朱古力普洱！好值！唔會似坊間茶記嘅朱古力死甜，一開始飲到朱古力嘅味，之後就有淡淡茶味。普洱飲品以外，對於有咩食物好食一無所知，所以靠openrice推介。有人推薦芝士焗豆腐魚柳飯，我本身都鍾意食焗飯，重點係有芝士嘅焗飯，所以就叫呢個。賣相好靚，好多芝士係面，連隔離枱都話咁靚，講緊係咩焗飯。芝士仲可以拉絲。第一次見豆腐焗飯呢個組合，軟豆腐焗飯都特別。如果件豆腐係預先煎過會仲好。魚柳係煎炸過，唯一敗點係魚柳偏鹹。本身自己一般白汁，所以overall不過不失。焗飯水準唔錯，有機會會試其他汁嘅焗飯。環境方面，適逢2人限聚令，4人卡位中間有個隔板，但都係4個人坐！？係social distance 上隔開啲感覺安全啲。呢點較不理想。

今日一個人午餐，就揀咗好耐無幫襯過啲普洱黎食，因為通常平日下午1點後，人多少少（即4人以上)基本有排等先有得入座，而一個人都要等5分鐘左右先有得入座一般黎到食晏咁多次，都好少見到人叫小吃。每次黎到都會叫焗飯，即叫即焗熱辣辣午餐包埋飲品，凍飲同樣不用加錢1. 芝士焗豆腐魚柳意粉($47)。普洱值得一讚係可自由配飯或扁意粉，另外醬汁亦可自由改配 。芝士味夠香濃，而魚柳份量多，外皮炸過香脆，而魚柳味正常，好怕食到一D魚柳會有種怪味。是日最出色當然係朱古力普洱，普洱茶味香濃，亦有朱古力味，再者配合得天衣無縫當然咁多人食嘅餐廳，都坐得迫少少，而咁多個職員都好有個性，無乜同食客交流，只是落單，上菜，收嘢，或者會叫你轉位黎配合入嚟嘅客人。

經常都去荃灣食嘢，去荃灣廣場都經過條食街，其實好多間都未試過，這間我見到經常都排晒隊，今日竟然見到入邊有位，咁就立即上去睇吓食評，見到食評都還好，價錢又唔係太貴，咁就立即去試下，佢嘅價錢就係茶餐廳，但我自己覺得佢嘅裝修都幾好睇，有啲感覺似西餐，俾大家睇咗個餐牌先，咁你見到價錢真係唔貴， $50左右仲可以配特飲，一杯特飲都成$20，咁我就叫咗個飯，我女友就叫咗個米線，我女友叫咗杯朱古力普洱，我就叫咗杯杏仁咖啡，仲加一碟雞翼，食物正正常常，不過杯嘢飲真係正，值得推介，份量都唔錯， 良心食店

Lunch諗唔到食咩好，經同事推薦下就響左呢間平平地既米線，估唔到呢間都幾出名，去到見到有人龍呢。等左一陣就入座，有個餐係米線會送特色飲品，計返係好抵。參考返openrice既熱門菜式，我就點左呢個滇池什錦砂鍋米線，原來即係肉碎米線，唔會太辣，份量十足，有d番茄、雲耳、椰菜、腐皮，材料豐富。飲品方面，我就點左朱古力普洱，佢既朱古力味係黑朱古力味（我自己就唔太好甜朱古力），帶住少少普洱茶香，味道好特別。值得一讚係餐廳效率好快，落單10分鐘左右就有得食

冒著這裡一杯名氣的特色凍飲而來 —— 普洱朱古力• $30有找的平價下午茶🥪🥤• 魚柳包的份量適中，作為小吃或下午茶就最好不過；• 麵包🥯有輕微烘過，邊位稍為香脆、中間仍然保持鬆軟，是典型港式餐包的質感；• 中間夾著一片唐生菜🥬，表面没有多餘的水份，配了一點黑醋(?)，只是醋的份量太少嚐不出味道🤣；• 魚柳的口感偏向紥實，不是吉列的那種，體積也不小；• 主角普洱朱古力🥤兩種味道出奇地配搭，朱古力跟普洱口感比例是6:4，嘗到甜味過後便是一股普洱香、十分特別，值得一試。

咖喱煎雞扒飯 $48/set包一杯$20特飲朱古力普洱😋普洱嘅味道都幾出 飲到好香茶味🍵茶味又唔會蓋過左朱古力🍫嘅味道雖然個味道冇話好驚艷或者好特別但都值得一試嘅👍🏻尤其中意飲茶又中意食朱古力嘅朋友必試🤣咖喱煎雞扒飯🍛個樣望落頹頹地😂但大大份 細食嘅朋友就未必食得曬啦🤭佢個咖喱汁並唔係日式嗰種甜甜辣辣嘅而係得個辣字🌶係幾好送飯 但係唔太夠香煎雞扒好大塊 唔會話煎到好乾所以食落唔會嚡口最好嘅係佢個皮仲煎到脆脆地添😋

普洱可以說是在荃灣的飯堂，這裡食物的選擇有點像茶記，都是焗或炒飯或意粉，沒有甚麼特別。一直鍾情於這裡的朱古力普洱，沒有珍珠奶茶那麼甜跟膩，雖然係朱古力但充滿茶香，沒有想過這兩種味道會這麼夾～食物方面，今次叫了雞肉炒空心通心粉。味道非常一般，比茶記的乾炒牛河更沒有味，可以說是難食。綜觀覺得這裡的食物都好一般，但飲品值得一試。但最後不得不提他們的服務態度，真的很差！看服務員衣著應該是老闆，看到樓面這麼full我都明白他們很忙，但點飲品時想叫走甜和走冰，叫既時候已經好爽快，無欸，但佢個樣黑到一個點，比澳牛更恐怖。如非必要都不會再去。

本身諗住同朋友慢慢食下野坐下，所以就揀左間CAFÉ，點知行到去先知東主連休六天….又一次想去試既食肆唔開門😫。唯有係附近搵食，結果再次光顧呢間平民茶記---普洱今次同朋友兩個人點左一份二人餐，包一個前菜、油菜、兩個小菜、兩個飯/米線、兩杯飲品，加上呢度無加一，兩個人食都只係$128，認真抵食😏朱古力普洱呢款最多人點，飲落除左有濃郁既朱古力味之外，仲真係飲到茶既香味芝麻紅豆冰芝麻味非常香；紅豆偏硬身，而且唔甜，似係自己煲；但奶就甜左d滷水拼盤內有滷蛋一隻、滷水翼兩隻、滷水豬肉4片雞翼雖然唔彈牙，肉質偏淋，但勝在滷得夠好入味；豬肉片都入味、肉質亦淋、但仍然食到豬味。呢度既滷水鹹中帶點甜，食完都唔會好口渴滇醬骨排骨已經炆到骨肉分離且入味；醬調得好好，濃味得黎又唔會太鹹，我最後用黎撈個米線食；但二人餐得三件，爭崩頭…烤豬頸肉配黑椒汁呢碟豬頸肉分量真係好多!! 雖然無碳燒香，但食落都算爽口。但佢個黑椒汁出左問題，味道似粟米汁多過黑椒…蠔油生菜生菜爽脆唔過熟米線個湯底食落似冬瓜味清湯，但略嫌有好多斷米線呢度食野價錢夠抵，食完野慢慢飲杯特飲坐耐少少都唔會比人趕走，但最好唔好談心，因為兩個人就多數要同

從前在青衣讀書，所以很多朋友都住在荃灣。每逢到荃灣想不到吃什麼的時候，都會選擇來普洱。昨晚工作後，因不想再多花心神想吃什麼，便再次來到普洱。以前每次來總是選擇焗飯，但今次便作一個改變，試試麵類吧。點了一碗手撕雞湯蕎麥麵，因為不是太餓，單拼便夠了。手撕雞湯蕎麥麵很少地方可以有蕎麥麵選擇，便決定試一試了。蕎麥麵沒什麼味道，因不會發漲太多，我喜歡蕎麥麵多過米線。相信因為有手撕雞的關係，湯的味道好似雞湯一樣，而且雞肉不會太乾，看得見有雞腿肉及雞胸肉，麵與雞的份量很多，幾乎每一口麵亦可有手撕雞夾著麵一起吃。朱古力普洱每次來都會選擇朱古力普洱，因為喝的時候不單有濃濃的朱古力味，亦能喝出有茶的味道，非常特別，不會像朱古力奶般。吃麵或飯可配一杯$18飲品。雲南春卷一上枱便夾起一條吃了，心急的我不小心燙咀了，原來內裡非常熱，外面春卷皮亦很脆，而且加$7便可有，非常化算。脆皮豆腐與春卷一樣，加$7便有了。外皮少少脆，在冇味的豆腐外皮表面下了少許椒鹽粉，加添了少少鹹味，內裡的豆腐非常滑，因為太滑，要夾起都有點難度，但非常好味。滇池什錦砂鍋米線這是同行的朋友選擇的，味道不太辣，而已全是蔬菜，相信冬天的時候吃，

第一次寫食評竟然唔係寫元朗美食 話說今日有啲野做去左荃灣西係附近行完街之後就搵下附近食tea嘅地方啦見到間普洱食米線 啲餸又好似幾特別咁就入去試下叫左個下午茶米線套餐加左個餸 啲野食上得好快份量有啲細 不過$30有找又送特飲 其實都算抵 細細粒女仔食應該剛剛好朱古力普洱 朱古力味重 夠滑又唔甜 不過飲唔到普洱味 但都贏出面普通朱古力成條街 醬烤脆肉（左） 開頭以為係煎炸野 但原來係好爽口嘅豬頸肉 食落有煙燻腸仔味幾得意官渡燜肉（右） 原來係有酒味同埋成舊肉都幾入味 （但加$5得一舊.......）鍾意食有酒味嘅野可以試下通心米線 食落好似通心粉 下次再食叫番普通米線算總括來講啲味道都ok 最令人驚喜都係杯朱古力普洱 下次會再番去食應該都係為左杯野飲

曾幾何時我曾經係普洱既熟客仔不過自從生活圈離開咗荃灣區之後，已經好多冇去食過。所以趁今次黎開，無論點都要捉朋友仔黎回味一下官渡燜肉·醬烤脆肉·烤豬軟骨-當年係我必叫既餸，冇諗到事隔8年佢依然保持到當時既水準....餸我真係俾100分既，可惜麵線有啲未熟透，偶爾有幾條係硬硬地，加上湯亦都唔係太熱，所以整體有啲美中不足既所以我將焦點放返係杯野飲到...朱古力普洱! 雖然呢間餐廳既飲品好多都好好味，但係我只係對朱古力普洱情有獨鍾! 果然飲品都保持到高水準。濃濃既朱古力甜味後帶出微微既普洱茶味，兩樣好似冇咩關係既飲品完美咁合二為一整體係講，呢個回憶之旅，食物同飲品係ok既，但係服務質素真係下滑咗，連近排澳牛既待應都比佢親切算係充滿缺陷美既一餐...

名為普洱嘅餐廳，最signature嘅就係朱古力普洱。之前見到都有唔少，但作為敢死隊我又想知係咪真係咁難飲。可能就係經過負評後improvement，我真心覺得幾好飲。普濃嘅味道雖然唔算係好濃好濃，但同朱古力嘅味道balance得啱啱好，其實就好似平時我哋飲開嘅台式飲品咁樣。之後叫左個豆腐丸子手撕雞肉通心米線就有啲失望。豆腐丸子都仲係好特別同幾好食，將豆腐嘅滑溜配上豬肉嘅鮮味，口感軟稔，坊間都唔多見到呢款丸子。但個湯底就冇乜味，而米線亦都太稔，大忌啊！